Gujarati News

Gujarati News

News of Tuesday, 5th June 2018

ગુજરાત પોલીસની મોબાઇલ પોકેટ કોપ એપ્લિકેશનને દિલ્હી કોન્ફ્રન્સમાં 'ફિક્કી સ્પેશિયલ જ્યુરી એવોર્ડ' અર્પણ

ગાંધીનગરઃ -ગુજકોપ પ્રોજેક્ટ અંતર્ગત ગુજરાત પોલીસની મોબાઇલ પોકેટ કોપ એપ્લિકેશનને ફિક્કી સ્પેશિયલ જ્યુરી એવોર્ડ એનાયત કરાયો હતો દિલ્હી ખાતે યોજાયેલી કોન્ફરન્સમાં કેન્દ્રીય મંત્રી વિજય ગોયલના હસ્તે એવોર્ડ એનાયત કરાયો હતો

  અત્રે ઉલ્લેખનીય છે કે ગુજરાત પોલીસે 16 એપ્રિલ 2018ના દિવસે ગાંધીનગર ખાતે પ્રોજેક્ટ લોન્ચ કર્યો હતો. પોકેટ કોપ પ્રોજેક્ટમાં ચાર એપ્લિકેશન છે. જેમાં પાસપોર્ટ વેરીફીકેશન, ગુનેગારોની શોધ, વાહન શોધ તથા ગુમ થયેલી વ્યક્તિઓની શોધનો સમાવેશ થાય છે. રાજ્યના નાગરિકોને પોલીસ તરફથી મળતી સુવિધાઓમાં ઝડપ વધે અને કામમાં પારદર્શક્તા આવે તે હેતુથી પોકેટ કોપ પ્રોજેક્ટ લોન્ચ કરવામાં આવ્યો હતો

   FICCI દ્વારા “SMART Policing Award 2018 for Best Practices Policing for Citizen” માટે દેશભરમાંથી કુલ 200 અરજીઓ આવી હતી. જેમાં ગુજરાત પોલીસની મોબાઇલ કોપ એપ્લિકેશનને એવોર્ડ આપવામાં આવ્યો છે.

(11:11 pm IST)
  • હવાઇના બિગ આઇલેન્ડ પર છેલ્લાં એક મહિનાથી સક્રિય કિલાઉ જ્વાળામુખીમાં બ્લાસ્ટ હજુ પણ યથાવત: હવાઇ ઓથોરિટી મુજબ અહીં ડઝનથી વધુ નાગરિકો લાવાના કારણે ફસાયેલા છે:બિગ આઇલેન્ડના નાગરિકોને 24 કલાકમાં જ આ સ્થળ ખાલી કરી દેવાના આદેશ :તમામ લોકો વીજળી, સેલફોન કવરેજ વગર, ઉપરાંત પીવાના પાણી વગર રહે છે. access_time 1:22 am IST

  • તાલાલા સાસણ રોડ પર જંગલ વિસ્તારમાં આગ ભભૂકી :મુખ્યમાર્ગની નજીકમાં લાગેલી આગે વિકરાળ સ્વરૂપ ધારણ કર્યું :છેલ્લી 20 મિનિટથી આગ ચાલુ છત્તા તંત્ર અજાણ હોવાનું જાણવા મળે છે સત્તાવાર સમર્થન અને વધુ વિગત મેળવાઈ રહી છે access_time 12:50 am IST

  • ટેકનીકલ કારણોસર અમદાવાદ, ભાવનગર, સુરત ફલાઈટ એક સપ્તાહથી બંધ : ટેકનીકલ કારણોસર અમદાવાદ, ભાવનગર, સુરત વચ્ચેની ફલાઈટ એક અઠવાડીયાથી બંધ છે. એર ઓડીસા દ્વારા ફલાઈટ પુનઃ શરૃ કરવામા આવે તે માટે ભાવનગર ચેમ્બર્સ ઓફ કોમર્સ દ્વારા શિક્ષણ મંત્રીને રજૂઆત કરવામાં આવી છે. આ ફલાઈટમાં ભાવનગરથી સુરતનું વિમાની ભાડુ ૨૦૦૦ રૂ. રાખવામાં આવેલ પરંતુ હવે આ ભાડુ વધારીને ૩૦૦૦ કરવામાં આવ્યુ છે access_time 4:52 pm IST