Gujarati News

Gujarati News

News of Friday, 5th March 2021

ટ્રક અને બાઇક સામસામે અથડાતાં બે યુવકોનાં મોત

બનાસકાંઠામાં ટ્રક અને બાઇક સામસામે અથડાયા : બાઇક સવાર ત્રીજા યુવાનને ગંભીર ઇજા થતાં સારવાર માટે ૧૦૮ એમ્બ્યુલન્સ મારફતે હૉસ્પિટલમાં ખસેડાયો

બનાસકાંઠા,તા.૫ : સાબરકાંઠા જિલ્લામાં અકસ્માતના એક બનાવમાં બે યુવકોનાં મોત થયા છે. ભાભરના કુવાળા હાઇવે પર પૂર ઝડપે આવી રહેલા ટ્રકના અડફેટે આવી જતાં બાઈક સવાર બે યુવાકોનાં ઘટના સ્થળે કરુણ મોત થયા છે. બાઇક સવાર અન્ય ત્રીજા યુવાનને ગંભીર ઇજા થતાં તેઓને સારવાર માટે ૧૦૮ એમ્બ્યુલન્સ વાન મારફતે ભાભર રેફરલ હૉસ્પિટલ, ભાભર ખાતે ખસેડાયો છે. મળતી માહિતી પ્રમાણે ભાભરના કુવાળા હાઇવે પર ટ્રક અને બાઈક સામસામે ટકરાતા સર્જાયેલા ગમખ્વાર અકસ્માતમાં બે આશાસ્પદ યુવકોનાં કરુણ મોત નિપજ્યાં છે. ઠાકોર સમાજના ત્રણ યુવકો બાઈક લઇને કુવારા ગામ પાસેથી પસાર થઈ રહ્યા હતા. આ સમયે પૂર ઝડપે આવી રહેલા ટ્રકે બાઇકની ટક્કર મારતા અકસ્માત થયો હતો.

           ધડાકાભેર ટક્કર બાદ બાઈક પર સવાર ત્રણેય લોકો રોડ પર પટકાયા હતા. જેમાંથી બે યુવકનાં ઘટનાસ્થળે કરુણ મોત નિપજયા હતા. જ્યારે અન્ય એક યુવકને ગંભીર ઈજા પહોંચી હતી. ઘટનાની જાણ થતાં જ ભાભરથી ૧૦૮ એમ્બ્યુલન્સ વાન અને આજુબાજુના લોકો અકસ્માત સ્થળે આવી પહોંચ્યા હતા. લોકોએ રાહત કામગીરી શરૂ કરીને ઈજાગ્રસ્ત યુવકને સારવાર માટે ભાભર રેફરલ હૉસ્પિટલ ખાતે ખસેડ્યો હતો. બનાવને પગલે ભાભર પોલીસ પણ આવી પહોંચી હતી. પોલીસે બંને મૃતકોની લાશને પોસ્ટ મોર્ટમ અર્થે સરકારી હોસ્પિટલમાંખસેડી હતી. જ્યારે ટ્રક ચાલક સામે અકસ્માતે મોતનો ગુનો દાખલ કરી વધુ કાર્યવાહી હાથ ધરી છે. અકસ્માતમાં બે આશાસ્પદ યુવકોનાં મોત થતાં ઠાકોર સમાજમાં ઘેરા શોકની લાગણી પ્રસરી જવા પામી છે. સુરતના ઉધના વિસ્તારમાં રહેતા બે યુવાનો આજે પોતાની નોકરી માટેના ઈન્ટરવ્યૂ માટે પોતાની બાઇક પર નીકળ્યા હતા. આ દરમિયાન ઉધના નજીક એક ટેમ્પો સાથે યુવાનોની બાઇક ધડકાભેર અથડાતા બાઇક ચાલક યુવાનનું ઘટના સ્થળે જ મોત થયું હતું. બીજી તરફ બાઇક પાછળ સવાર યુવાનને સારવાર માટે નજીકની હૉસ્પિટલમાં સારવાર માટે ખસેડવામાં આવ્યા હતો. યુવાન પુત્રના મોતના સમાચાર મળતા પરિવાર બનાવ સ્થળે દોડી ગયો હતો.

(8:32 pm IST)
  • ભાજપની કેન્દ્રીય ચૂંટણી સમિતિની બેઠક : કેરળ,પુડુચેરી અને તામિલનાડુની સીટ માટે ચર્ચા થશે :પાર્ટી તબક્કાવાર ઉમેદવારોના નામની કરશે જાહેરાત : પશ્ચિમ બંગાળના ઉમેદવારોની યાદી સોમવાર બાદ જાહેર થવા સંભવ :બંગાળ વિધાનસભાના 60 ઉમેદવારોના નામ ફાઇનલ થઇ ચુક્યાનું મનાય છે access_time 12:31 am IST

  • વડાપ્રધાન નરેન્‍દ્રભાઇ મોદીને કેમ્‍બ્રિજ એનર્જી રિસર્ચ એસોસિએટ્‍સ વીક (સેરાવી)નો મહત્‍વપૂર્વ એવોર્ડ એનાયત કરાશે : પીએમ મોદીને આજે ગ્‍લોબલ એનર્જી અને એન્‍વાયર્નમેન્‍ટ લીડરશીપ એવોર્ડથી નવાજવામાં આવશેઃ ગ્‍લોબલ એનર્જી અને એન્‍વાયર્નમેન્‍ટ લીડરશીપ એવોર્ડ ૨૦૧૬માં શરૂ કરવામાં આવ્‍યો હતો : વૈશ્વિક ઉર્જા અને પર્યાવરણના ક્ષેત્રમાં પ્રતિબધ્‍ધ નેતૃત્‍વ માત્ર આ એવોર્ડ આપવામાં આવે છે. access_time 11:14 am IST

  • કોરોના પ્રોટોકોલ તોડીને વૈષવોદેવીની યાત્રાએ ગયા પોઝીટીવ દર્દી : ફરિયાદ દાખલ :હોમ આઇસોલેશનમાં રખાયેલા કોરોના દર્દીઓ વૈષ્ણો દેવીની યાત્રાએ પહોંચ્યા :આરોગ્ય વિભાગે ત્રણ લોકો સામે ગુનો નોંધ્યો: સદર કોટવાલી ક્ષેત્રનો શ્રીપાલ બિહાર કોલોનીસ્કૂલની છોકરીનો રિપોર્ટ પોઝિટિવ આવ્યો:તેના માતા-પિતાની પણ તપાસ કરતા તેઓને પણ ચેપ લાગ્યો હતો: આરોગ્ય વિભાગે પરિવારને એકાંત રહેવાની સલાહ આપી હતી. પરંતુ યુવતીના માતા-પિતા વૈષ્ણો દેવીની યાત્રાએ નીકળ્યા હતા access_time 1:03 am IST