Gujarati News

News of Saturday, 5th December 2020

વડોદરા :કોરોના વોર્ડમાં ફરજ બનાવતી નર્સનો PPE કીટ પહેરેલી હાલતમાં મળ્યો મૃતદેહ: હત્યાની આશંકા

નાઈટ શિફ્ટમાં ડ્યુટી પર જવા નીકળેલી શિલ્પા પટેલનો વૈકુંઠ સોસાયટીના દરવાજા નજીક મૃતદેહ મળ્યો

વડોદરાની ગોત્રી કોવિડ હોસ્પિટલમાં નાઈટ શિફ્ટમાં ડ્યૂટી પર જવા નીકળેલી નર્સની PPE કિટ પહેરેલી હાલતમાં મૃતદેહ મળી આવતા ચકચાર મચી જવા પામી છે. હાલ પ્રથમ દ્રષ્ટિએ અકસ્માત થયો હોવાનું અનુમાન લગાવવમાં આવી રહ્યું છે બીજી તરફ હત્યાની આશંકા પણ વ્યકત કરવામાં આવી રહી છે. જો કે હાલ આ મામલે પોલીસે વધુ તપાસ હાથ ધરી છે. મળતી માહિતી અનુસાર, વડોદરાનાં ન્યૂ વીઆઈપી રોડ પર રહેતા શિલ્પા પટેલ મૂળ મેન્ટલ હોસ્પિટલમાં નર્સ તરીકે કામ કરતા હતા. હાલ તેમણે ગોત્રી હોસ્પિટલમાં કોવિડની ડ્યૂટી આપવામાં આવી હતી. જેથી તેઓ શુક્રવારે સાંજે પોતાના ટુ વ્હિલર પર ગોત્રી હોસ્પિટલ જઇ રહ્યાં હતા. તે દરમિયાન આજવારોડ ખાતે આવેલા વૈકુંઠ-2 સોસાયટીનાં દરવાજા પાસેથી નર્સનો મૃતદેહ મળતો હતો. આ મહિલાનો અકસ્માત થયો કે હત્યા થઇ તે અંગે હાલ પોલીસ તપાસ કરી રહી છે. આ મામલે કોઈ અજાણ્યા શખ્સે પોલીસને જાણ કરી હતી કે, વૈકુંઠ સોસાયટીના દરવાજા નજીક PPE કિટ પહેરેલ યુવતીની લાશ પડી છે. જે બાદ પોલીસે આવીને તપાસ કરતાં તે શિલ્પા પટેલ હોવાનું જાણવા મળ્યું હતું. શિલ્પાના એક્ટિવાને કોઇ વાહનની ટક્કરથી નુકસાન થયુ હોવાનુ જણાઇ આવ્યુ નથી. બીજી તરફ શિલ્પાના શરીર ઉપર પણ અકસ્માતથી થાય તેવા ઇજાના નિશાન નથી પરંતુ તેના ચહેરા ઉપર ફટકા મારવામાં આવ્યા હોય તેવા સ્પષ્ટ નિશાન છે એટલે આ બનાવ હત્યાનો હોવાનું જણાઇ રહ્યુ છે.જો કે આ મામલે સ્પષ્ટ કહી શકાય તેમ નથી. હત્યા છે કે અકસ્માત.. બીજી તરફ આ મામલે પોલીસે વધુ તપાસ હાથ ધરી છે.

(1:12 pm IST)

આ સમાચાર શેર કરો

Akilanews.com ને સોશ્યલ મીડિયા પર ફોલો કરો

છેલ્લા 8 દિવસમાં સૌથી લોકપ્રિય

Most Popular
Recent

સમાચાર ફટાફટ

દેશમાં કોરોનાના કેસનો આંકડો 96 લાખને પાર પહોંચ્યો : નવા કેસ કરતા સ્વસ્થ થનારની સંખ્યામાં સતત વધારો : એક્ટિવ કેસમાં ઘટાડો : રાત્રે 9 -30 વાગ્યા સુધીમાં કોરોનાના નવા 35,002 કેસ નોંધાયા:કુલ કેસની સંખ્યા 96,06,810 થઇ :એક્ટીવ કેસ 4,08,122 થયા : વધુ 40,966 દર્દીઓ સ્વસ્થ થતા કુલ 90, 56,68 રિકવર થયા :વધુ 473 ના મોત સાથે કુલ મૃત્યુઆંક 1,39,700 થયો 12:02 am IST
વિજય માલ્યાની ફ્રાન્સમાં આવેલી 14 કરોડ રૂપિયાની સંપત્તિ જપ્ત : હાલમાં લંડન સ્થિત વિજય માલ્યા વિરુદ્ધ મની લોન્ડ્રીંગ કેસ મામલે ઇડીની કાર્યવાહી 7:25 pm IST
ગુજરાત સરકારે IAS અધિકારી અરવિંદ અગ્રવાલનો GSFCના CMD તરીકેનો કાર્યકાળ ન લંબાવતા વધારાનો ચાર્જ ACS મુકેશ પુરીને સોંપ્યો. 11:49 pm IST