Gujarati News

Gujarati News

News of Saturday, 5th December 2020

માંગરોળ ગામમાં 2 સમય એસટી બસ શરૂ કરવા ગામના સરપંચે ડેપો મેનેજરને લેખિત રજુઆત કરી

(ભરત શાહ દ્વારા) રાજપીપળા : નાંદોદ તાલુકાના માંગરોળ ગામમાં બે સમય એસટી બસ શરૂ કરવા ગ્રામપંચાયત ના સરપંચે ડેપો મૅનેજરને લેખિત રજુઆત કરી જણાવ્યું છે કે માંગરોળ ગામની હોસ્પિટલમાં કવાટ છોટાઉદેપુર પાવી જેતપુર નસવાડી સંખેડા ડભોઇના તાલુકાઓના અને મધ્યપ્રદેશના અલીરાજપુર અને મહારાષ્ટ્રના અકકલકુવા તાલુકાના અનેક આદિવાસી દર્દીઓ સારવાર લેવા માટે આવે છે પરંતુ વાવડીથી માંગરોળ આવતી કોઈ સુવિધા ઉપલબ્ધ નથી . દર્દીઓએ વાવડીથી છેક માંગરોળ સુધી ચાલતા આવવું પડે છે પરત જવામાં પણ મુશ્કેલી પડે છે. આવી જ હેરાનગતી યાત્રાળુઓ,મજૂરો અને ગામમાં આવતા મહેમાનો ની થાય છે.રાજપીપળાથી ઓછામાં ઓછા બે સમય મોગરોળ બસ આવે તે માટે કાર્યવાહી હાથ ધરવા તેમજ હાલ કોરોનાના કપરા સમયમાં લોકોને અનેક રીતે રાહત પહોંચાડવા ની જરૂર છે.કદાચ બસમાં પૂરતા પેસેન્જર ના થાય તો પણ લોકોની હાડમારી અને તે પણ દર્દીઓની હાલાકી ધ્યાને લઇ બસ સુવિધા ચાલુ કરવી જરૂરી છે . માંગરોળ ગામે આવતા દર્દીઓ મજૂરો અને યાત્રાળુઓ દર્દીઓ તમામ ગરીબ અને સાધન વગરના હોય છે આથી તેમના હિતમાં આ વ્યવસ્થા ગોઠવવા રજુઆત કરાઈ છે

(10:24 pm IST)
  • દેશમાં કોરોનાના કેસનો આંકડો 96 લાખને પાર પહોંચ્યો : નવા કેસ કરતા સ્વસ્થ થનારની સંખ્યામાં સતત વધારો : એક્ટિવ કેસમાં ઘટાડો : રાત્રે 9 -30 વાગ્યા સુધીમાં કોરોનાના નવા 35,002 કેસ નોંધાયા:કુલ કેસની સંખ્યા 96,06,810 થઇ :એક્ટીવ કેસ 4,08,122 થયા : વધુ 40,966 દર્દીઓ સ્વસ્થ થતા કુલ 90, 56,68 રિકવર થયા :વધુ 473 ના મોત સાથે કુલ મૃત્યુઆંક 1,39,700 થયો access_time 12:02 am IST

  • દેશભરમાં આરટી-પીસીઆર ટેસ્ટનો સમાન દર રાખવા સુપ્રીમ કોર્ટમાં માગણી: બેફામ લેવાયેલ રકમો પરત અપાવવા રીટ પીટીશન : દેશભરમાં ખાનગી લેબોરેટરીઓ અને હોસ્પિટલો દ્વારા કોરોના અંગેના "આરટી-પીસીઆર" ટેસ્ટના બેફામ ભાવો કટકતાવવામાં આવ્યા છે તે પરત અપાવવા અને દેશભરમાં કોરોના ટેસ્ટ માટે ૪૦૦ રૂપિયાનો સમાન દર રાખવા માટેના હુકમ ફરમાવવા માગણી કરતી એક રિટ પિટિશન સુપ્રીમ કોર્ટમાં કરવામાં આવી છે. access_time 2:37 pm IST

  • માળીયા ચોકડી પાસે જૈન સાધ્વીજીને ગંભીર અકસ્માત નડ્યો : અજાણ્યા વાહને હડફેટે લેતા ગંભીર સ્થિતિ : તેમની સાથે વિહાર કરી રહેલ એક સેવિકાનું ઘટનાસ્થળે મૃત્યુ થયાનું જાણવા મળે છે access_time 1:12 pm IST