Gujarati News

Gujarati News

News of Friday, 5th March 2021

સુરત:અમરોલી-ઉત્રાણ નજીક મોપેડ સવાર યુવાનને આંતરી અન્ય બે લૂંટારૃઓએ ચપ્પુથી હુમલો કરી 61 હજારની લૂંટ ચલાવી છૂમંતર.....

સુરત: શહેરના અમરોલી-ઉત્રાણ રોડ સ્થિત વીઆઇપી સર્કલ નજીક મોપેડ સવાર યુવાનને આંતરી બે મોપેડ સવાર ત્રણ લૂંટારૂઓએ ચપ્પુ વડે હુમલો કરી હાથ અને જાંઘમાં ઇજા પહોંચાડી મોપેડ અને મોબાઇલ ફોન મળી રૂા. 61 હજારની મત્તા લૂંટીને ભાગી ગયા હતા.
અમરોલી ન્યુ ક્રોસ રોડ સ્થિત રઘુવીર સોસાયટીમાં રહેતા એમ્બ્રોડરી વર્કર બ્રિજેશ વિનુભાઇ ભીશ્રા (ઉ.વ. 22 મૂળ રહે. ગુંદાળા, તા. ગઢડા, જિ. બોટાદ) ગત બપોરે એક મહિના અગાઉ ખરીદેલી એક્ટીવા મોપેડ લઇ ઉત્રાણ વીઆઇપી સર્કલ સ્થિત આઇસીઆઇસીઆઇ બેંકમાં કાકાના એકાઉન્ટમાં રોકડ ડિપોઝીટ કરવા જઇ રહ્યો હતો. ત્યારે વીઆઇપી સર્કલ નજીકે બે મોપેડ પર ત્રણ યુવાનો ઘસી આવ્યા હતા અને બ્રિજેશને તારી પાસે જે કંઇ પણ હોય તે આપી દે એમ કહેતા તે ડરી ગયો હતો અને મોપેડ પુર ઝડપે હંકારી ઉત્રાણ-કાપોદ્રા બ્રિજ તરફ ભાગી ગયો હતો. પરંતુ કાપોદ્રા ત્રણ રસ્તા નજીક મોપેડ સવારે લૂંટારૂઓએ બ્રિજેશને આંતરી ચપ્પુ વડે ડાબા હાથની આંગળીમાં ઇજા પહોંચાડી દીધું હતું. જેથી સ્વબચાવ માટે કાપોદ્રા ત્રણ રસ્તા નજીક આસ્થા શોપીંગ સેન્ટર તરફ ભાગી ગયો હતો અને પરંતુ ત્રણ પૈકીનો એક લૂંટારૂએ તેનો પીછો કરી જાંઘના ભાગે ચપ્પુ મારી દીધું હતું. જેથી બ્રિજેશે બુમાબુમ કરતા રાહદારીઓ એકઠા થઇ જતા લૂંટારૂઓ બ્રિજેશનું નવું એક્ટીવા મોપેડ અને મોબાઇલ ફોન મળી કુલ રૂા. 61 હજારની મત્તા લૂંટીને ભાગી ગયા હતા. પીએસઆઇ એચ.વી. ચૌધરીએ ત્રણ પૈકી બે લૂંટારૂની અટકાયત કરી તપાસ હાથ ધરી છે.

(6:15 pm IST)
  • દેશમાં કોરોનાના કેસ ઝડપથી વધ્યા : નવા કેસ કરતા રિકવર થનારની ઘટતી સંખ્યા : એકિટવ કેસમાં પણ વધારો : રાત્રે ૧૨ વાગ્યા સુધીમાં કોરોનાના નવા ૧૬,૮૨૪ કેસ નોંધાયા : કુલ કેસની સંખ્યા ૧,૧૧,૭૩,૫૭૨ થઇ : એકિટવ કેસ ૧,૭૩,૩૬૪ થયા વધુ ૧૩,૭૮૮ દર્દીઓ સ્વસ્થ થતાં કુલ ૧,૦૮,૩૮,૦૨૧ થયા : વધુ ૧૧૩ લોકોના મોત સાથે કુલ મૃત્યુઆંક ૧,૫૭,૫૮૪ થયા : દેશમાં સૌથી વધુ મહારાષ્ટ્રમાં નવા ૮૯૯૮ નવા કેસ નોંધાયા access_time 2:33 pm IST

  • કોંગ્રેસના સ્ટાર પ્રચારકની ભૂમિકામાં આવી પ્રિયંકા : દાદી ઈન્દિરા ગાંધી લોકો સાથે હળીમળી જવામાં માહિર : અસમથી પાંચ રાજ્યોના વિધાનસભાની ચૂંટણી પ્રચારની શરૂઆત કરી : અન્ય રાજ્યોમાં તેમનો કાર્યક્રમ પણ ઘડાઈ છે : કોંગ્રેસના નબળા સમયે અને સતત પાર્ટીના ધોવાણ થતા સાથે કાર્યકરોની પણ નારાજગી વખતે પણ પ્રિયંકામાં જોમ જુસ્સો યથાવત :મુશ્કેલીના સમયે પાર્ટીની ઢાલ બની ઉંભરતી પ્રિયંકાની ખાસિયતમાં દેખાય છે ઇન્દિરા ગાંધીજીની ઝલક access_time 12:32 am IST

  • મ્યાંમારમાં ભારે હિંસા : 19 પોલીસકર્મી ભાગીને ભારત પહોંચ્યા : માંગ્યું શરણ : આ તમામ મ્યાનમારની સરહદે આવેલા પૂર્વ-પૂર્વ રાજ્ય મિઝોરમના બે જિલ્લા ચંપાઈ અને શેરચિપ થઈને ભારતમાં પ્રવેશ્યા:બધા લોકો નીચલા ક્રમાંકિત પોલીસ અધિકારીઓ : તેઓ ભારતની સરહદ પર આવ્યા ત્યારે તેમની પાસે કોઈ હથિયાર નહોતા access_time 1:13 am IST