Gujarati News

અમદાવાદ : ગુજરાત હાઇકોર્ટમાં ટ્યુશન ફીને લઈને જાહેર હિતની અરજી કરવામાં આવી છે. જેમાં સુરતની શાળામાં ટ્યુશન ફી લેવાની મુદ્દે અરજદારે રજુઆત કરી છે. આ અરજીમાં જણાવાયું છે કે કેટલીક શાળાઓ મનફાવે તેમ ટ્યુશન ફી લે છે. તેમજ FRC કમિટી દ્વારા ફી નક્કી કરતા સમયે સ્પષ્ટતાની માંગ આ અરજીમાં કરવામાં આવી છે. અરજીમાં કહેવામાં આવ્યું છે કે કમિટીની સ્પષ્ટતાના અભાવે પ્રશ્ન ઉદભવી રહ્યો છે.

   અરજીમાં રજૂઆત કરવામાં આવી છે શાળાઓ ટ્યુશન ફીના નામે વધુ ફી વસૂલી શકે નહીં. આ અરજીમાં હાઇકોર્ટ દ્વારા રાજ્ય સરકારને જવાબ રજૂ કરવા નિર્દેશ કરાયો છે. તેમજ હાઇકોર્ટે સરકાર સહિતના પક્ષકારોને નોટિસ ફટકારી છે. જયારે કે અરજી પણ વધુ સુનાવણી આગામી 6 સપ્તાહ બાદ હાથ ધરાશે.