Gujarati News

Gujarati News

News of Saturday, 5th December 2020

ગાંધીનગરના ચ માર્ગ નજીક બપોરના સમયે પુરપાટ ઝડપે જતી કારે બાઈક સવારને હડફેટે લેતા સારવાર દરમ્યાન ચાલકનું મૃત્યુ

ગાંધીનગર: શહેરમાં અકસ્માતોની સાથે હીટ એન્ડ રનની ઘટનાઓ પણ વધી રહી છે. ખાસ કરીને કોઈપણ સ્પીડ બ્રેકર વગરના ચ-માર્ગ ઉપર વાહનો પુરઝડપે દોડતાં હોય છે અને નાના વાહનચાલકો સાથે અકસ્માત સર્જતા હોય છે ત્યારે આજે બપોરે સે-૧૭માં હેલીપેડ જવાના વળાંક ઉપર કાર અને બાઈક વચ્ચે અકસ્માત સર્જાયો હતો જેમાં નિવૃત કર્મચારી એવા વૃધ્ધનું મોત થયું હતું. આ ઘટના અંગે તેમની પુત્રી આનંદિકાબેન ચૌહાણે ફરીયાદ નોંધાવી હતી કે તેમના પિતા જીવણભાઈ નાનજીભાઈ ચૌહાણ જુના સચિવાલય બ્લોક નં.પ માં આરોગ્ય વિભાગમાં હેડકલાર્ક તરીકે ફરજ બજાવતાં હતા. વર્ષ ર૦૧૮માં નિવૃત થયા હતા. જો કે આ વિભાગમાં તે કરાર આધારિત કામ કરતાં હતા. ઓફીસે આવવા જવા માટે જીજે-૧૮-એમ-પ૦રપ નંબરના બાઈકનો ઉપયોગ કરતાં હતા. આજે પણ તેઓ તેમનું બાઈક લઈને કચેરીએ જવા માટે નીકળ્યા હતા તે દરમ્યાન ચ-૩ સર્કલથી ચ-પ વચ્ચે સે-૧૭ના હેલીપેડ કટ પાસે પુરઝડપે જતી કાર નં.જીજે-૧૮-બીજે-રર૦૭ના ચાલકે જીવણભાઈના બાઈકને જોરદાર ટક્કર મારતાં તેઓ નીચે પટકાયા હતા અને શરીરે ગંભીર ઈજાઓ પહોંચતા તેમને તાત્કાલિક સારવાર માટે ૧૦૮ એમ્બ્યુલન્સ મારફતે ગાંધીનગર સિવિલ હોસ્પિટલ ખસેડવામાં આવ્યા હતા. જયાં સારવાર દરમ્યાન તબીબે તેમને મૃત જાહેર કર્યા હતા. હાલ તો આ ઘટના અંગે પોલીસે કાર ચાલક સામે ગુનો નોંધીને વધુ તપાસ શરૂ કરી છે. 

(5:47 pm IST)
  • દેશભરમાં આરટી-પીસીઆર ટેસ્ટનો સમાન દર રાખવા સુપ્રીમ કોર્ટમાં માગણી: બેફામ લેવાયેલ રકમો પરત અપાવવા રીટ પીટીશન : દેશભરમાં ખાનગી લેબોરેટરીઓ અને હોસ્પિટલો દ્વારા કોરોના અંગેના "આરટી-પીસીઆર" ટેસ્ટના બેફામ ભાવો કટકતાવવામાં આવ્યા છે તે પરત અપાવવા અને દેશભરમાં કોરોના ટેસ્ટ માટે ૪૦૦ રૂપિયાનો સમાન દર રાખવા માટેના હુકમ ફરમાવવા માગણી કરતી એક રિટ પિટિશન સુપ્રીમ કોર્ટમાં કરવામાં આવી છે. access_time 2:37 pm IST

  • માળીયા ચોકડી પાસે જૈન સાધ્વીજીને ગંભીર અકસ્માત નડ્યો : અજાણ્યા વાહને હડફેટે લેતા ગંભીર સ્થિતિ : તેમની સાથે વિહાર કરી રહેલ એક સેવિકાનું ઘટનાસ્થળે મૃત્યુ થયાનું જાણવા મળે છે access_time 1:12 pm IST

  • ગુજરાત સરકારે IAS અધિકારી અરવિંદ અગ્રવાલનો GSFCના CMD તરીકેનો કાર્યકાળ ન લંબાવતા વધારાનો ચાર્જ ACS મુકેશ પુરીને સોંપ્યો. access_time 11:49 pm IST