Gujarati News

Gujarati News

News of Friday, 5th March 2021

સુરતના પાંડેસરામાં 10 વર્ષીય બાળકી પર દુષ્કર્મનો પ્રયાસ કરનાર નરાધમ બિહારી યુવાનને જેલકસ્ટડીમાં મોકલવામાં આવ્યો

સુરત: શહેરના પાંડેસરાની 10 વર્ષની બાળકી પર દુષ્કર્મનો પ્રયાસ કરનાર આરોપી બિહારી યુવાનના એક દિવસના રિમાન્ડ આજે પુરા થતાં ફર્ધર રિમાન્ડ ન મંગાતા કોર્ટે આરોપીને જેલ કસ્ટડીમાં મોકલવા હુકમ કર્યો છે.

પાંડેશરા વિસ્તારની શ્રમજીવી પરિવારની માત્ર 10 વર્ષની બાળકીના ઘરમાં ઘુસીને દુષ્કર્મનો પ્રયાસ આચરનાર મૂળ બિહારના બકસર જિલ્લાના વતની આરોપી સુરજ અરૃણ પાંડે (રે.ગોકુલધામ,વડોદ ગામ)ની વિરુધ્ધ ભોગ બનનાર બાળકીની માતાએ પાંડેસરા પોલીસમાં પોક્સો એક્ટના ભંગ બદલ ફરિયાદ નોંધાવી હતી.

ગઈકાલે આ કેસમાં પાંડેસરા પોલીસે આરોપી સુરજ પાંડેએ બનાવના દિવસે પહેરેલાં કપડા ગુનાના મુદ્દામાલ તરીકે કબજે લેવા, બાળકો પ્રત્યે જાતીય વૃત્તિ ધરાવતા હોઈ અન્ય ગુનાની તપાસ વગેરે વિવિધ કારણોસર ચાર દિવસના રિમાન્ડ માંગ્યા હતા.અલબત્ત કોર્ટે આરોપીને એક દિવસના મંજુર કરેલા રિમાન્ડની અવધિ આજે પુરી થતાં તપાસ અધિકારીએ ફર્ધર રિમાન્ડની માંગ નહીં કરીને કોર્ટ કસ્ટડીમાં સોંપતો રિપોર્ટ કર્યો હતો. જેથી કોર્ટે દુષ્કર્મ કેસના આરોપી સુરજ પાંડેને લાજપોર સેન્ટ્રલ જેલમાં મોકલી આપ્યો હતો.

(6:19 pm IST)
  • ભાજપની કેન્દ્રીય ચૂંટણી સમિતિની બેઠક : કેરળ,પુડુચેરી અને તામિલનાડુની સીટ માટે ચર્ચા થશે :પાર્ટી તબક્કાવાર ઉમેદવારોના નામની કરશે જાહેરાત : પશ્ચિમ બંગાળના ઉમેદવારોની યાદી સોમવાર બાદ જાહેર થવા સંભવ :બંગાળ વિધાનસભાના 60 ઉમેદવારોના નામ ફાઇનલ થઇ ચુક્યાનું મનાય છે access_time 12:31 am IST

  • કોંગ્રેસના સ્ટાર પ્રચારકની ભૂમિકામાં આવી પ્રિયંકા : દાદી ઈન્દિરા ગાંધી લોકો સાથે હળીમળી જવામાં માહિર : અસમથી પાંચ રાજ્યોના વિધાનસભાની ચૂંટણી પ્રચારની શરૂઆત કરી : અન્ય રાજ્યોમાં તેમનો કાર્યક્રમ પણ ઘડાઈ છે : કોંગ્રેસના નબળા સમયે અને સતત પાર્ટીના ધોવાણ થતા સાથે કાર્યકરોની પણ નારાજગી વખતે પણ પ્રિયંકામાં જોમ જુસ્સો યથાવત :મુશ્કેલીના સમયે પાર્ટીની ઢાલ બની ઉંભરતી પ્રિયંકાની ખાસિયતમાં દેખાય છે ઇન્દિરા ગાંધીજીની ઝલક access_time 12:32 am IST

  • રાજ્યોમાં દેશના ૮૪% નવા કોરોના કેસ નોંધાયા : ફરી ભયજનક સ્થિતિ સર્જાતી જાય છે : મહારાષ્ટ્ર, પંજાબ, હરિયાણા, ગુજરાત, મધ્ય પ્રદેશ તથા દિલ્હીમાં સૌથી વધુ નવા કોરોના કેસ રોજ નોંધાતા જાય છે. છેલ્લા ૨૪ કલાકમાં દેશમાં નોંધાયેલા કુલ કોરોના કેસમાં ૮૪.૪૪ ટકા નવા કોરોના કેસ આ છ રાજ્યોમાં નોંધાયા છે. કેન્દ્રની મોદી સરકારની સત્તાવાર જાહેરાત. access_time 4:38 pm IST