Gujarati News

Gujarati News

News of Friday, 5th March 2021

રાજ્યમાં ગુણવત્તાલક્ષી શિક્ષણ આપવા સરકાર કટિબદ્ધ: રાજ્ય શિક્ષણ મંત્રી વિભાવરીબેન દવે

તાપી-વલસાડ જિલ્લાઓમાં ૩૮૩ માધ્યમિક અને ઉચ્ચતર માધ્યમિક શાળાઓ કાર્યરત

અમદાવાદ :શિક્ષણ રાજ્યમંત્રી વિભાવરી બેન દવેએ જણાવ્યું છે કે, રાજ્યના વિદ્યાર્થીઓને ગુણવતાલક્ષી શિક્ષણ આપવા માટે રાજ્ય સરકારે મક્કમ નિર્ધાર કરીને સમયબદ્ધ આયોજન કર્યું છે. રાજ્યમાં જરૂરિયાત મુજબ માધ્યમિક અને ઉચ્ચતર માધ્યમિક શાળાઓને મંજૂરી પણ આપવામાં આવી છે. તાપી અને વલસાડ જિલ્લામાં ૩૮૩ માધ્યમિક-ઉચ્ચતર માધ્યમિક શાળાઓ કાર્યરત છે. 

 આજે વિધાનસભા ખાતે તાપી અને વલસાડ જિલ્લામાં માધ્યમિક-ઉચ્ચતર માધ્યમિક શાળાની મંજૂરીના પ્રશ્નના પ્રત્યુત્તરમાં મંત્રીએ કહ્યું કે, તાપી જિલ્લામાં ૧૨૧ માધ્યમિક, ઉચ્ચતર માધ્યમિક,  સરકારી, ગ્રાન્ટેડ અને ખાનગી શાળાઓ તથા વલસાડ જિલ્લામાં ૨૬૨ સરકારી, ગ્રાન્ટેડ અને ખાનગી માધ્યમિક, ઉચ્ચતર માધ્યમિક અને માધ્યમિક-ઉચ્ચતર માધ્યમિક સળંગ એકમ શાળાઓ કાર્યરત છે. 
  તેમણે ઉમેર્યું કે, વિદ્યાર્થીઓને ઉચ્ચ ગુણવત્તાલક્ષી શિક્ષણ માટે મોર્ડન શાળઆઓ પણ કાર્યરત કરાઈ છે. જેમાં વર્ગખંડ, આચાર્યખંડ, પ્રયોગશાળા, કોમ્પ્યુટર રૂમ, પીવાના પાણીની સુવિધા, કુમાર-કન્યા માટે અલગ શૌચાલય તથા વિદ્યાર્થીઓને રહેવા માટે હોસ્ટેલની સુવિધા પણ પુરી પાડવામાં આવે છે

(7:29 pm IST)
  • દેશમાં કોરોનાના કેસ ઝડપથી વધ્યા : નવા કેસ કરતા રિકવર થનારની ઘટતી સંખ્યા : એકિટવ કેસમાં પણ વધારો : રાત્રે ૧૨ વાગ્યા સુધીમાં કોરોનાના નવા ૧૬,૮૨૪ કેસ નોંધાયા : કુલ કેસની સંખ્યા ૧,૧૧,૭૩,૫૭૨ થઇ : એકિટવ કેસ ૧,૭૩,૩૬૪ થયા વધુ ૧૩,૭૮૮ દર્દીઓ સ્વસ્થ થતાં કુલ ૧,૦૮,૩૮,૦૨૧ થયા : વધુ ૧૧૩ લોકોના મોત સાથે કુલ મૃત્યુઆંક ૧,૫૭,૫૮૪ થયા : દેશમાં સૌથી વધુ મહારાષ્ટ્રમાં નવા ૮૯૯૮ નવા કેસ નોંધાયા access_time 2:33 pm IST

  • વડાપ્રધાન નરેન્‍દ્રભાઇ મોદીને કેમ્‍બ્રિજ એનર્જી રિસર્ચ એસોસિએટ્‍સ વીક (સેરાવી)નો મહત્‍વપૂર્વ એવોર્ડ એનાયત કરાશે : પીએમ મોદીને આજે ગ્‍લોબલ એનર્જી અને એન્‍વાયર્નમેન્‍ટ લીડરશીપ એવોર્ડથી નવાજવામાં આવશેઃ ગ્‍લોબલ એનર્જી અને એન્‍વાયર્નમેન્‍ટ લીડરશીપ એવોર્ડ ૨૦૧૬માં શરૂ કરવામાં આવ્‍યો હતો : વૈશ્વિક ઉર્જા અને પર્યાવરણના ક્ષેત્રમાં પ્રતિબધ્‍ધ નેતૃત્‍વ માત્ર આ એવોર્ડ આપવામાં આવે છે. access_time 11:14 am IST

  • રાજ્યોમાં દેશના ૮૪% નવા કોરોના કેસ નોંધાયા : ફરી ભયજનક સ્થિતિ સર્જાતી જાય છે : મહારાષ્ટ્ર, પંજાબ, હરિયાણા, ગુજરાત, મધ્ય પ્રદેશ તથા દિલ્હીમાં સૌથી વધુ નવા કોરોના કેસ રોજ નોંધાતા જાય છે. છેલ્લા ૨૪ કલાકમાં દેશમાં નોંધાયેલા કુલ કોરોના કેસમાં ૮૪.૪૪ ટકા નવા કોરોના કેસ આ છ રાજ્યોમાં નોંધાયા છે. કેન્દ્રની મોદી સરકારની સત્તાવાર જાહેરાત. access_time 4:38 pm IST