Gujarati News

Gujarati News

News of Tuesday, 5th June 2018

હવે અમદાવાદમાં પ્લાસ્ટિકના પાણીના પાઉચ વેચવા અને કપના ઉપયોગ પર પ્રતિબંધ

કલેક્ટર કચેરીમાં આવતા લોકોને શણની બેગ આપવામાં આવશે.

અમદાવાદ ;વિશ્વ પર્યાવરણ દિવસ અંતર્ગત અમદાવાદમાં પ્લાસ્ટિકના પાણીના પાઉચ વહેવા અને ચાની કીટલીએ પ્લાસ્ટિકના કપના ઉપયોગ પર પ્રતિબંધ મૂકી દેવાયો છે

  અમદાવાદના મેયર ગૌતમ શાહે મંગળવારે સાંજે જાહેરાત કરી કે હવે અમદાવાદ શહેર વિસ્તારમાં પાણીના પાઉચ વેચવા પર પ્રતિબંધ મૂકવામાં આવે છે. આ ઉપરાંત જે કોઈ વ્યક્તિ વેચાણ કરતા પકડાશે તો તેમની સામે કાયદેસરની કાર્યવાહી કરવામાં આવશે. આ ઉપરાંત શહેરભરમાં ચાલતી ચાની કિટલી પર પ્લાસ્ટિકના કપનો ઉપયોગ કરવામાં આવે છે તેની ઉપર પણ AMC પ્રતિબંધ મૂકી દીધો છે.

   અમદાવાદ કલેક્ટરે પણ કલેક્ટર કચેરીને નો પ્લાસ્ટિક ઝોન બનાવવાની જાહેરાત કરી છે. એટલે કે આ વિસ્તારમાં કોઈ પણ વ્યક્તિ પ્લાસ્ટિકની બેગનો પણ ઉપયોગ નહીં કરે. આ ઉપરાંત કલેક્ટર કચેરીમાં આવતા લોકોને શણની બેગ આપવામાં આવશે. જેથી તેઓ  પ્લાસ્ટિક બેગને બદલે શણની બેગનો ઉપયોગ કરી શકે.

  આ પહેલા 4 જૂનના રોજ રાજકોટ મહાનગર પાલિકા દ્વારા પાણીના પાઉચના વેચાણ પર પ્રતિબંધ મૂક્યો હતો. જેની કાર્યવાહીના ભાગ રૂપે RMCના અધિકારીઓ દ્વારા 16000 પાણીના પાઉચ જપ્ત કર્યા છે આ ઉપરાંત 5600 રૂપિયાનો દંડ ફટકારવામાં આવ્યો છે.

(9:07 pm IST)
  • સીરિયાના રાષ્ટ્રપતિ બસર અલ-અસદ ઉત્તર કોરિયાની મુલાકાત લેશે :વર્ષ 2011માં સત્તા સંભાળ્યા બાદ પ્રથમ વખત કિમ જોંગ-ઉને કોઈ દેશના સર્વોચ્ચ પદાધિકારીનું સ્વાગત કરશે:વર્ષ 1966માં સીરિયા સાથે ઉત્તર કોરિયાએ રાજદ્વારી સંબંધો સ્થાપ્યા હતા: ઉત્તર કોરિયાએ 1973ના આરબ-ઇઝરાયલ યુદ્ધમાં સેના અને હથિયાર બન્ને મોકલ્યા હતા access_time 1:26 am IST

  • કચ્છ ;કંડલા CISFએ કંડલા જેટી નજીકથી એક શંકાસ્પદ શખ્શની 11 સીમકાર્ડ સાથે ધરપકડ કરી :વધુ તપાસ માટે કંડલા મરીન પોલીસના હવાલે કરાયો access_time 12:48 am IST

  • સ્ક્રેપના કોન્ટ્રાકટર પાસેથી બોફોર્સમાં તોપ અને ટેન્કના ગોળા મળતા ખળભળાટ ;પાકિસ્તાન સરહદે સ્થિત જેસલમેરમાં મોટી કાર્યવાહી :પોખરણ ક્ષેત્રમાંથી સ્ક્રેપ ખરીદનાર એક મોટા કોન્ટ્રાકટરના ગોદામમાથી મોટી સંખ્યામાં ગોળા જપ્ત :સેનાના ઇન્ટેલિજન્સે સમગ્ર વિસ્તાર સીલ કરી દીધો :સૈન્ય અધિકારીઓ પહોંચ્યા :બૉમ્બ-ગોળાની ગણત્રીચાલુ access_time 1:25 am IST