Gujarati News

Gujarati News

News of Friday, 5th March 2021

રાજપીપળા મોતીબાગમાં નગરપાલિકા ની ચૂંટણીમાં મત આપવા બાબતે મહિલાને માર મારી ધમકી આપનાર 5 વિરુદ્ધ ફરિયાદ

(ભરત શાહ દ્વારા) રાજપીપળા : નર્મદા જીલ્લા-તાલુકા પંચાયત ચૂંટણી પત્યા બાદ કેટલાક ગામોમાં મત આપવા બાબતે હારેલા ઉમેદવારો દ્વારા કેટલાક મતદારો પર હુમલાની ઘટના જોવા મળી હતી પરંતુ નગરપાલિકાની ચૂંટણીના મતદાનમાં પણ આવીજ એક ઘટના બાબતે રાજપીપળા પો.સ્ટે.માં ફરિયાદ નોંધાઈ છે.
પ્રાપ્ત માહિતી મુજબ રાજપીપળા મોતીબાગ માં રહેતા વર્ષાબેન શિવાભાઈ વસાવા ની ફરિયાદ અનુસાર તેઓ ઘરના આંગણે ઉભા હતા તે વખતે ગીતાબેન મહેશભાઈ વસાવા એ જણાવ્યું કે તમે ટેકરા ફળીયામાં રહેતા ભરતભાઈને મત આપેલ છે,તમે ભરતભાઈના દલાલ છો અહી શું કરવા રહો છો ટેકરા ફળીયામાં રહેવા જતા રહો એમ કહી ગમે તેમ ગાળો બોલી છાતીના ભાગે મુક્કો મારી બાકીના પૈકી મહેશભાઈ સરાદભાઈ વસાવા,જયેશ ઉર્ફે સેન્ટી સરાદભાઈ વસાવા,ગાયત્રીબેન કિરણભાઈ વસાવા, દિપીકાબેન મહેશભાઈ વસાવા તમામ રહે.મોતીબાગ રાજપીપલા એ ગાળો બોલી જાનથી મારી નાખવાની ધમકી આપી ઝપાઝપી કરી ઢીકાપાટુનો માર મારી ગુનો કરતા રાજપીપળા પોલીસે પાંચ વિરુદ્ધ ગુનો નોંધી તપાસ હાથ ધરી છે.

(11:04 pm IST)
  • રાજકોટમાં સિઝનનું સૌથી વધુ તાપમાન નોંધાયું: ૩૯ ડીગ્રી : ગરમીમાં ધીમે- ધીમે વધારો થઈ રહ્યો છેઃ આજે બપોરે રાજકોટમાં મહતમ તાપમાન ૩૮.૪ ડીગ્રી નોંધાયું છેઃ આજે સાંજે સુધીમાં એકાદ ડીગ્રીનો વધારો સંભવ છેઃ આમ, આજે સિઝનનું સૌથી ઉંચુ તાપમાન નોંધાશેઃ હવામાન શાસ્ત્રીઓના જણાવ્યા મુજબ બે- ત્રણ દિવસ ગરમીનો દોર જારી રહેશે access_time 4:39 pm IST

  • હાર્દિકને ગુજરાત બહાર જવાની છુટ : કોંગ્રેસના કાર્યકારી પ્રમુખ હાર્દિક પટેલની અરજી ઉપર હાઈકોર્ટે તેને ગુજરાત રાજય બહાર જવાની મંજુરી આપી છેઃ રાજકીય કામકાજ અંગે રાજયની બહાર જવાની પરવાનગી આપવામાં આવી હતી access_time 4:40 pm IST

  • ભારતીય ઉદ્યોગપતિ રમેશ રામકૃષ્ણન દ્વારા પ્રમોટ કરાયેલ દુબઈ સ્થિત ટ્રાંસવર્લ્ડ ગ્રૂપે રાજ્ય માલિકીની સાગરમાલા ડેવલપમેન્ટ કંપની લિ. સાથે ગુજરાતમાં કાર્ગો કન્ટેનર મેન્યુફેક્ચરિંગ સુવિધા રૂ. 200 કરોડના રોકાણ સાથે બનાવવા માટે કરાર કર્યો છે : આ યોજના આત્મનિર્ભાર ભારત પહેલના ભાગરૂપે, ચીન દ્વારા વર્ચસ્વ ધરાવતા કાર્ગો કન્ટેનર બિઝનેસમાં ભારતના પ્રવેશને ચિહ્નિત કરે છે. access_time 10:32 pm IST