Gujarati News

Gujarati News

News of Wednesday, 5th May 2021

અમદાવાદ મનપાએ એક કરોડના ખર્ચે 13 કિલોલિટરની ક્ષમતાનો ઓક્સીઝન પ્લાન્ટ બનાવ્યો

બહેરામપુરામાં ઉભા કરાયેલા ઓક્સિજન પ્લાન્ટથી દૈનિક 1,000થી 1,200 નંગ સિલિન્ડર રિફિલ કરી શકાશે.

અમદાવાદ: અમદાવાદ શહેરમાં કોરોનાના કેસ વધતા ઓક્સિજનની માંગ વધી છે પણ જરૂરિયાત સામે પૂરતો જથ્થો મળી રહ્યાંની ફરિયાદો છે પણ અમદાવાદ મ્યુનિ. કોર્પોરેશન દ્વારા ટૂંકાગાળામાં રૂ.1 કરોડના ખર્ચે 13 કિલો લિટરની ક્ષમતાનો ઓક્સિજન પ્લાન્ટ બનાવી દેવાયો છે. આજે ગૃહમંત્રી પ્રદીપસિંહ જાડેજાએ આ પ્લાન્ટનું લોકાર્પણ કર્યું હતું. બહેરામપુરા ખાતે ઉભા કરાયેલા ઓક્સિજન પ્લાન્ટથી દૈનિક 1,000થી 1,200 નંગ સિલિન્ડર રિફિલ કરી શકાશે.

 અમદાવાદ મ્યુનિ.એ સરકારી તથા ખાનગી હોસ્પિટલની ઓક્સિજનની જરૂરિયાતને પૂર્ણ કરવા માટે બહેરામપુરાની ચેપી રોગ હોસ્પિટલ પરિસરમાં 13 કિલો લીટરની ક્ષમતાવાળી ટેન્ક લગાવી રીફીલિંગ પ્લાન્ટ શરૂ કરી દેવાયો છે. આ ઓક્સિજન પ્લાન્ટ માટે જરૂરી ઈન્ફ્રાસ્ટ્રક્ચર તથા સિવિલ અને ઇજનેરી કામ કરાયું છે જેમાં મુખ્યત્વે સિવિલ, મિકેનિકલ, ઇલેક્ટ્રિકલ કામમાં ટેન્કનું ફાઉન્ડેશન, રીફીલિંગ માટે પ્લેટફોર્મ બનાવવામાં આવ્યું છે. જેની પાછળ એક કરોડનો ખર્ચ થયો છે. એક સાથે 60 સિલિન્ડર રીફીલિંગ કરી શકાશે. દરરોજ 1000થી 1200 સિલિન્ડર રીફીલિંગ કરી શકાશે. આજ કમ્પાઉન્ડમાં INOX કંપનીનો 20 કિલો લિટરની ક્ષમતાનો પ્લાન્ટ ઉભો કરવાની કામગીરી પ્રગતિમાં છે, જેની પાછળ રૂ.1.25 કરોડનો ખર્ચ થશે. આ પ્લાન્ટમાં દૈનિક 1500 સિલિન્ડર રીફીલિંગ કરી શકાશે

(11:36 pm IST)
  • આજે ફરી રાજકોટ શહેર - જિલ્લામાં કોરોના ધુણ્યો : આજે સાંજ સુધીમાં રાજકોટ શહેરમાં 593 અને ગ્રામ્યના 133 કેસ સાથે કુલ 726 નવા કોરોના ના કેસ નોંધાયા access_time 7:30 pm IST

  • અત્યારે સવારે ૧૦ વાગે શક્તિકાન્ત દાસ શું જાહેરાત કરશે ? સહુની નજર રિઝર્વ બેન્કના ગવર્નર શક્તિકાન્ત દાસ અત્યારે સવારે ૧૦ વાગે દેશ સમક્ષ કોઈ મહત્વની વાત કરશે તેમ ન્યુ ફર્સ્ટનો અહેવાલ જણાવે છે. access_time 9:21 am IST

  • રાજસ્થાનની જોધપુર સેન્ટ્રલ જેલમાં સજા ભોગવી રહેલા આસારામ બાપુને બુધવારે રાત્રે જેલમાંથી મહાત્મા ગાંધી હોસ્પિટલમાં ખસેડવામાં આવ્યા છે. જેલમાં તબિયત લથડતા જેલ પ્રશાસન તેમને મહાત્મા ગાંધી હોસ્પિટલમાં લઈ ગયા છે. ત્યાં કોરોના વાયરસના લક્ષણો દેખાય બાદ આસારામ બાપુને કોવિડ -19 ચેપ લાગ્યો હોવાની શંકા સેવાય રહી છે. તેમનો કોવિડ પરીક્ષણનો નમૂના લેવામાં આવ્યો હતો અને તબિયત લથડતાં તેમને હોસ્પિટલના આઈસીયુમાં દાખલ કરાયા હતા. access_time 12:10 am IST