Gujarati News

Gujarati News

News of Friday, 5th March 2021

ખેડબ્રહ્મા તાલુકાના મેત્રાલ નજીક કોલેજમાં રેકટર તરીકે ફરજ બજાવતી મહિલાએ અગમ્ય કારણોસર ફાસો ખાઈ જીવનલીલા સંકેલી લેતા ચકચાર

ખેડબ્રહ્મા:તાલુકાના મેત્રાલ ગામે આવેલી આરડેકતા કોલેજમાં રેક્ટર તરીકે એક મહિલા ફરજ બજાવતા હતા જ્યાં કોઈ અગમ્ય કારણોસર હોસ્ટેલમાં જ ગળે ફાંસો ખાધેલી હાલતમાં મળતા મોત નિપજ્યું હતું ખેડબ્રહ્મા પોલીસ સ્ટેશને જાણ થતાં પી.એસ.આઇ. સ્ટાફ સહિત બનાવના સ્થળે પહોંચી ગયા હતા.

ખેડબ્રહ્મા સ્ટેટ હાઇવે રોડ ઉપર મેત્રાલ ગામ નજીક આરડેકતા કોલેજ આવેલી છે. આ કોલેજમાં એન્જીનીયરીંગ, નર્સિંગ, બી.એસ.સી. નર્સિંગ, બી.એડ જેવા વિવિધ અભ્યાસક્રમો ચાલે છે. હોસ્ટેલ હોવાથી વિદ્યાર્થીઓ હોસ્ટેલમાં રહીને ભણે છે. નર્સિંગ કોર્સ કરતી વિદ્યાર્થિનીઓ પણ ત્યાં હોસ્ટેલમાં રહીને ભણે છે. આ હોસ્ટેલના રેક્ટર તરીકે સુરતાબેન મકવાણા ફરજ બજાવતા હતા આજે બપોરના સુમારે કોઈ અગમ્ય કારણોસર હોસ્ટેલમાં જ ગળે ફાંસો ખાધેલી હાલતમાં મળતા તુરત જ કોલેજ દ્વારા ખેડબ્રહ્મા પોલીસ સ્ટેશને જાણ કરી હતી તેમજ વાલી- વારસોને પણ આ બાબતે જાણ કરી હતી. પોલીસને જાણ થતા પી.એસ.આઇ વિશાલ પટેલ તાત્કાલીક ઘટના સ્થળે જઈ લાશનો કબ્જો લઈ ખેડબ્રહ્મા જનરલ હોસ્પિટલમાં પી.એમ. માટે લાવવામાં આવી હતી. પોલીસે ઝીણવટભરી તપાસ હાથ ધરી મૃત્યુનું રહસ્ય જાણવા ચક્રો ગતિમાન કરેલ છે અને એકાએક આ રેક્ટર બહેને કેમ ફાંસો  ખાધો તેની ઝીણવટભરી તપાસ હાથ ધરી છે.

(6:17 pm IST)
  • રાજકોટમાં સિઝનનું સૌથી વધુ તાપમાન નોંધાયું: ૩૯ ડીગ્રી : ગરમીમાં ધીમે- ધીમે વધારો થઈ રહ્યો છેઃ આજે બપોરે રાજકોટમાં મહતમ તાપમાન ૩૮.૪ ડીગ્રી નોંધાયું છેઃ આજે સાંજે સુધીમાં એકાદ ડીગ્રીનો વધારો સંભવ છેઃ આમ, આજે સિઝનનું સૌથી ઉંચુ તાપમાન નોંધાશેઃ હવામાન શાસ્ત્રીઓના જણાવ્યા મુજબ બે- ત્રણ દિવસ ગરમીનો દોર જારી રહેશે access_time 4:39 pm IST

  • અમે ટ્રેક્ટરમાં પંખા ફિટ કર્યા છે જે ઉનાળાને ધ્યાનમાં રાખીને આવતીકાલે અમૃતસરથી દિલ્હી જવા રવાના થશે અને મચ્છરોને દૂર રાખવા અને વેન્ટિલેશન સુનિશ્ચિત કરવા માટે જાળીઓ પણ મૂકી છે. સરકાર ખેતીના નવા કાયદા પાછા નહીં લે ત્યાં સુધી અમે અમારો સંઘર્ષ ચાલુ રાખીશું - એસ.એસ.પંધર, કિસાન મજૂર સંઘર્ષ સમિતિના રાજ્ય સેક્રેટરી access_time 9:23 pm IST

  • કોરોના પ્રોટોકોલ તોડીને વૈષવોદેવીની યાત્રાએ ગયા પોઝીટીવ દર્દી : ફરિયાદ દાખલ :હોમ આઇસોલેશનમાં રખાયેલા કોરોના દર્દીઓ વૈષ્ણો દેવીની યાત્રાએ પહોંચ્યા :આરોગ્ય વિભાગે ત્રણ લોકો સામે ગુનો નોંધ્યો: સદર કોટવાલી ક્ષેત્રનો શ્રીપાલ બિહાર કોલોનીસ્કૂલની છોકરીનો રિપોર્ટ પોઝિટિવ આવ્યો:તેના માતા-પિતાની પણ તપાસ કરતા તેઓને પણ ચેપ લાગ્યો હતો: આરોગ્ય વિભાગે પરિવારને એકાંત રહેવાની સલાહ આપી હતી. પરંતુ યુવતીના માતા-પિતા વૈષ્ણો દેવીની યાત્રાએ નીકળ્યા હતા access_time 1:03 am IST