Gujarati News

નરેન્‍દ્રભાઈની પરંપરા જાળવી રાખી એસીપી સિકયોરિટી ચિંતન તેરૈયા ટીમ દ્વારા અનેરૂં આયોજન થયું

રાજકોટઃ  વિજયાદશમીના પવિત્ર અને પાવન પ્રસંગે શષા પૂજનનું અનેરૂ મહત્‍વ હોવાથી વડાપ્રધાનશ્રી જયારે ગુજરાતના મુખ્‍યમંત્રીપદે હતા ત્‍યારે પોતાના બંગલા પર પોતાના સુરક્ષા જવાનો અને અધિકારીઓ સાથે શષા પૂજન કરતા, આવી ઉમદા પરંપરા નરેન્‍દ્રભાઇ બાદ ભૂપેન્‍દ્રભાઈ દ્વારા પણ ચાલુ રાખી એક અનેરું ઉદાહરણ પુરૂં પાડ્‍યું છે.

મુખ્‍યમંત્રી શ્રી ભૂપેન્‍દ્રભાઈ પટેલ દ્વારા પોતાની સુરક્ષા કરતા જવાનો અને અધિકારીઓ સાથે વૈદિક મંત્રોચાર સાથે પૂજન કર્યું ત્‍યારે અનોખા દ્રશ્‍યો સર્જાયા હતા, શષા પૂજન બાદ મુખ્‍યમંત્રી ભુપેન્‍્‌દ્રભાઈ પટેલ દ્વારા શુભેચ્‍છા પાઠવવા સાથે રાષ્‍ટ્ર અને રાજ્‍યની તથા લોકોના જાન માલની સુરક્ષા જાનના જોખમે સાંભળતા પોલીસ દળની કર્તવ્‍ય પરાયણતાને બિરદાવી હતી.            

સી.એમ. સિકયોરિટીના એસપી ચિંતન તૈરેયા દ્વારા મુખ્‍ય મંત્રીનું સ્‍વાગત કરવા સાથે સુંદર આયોજન ગોઠવવામાં આવેલ.