Gujarati News

Gujarati News

News of Tuesday, 5th June 2018

ચેક રિટર્નના કેસમાં સાંસદ દેવજી ફતેપુરા વિરૂદ્ધ વોરંટ

કલોલ કોર્ટે છઠ્ઠી વખત સાસંદ વિરૂદ્ધ વોરંટ જારી : સાંસદની સામે વોરંટ જારી કરાતાં ગુજરાતનું રાજકારણ ગરમાયુ : સાંસદના વલણની નોંધ લઇ નવેસરથી વોરંટ

અમદાવાદ, તા.૫ : સુરેન્દ્રનગર જિલ્લાના ભાજપના સાંસદ દેવજીભાઇ ગોવિંદભાઇ ફતેપુરા વિરૂધ્ધ રૂ.૧.૪૮ કરોડની રકમનો ચેક પરત ફરવાના ચકચારભર્યા કેસમાં કલોલના એડિશનલ ડિસ્ટ્રીકટ એન્ડ સેશન્સ જજ જે.આઇ.પટેલે ફરી એકવાર વોરંટ જારી કરતાં રાજકારણ ગરમાયુ છે. ચકચારભર્યા એવા આ કેસમાં અદાલત દ્વારા સાંસદ દેવજીભાઇ ફતેપુરા વિરૂધ્ધ છઠ્ઠીવાર વોરંટ જારી કરાયું છે. કોર્ટે સ્પષ્ટ કર્યું હતું કે, આરોપી વિરૂધ્ધ વોરંટ જારી હોવાછતાં પોલીસ તેમને પકડી લાવી શકી નથી અને તેથી આરોપી સાંસદ વિરૂધ્ધ ફરીથી વોરંટ જારી કરવામાં આવે છે. ચકચારભર્યા આ કેસની વિગત એવી છે કે, સુરેન્દ્રનગર જિલ્લાના ભાજપના સાંસદ દેવજીભાઇ ફતેપુરાએ કણકોટ લોધિકામાં આવેલી એક હજાર વીઘા જમીનનો સોદો કરી અમદાવાદના થલતેજ વિસ્તારમાં રહેતા અને ગાંધીનગર જિલ્લા ભાજપના પૂર્વ ઉપપ્રમુખ પ્રભાતસિંહ ઠાકોર પાસેથી બાનાખત પેટે રૂ.૧.૪૮ કરોડ લીધા હતા પરંતુ પાછળથી સાંસદ દેવજીભાઇ ફતેપુરાએ સોદો કેન્સલ કર્યો હતો, જેથી પ્રભાતસિંહે પોતાના પૈસા પાછા માંગતા સાંસદ દેવજીભાઇએ પ્રભાતસિંહને રૂ.૧.૪૮ કરોડની રકમનો ચેક આપ્યો હતો. જે ચેક રિટર્ન થતાં પ્રભાતસિંહ ઠાકોરે કલોલ કોર્ટમાં સાંસદ દેવજીભાઇ ફતેપુરા વિરૂધ્ધ નેગોશીએબલ ઇન્સ્ટ્રુમેન્ટ એકટ હેઠળ ફરિયાદ દાખલ કરી કેસ કર્યો હતો. આ કેસની સુનાવણીમાં અગાઉ પણ કોર્ટ દ્વારા અત્યારસુધીમાં પાંચ વખત સાંસદ દેવજી ફતેપુરા વિરૂધ્ધ વોરંટ જારી કરાયા હતા પરંતુ તેઓ અદાલત સમક્ષ હાજર રહ્યા ન હતા, પોલીસે પણ તેઓને વોરંટની બજવણી કરી પકડીને અદાલત સમક્ષ હાજર કરી શકી નહી હોવાથી કોર્ટે આ વખતે હુકમમાં તે બાબતનો ઉલ્લેખ કરી સાંસદ દેવજી ફતેપુરા વિરૂધ્ધ છઠ્ઠી વખત વોરંટ જારી કર્યું હતું અને કેસની વધુ સુનાવણી આગામી દિવસોમાં મુકરર કરી હતી. ફરિયાદપક્ષ તરફથી આરોપી સાંસદના વલણ પરત્વે ભારે વાંધો ઉઠાવાયો હતો અને કોર્ટનું આ અંગે ધ્યાન દોરી સાંસદ દેવજી ફતેપુરા વિરૂધ્ધ વોરંટ ફરીથી જારી કરવા અનુરોધ કરવામાં આવ્યો હતો, જે માંગણી ગ્રાહ્ય રાખી કલોલ કોર્ટે આરોપી સાસંદ દેવજીભાઇ ફતેપુરા વિરૂધ્ધ વોરંટ જારી કર્યું હતું. રૂ.૧.૪૮ કરોડની રકમનો ચેક પરત ફરવાના કેસમાં ભાજપના સાંસદ દેવજીભાઇ ફતેપુરા વિરૂધ્ધ છઠ્ઠીવાર વોરંટ જારી થતાં ગુજરાતનું રાજકારણ ફરી એકવાર ગરમાયું હતું.

(8:32 pm IST)
  • સાંસદો - ધારાસભ્યો સામેના કેસની સ્પેશ્યલ અદાલતો માટે પોણા બે કરોડ મંજૂર: દેશના ધારાસભ્યો, સાંસદો સંબંધી ૧૫૦૦ કેસ ચાલે છે તેનો નિકાલ લાવવા સરકારે ૧૦ વિવિધ રાજ્યોમાં અને દિલ્હીમાં બે એમ કુલ ૧૨ ખાસ અદાલતો રચવા નિર્ણય કરીને તે માટેનું ખાસ ફંડ તરીકે ૧.૭૯ કરોડ મંજૂર કર્યા છે access_time 11:21 am IST

  • બીટકોઈન તોડકાંડ :જીજ્ઞેશ મોરડીયા પાસેથી વધુ 30 લાખ રોકડ રિકવર કરવામાં આવ્યા :કુલ 503 બીટકોઈનને રોકડમાં ફેરવી નાખી હતી અત્યાર સુધી સીઆઇડી ક્રાઇમે 5 કરોડ રિકવર કર્યા :ત્રણેય આરોપીની પૂછપરછ ચાલુ access_time 12:36 am IST

  • સીરિયાના રાષ્ટ્રપતિ બસર અલ-અસદ ઉત્તર કોરિયાની મુલાકાત લેશે :વર્ષ 2011માં સત્તા સંભાળ્યા બાદ પ્રથમ વખત કિમ જોંગ-ઉને કોઈ દેશના સર્વોચ્ચ પદાધિકારીનું સ્વાગત કરશે:વર્ષ 1966માં સીરિયા સાથે ઉત્તર કોરિયાએ રાજદ્વારી સંબંધો સ્થાપ્યા હતા: ઉત્તર કોરિયાએ 1973ના આરબ-ઇઝરાયલ યુદ્ધમાં સેના અને હથિયાર બન્ને મોકલ્યા હતા access_time 1:26 am IST