Gujarati News

ગાંધીનગર:ચિલોડા-ગાંધીનગર-સરખેજના માર્ગને સંપુર્ણ સીક્સલેન કરવાના પ્રોજેક્ટ અંતર્ગત સેંકડો વૃક્ષોનું નિકંદન કાઢવામાં આવ્યું છે.જો કે,વૃક્ષોને બચાવવા પર્યાવરણપ્રેમીઓએ આંદોલન છેડયો હતો તેમ છતા વિકાસની આંધળી દોડમાં ઝાડ કાપવાની કામગીરી ચાલુ જ રાખવામાં આવી હતી. 

ચિલોડા સર્કલથી બ્રીજ સુધીના વિસ્તારમાં ૨,૧૦૦ જ્યારે સરગાસણથી વૈષ્ણોેદેવી સુધીના માર્ગ ઉપર ૨,૬૦૦ વૃક્ષો કાપી નાંખવામાં આવ્યા છે. તો હાલની સ્થિતિએ જ-માર્ગ અને ૦ માર્ગ ઉપર વૃક્ષ કાપવાની કામગીરી ચાલી રહી છે. આ પ્રોજેકટ પાછળ દસ હજારથી પણ વધુ વૃક્ષોનો ખાતમો બોલાવી દેવામાં આવશે.