Gujarati News

Gujarati News

News of Tuesday, 5th June 2018

કરોડો રૂપિયાના બિટકોઇન પ્રકરણમાં નલિન કોટડીયાને ઝડપી લેવા દેશના પ૭૧ પોલીસ સ્ટેશનોની મદદ લેવાઇ

અમદાવાદઃ અમરેલી જિલ્લાના ધારીના પૂર્વ ધારાસભ્ય નલિન કોટડીયાની બિટકોઇન પ્રકરણમાં સંડોવણી ખુલતા તેને ઝડપી લેવા માટે દેશના પ૭૧ પોલીસ સ્‍ટેશનોની મદદ માંગવામાં આવી છે.

131 કરોડ રૂપિયા ના 2256 બિટકોઇન લૂંટ મામલે તપાસ કરી રહેલી સીઆઇડી ક્રાઇમે અત્યાર સુધી 17.5 કરોડના બિટકોઇન રિકવર કરવામાં સફળતા મેળવી છે. અને બાકીના બીટકોઇન તથા રોકડ રકમ રિકવર કરવાની કવાયત હાથ ધરી છે. 131 કરોડના બીટકોઇન લૂંટ મામલે સીઆઇડી ક્રાઇમના સુરત ઝોનમાં શૈલેષ ભટ્ટ સહિત 10 સામે નોંધાયેલ ગુના સંદર્ભે સીઆઇડી ક્રાઇમે અત્યાર સુધી 5 લોકોની ધરપકડ કરી છે. તાજેતરમાં ધરપકડ કરાયેલા 3 આરોપીઓ પૈકી જીગ્નેશ મોરડીયા પાસેથી સીઆઇડી ક્રાઇમે 8 કિલો સોનું રોકડ રકમ અને બીટકોઈન કબજે કર્યા છે. અત્યાર સુધી આ કેસ સંદર્ભે સીઆઇડી ક્રાઇમે કુલ 17.5 કરોડનો મુદ્દામાલ કબ્જે લીધો છે.

સીઆઇડી ક્રાઇમ દ્વારા ગુનો નોંધવામાં આવ્યો તે પૂર્વથીજ ભૂગર્ભમાં ઉતરી ગયેલા શૈલેષ ભટ્ટ ને શોધવા માટે સીઆઇડી ક્રાઇમ દ્વારા કવાયત તેજ કરવામાં આવી છે.સીઆઇડી શૈલેષ ભટ્ટના છુપાવવાના સંભવિત સ્થળો પર તપાસ કરી રહી છે પરંતુ હજુ સુધી સફળતા મળી નથી. સીઆઇડી ક્રાઇમ ટૂંક સમયમાં શૈલેષ ભટ્ટ વિરુદ્ધ કલમ 70 મુજબનું વોરંટ મેળવવા કોર્ટમાં અરજી કરશે.

બીજી બાજુ અગાઉની ફરિયાદના આરોપી માજી ધારાસભ્ય નલિન કોટડીયાની શોધખોળ પણ અલગ અલગ ટિમો કરી રહી છે. નલિન કોટડીયાની શોધખોળ માટે દેશભરની પોલીસને તેના ફોટા સહિતની જાણકારી મોકલવામાં આવી છે. દેશના 571 પોલીસ સ્ટેશનમાં નલિન કોટડીયાના ફોટા સહિતની જાણકારી મોકલવા સાથે તેને ઝડપી લેવા મદદ માંગવામાં આવી છે.

સીઆઇડી ક્રાઇમ દ્વારા બીટકોઈન મામલે અત્યાર સુધી બે અલગ અલગ ગુનાઓ નોંધવામાં આવ્યા છે. શૈલેષ ભટ્ટની અરજી ને આધારે 176 બીટકોઇન તોડકાંડ મામલે નોંધાયેલ ગુનામાં 7 પોલીસકર્મી અને નલિન કોટડીયાની ધરપકડ બાકી છે. જ્યારે બીજા ગુનામાં શૈલેષ ભટ્ટ સહિત 5 આરોપીઓ ફરાર છે. જે તમામ ની શોધખોળ કરવાની સાથે ટૂંક સમયમાં ઝડપી પાડવામાં આવશે તેવો સીઆઇડી દ્વારા આશાવાદ વ્યક્ત કરવામાં આવી રહ્યો છે. 

(6:23 pm IST)
  • ઉના : સિંહની પજવણીનો વધુ એક વિડીયો વાયરલ : ગામમાં આવેલ 2 સિંહ પાછળ કાર ચલાવી સિંહને કરાયા હેરાન : સિંહને જોવાની લ્હાયમાં સિંહની પાછળ ચલાવાઈ કાર : સિંહ સંવર્ધનની વાતો વચ્ચે સતત સિંહોની પજવણીના વિડીયો સામે આવી રહ્યાં છે access_time 1:25 pm IST

  • હવાઇના બિગ આઇલેન્ડ પર છેલ્લાં એક મહિનાથી સક્રિય કિલાઉ જ્વાળામુખીમાં બ્લાસ્ટ હજુ પણ યથાવત: હવાઇ ઓથોરિટી મુજબ અહીં ડઝનથી વધુ નાગરિકો લાવાના કારણે ફસાયેલા છે:બિગ આઇલેન્ડના નાગરિકોને 24 કલાકમાં જ આ સ્થળ ખાલી કરી દેવાના આદેશ :તમામ લોકો વીજળી, સેલફોન કવરેજ વગર, ઉપરાંત પીવાના પાણી વગર રહે છે. access_time 1:22 am IST

  • સીરિયાના રાષ્ટ્રપતિ બસર અલ-અસદ ઉત્તર કોરિયાની મુલાકાત લેશે :વર્ષ 2011માં સત્તા સંભાળ્યા બાદ પ્રથમ વખત કિમ જોંગ-ઉને કોઈ દેશના સર્વોચ્ચ પદાધિકારીનું સ્વાગત કરશે:વર્ષ 1966માં સીરિયા સાથે ઉત્તર કોરિયાએ રાજદ્વારી સંબંધો સ્થાપ્યા હતા: ઉત્તર કોરિયાએ 1973ના આરબ-ઇઝરાયલ યુદ્ધમાં સેના અને હથિયાર બન્ને મોકલ્યા હતા access_time 1:26 am IST