Gujarati News

Gujarati News

News of Tuesday, 5th June 2018

નડિયાદ તાલુકાના કમળા ગામે ઉછીના પૈસા માંગતા બે પરિવારો બાખડયા

નડિયાદ:તાલુકાના કમળા ગામે ઉછીના પૈસા પાછા માંગતા બે પરિવારો વચ્ચે ઝઘડો થયો હતો. જેમાં ગડદાપાટુનો માર મારનાર ચાર ઈસમો સામે ફરિયાદ નોંધાઈ છે.

 


પોલીસ સૂત્રોમાંથી મળેલ વિગત મુજબ નડિયાદ-કપડવંજ રોડ પુુનેશ્વરમાં ઈશ્વરભાઈ હરમાનભાઈ મારવાડી રહે છે તેમણે અલ્પેશભાઈ ડાભીને ઉછીના પૈસા આપ્યા હતા. આ ઉછીના પૈસાની માંગણી કરતા અલ્પેશભાઈ ડાભીએ બોલાચાલી કરી ગમે તેમ ગાળો બોલવા લાગ્યો હતો. તેમજ લાકડાનો દસ્તો લઈ આવી ઈશ્વરભાઈ મારવાડીને જમણા હાથના કાંડા ઉપર મારી ફેક્ચર કર્યું હતું. જ્યારે અન્ય ત્રણ ઈસમોએ ઈશ્વરભાઈને ગડદાપાટુ માર માર્યો હતો.

બનાવ અંગે ઈશ્વરભાઈ હરમાનભાઈ મારવાડીની ફરિયાદ આધારે રૂરલ પોલીસે અલ્પેશભાઈ જયસીંગભાઈ ડાભી, અલ્પેશભાઈના બનેવી જીગ્નેશભાઈ, જીગ્નેશભાઈના મોટાભાઈ ટીનાભાઈ તથા અલ્પેશના કાકાના દીકરા સામે ગુનો નોંધી કાયદેસર કાર્યવાહી હાથ ધરી છે.

(5:36 pm IST)
  • રાજકોટ ડાંગર કોલેજમાં બોગસ ડિગ્રીનો મામલો :જિલ્લા ભાજપ મહામંત્રી ભાનુ મહેતાની એસઓજીએ પૂછપરછ કરી :જિલ્લા ભાજપ કાર્યાલયથી ભાજપના અગ્રણી નેતાની અટકાયત :ડાંગર કોલેજના ટ્રસ્ટના પ્રમુખ છે ભાનુ મહેતા access_time 12:40 am IST

  • સીરિયાના રાષ્ટ્રપતિ બસર અલ-અસદ ઉત્તર કોરિયાની મુલાકાત લેશે :વર્ષ 2011માં સત્તા સંભાળ્યા બાદ પ્રથમ વખત કિમ જોંગ-ઉને કોઈ દેશના સર્વોચ્ચ પદાધિકારીનું સ્વાગત કરશે:વર્ષ 1966માં સીરિયા સાથે ઉત્તર કોરિયાએ રાજદ્વારી સંબંધો સ્થાપ્યા હતા: ઉત્તર કોરિયાએ 1973ના આરબ-ઇઝરાયલ યુદ્ધમાં સેના અને હથિયાર બન્ને મોકલ્યા હતા access_time 1:26 am IST

  • સાંસદો - ધારાસભ્યો સામેના કેસની સ્પેશ્યલ અદાલતો માટે પોણા બે કરોડ મંજૂર: દેશના ધારાસભ્યો, સાંસદો સંબંધી ૧૫૦૦ કેસ ચાલે છે તેનો નિકાલ લાવવા સરકારે ૧૦ વિવિધ રાજ્યોમાં અને દિલ્હીમાં બે એમ કુલ ૧૨ ખાસ અદાલતો રચવા નિર્ણય કરીને તે માટેનું ખાસ ફંડ તરીકે ૧.૭૯ કરોડ મંજૂર કર્યા છે access_time 11:21 am IST