Gujarati News

ઉમરેઠ ડાકોર રોડ પર છોટા હાથીનું ટાયર ફાટતાં અકસ્માત સર્જાયો હતો જેમાં 15 મહિલાઓને સામાન્ય ઈજા થઈ હતી જયારે ૪ મહિલાઓને ગંભીર ઈજાઓ પહોંચી હોવાથી તેમને સારવાર માટે હોસ્પિટલમાં ખસેડાયા છે

  આ અંગે મળતી વિગતો મૂજબ ઠાસરાના અદણીથી ખીજલપુર તરફ કાણમાંકણામાં જવા માટે મહિલાઓએ છોટા હાથી ભાડે કર્યો હતો છોટા હાથીમાં ર૦ જેટલી મહિલાઓ સવાર હતી ત્યાં અચાનક જ છોટા હાથીનું ટાયર ફાટતાં છોટા હાથીના ડ્રાઈવરે પોતાનું બેલેન્સ ગુમાવ્યું હતુ અને અકસ્માત સર્જાયો હતો.જોકે આ અકસ્માતમાં સદનસીબે કોઈ જાન હાની ન થઈ હોવાનું સામે આવ્યું છે પરંતુ ૧પ મહિલાઓને સામાન્ય તો ૪ મહિલાઓને ગંભીર ઈજા થઈ છે જેઓને નડીયાદ રીફર કર્યા હોવાનું ઉમરેઠ હોસ્પિટલ પાસેથી જાણવા મળ્યું હતુ.