Gujarati News

Gujarati News

News of Friday, 5th March 2021

સુરતના અશ્વનીકુમાર રોડ નજીક જમીન પર કબ્જો ધરાવતા બે ભાઈઓએ દલાલને માર મારી હત્યાનો પ્રયાસ કરતા પોલીસ ફરિયાદ

સુરત: શહેરના અશ્વનીકુમાર રોડ સ્થિત સૌરાષ્ટ્ર સોસાયટી વિભાગ 1 માં પ્લોટ ધરાવતા જમીન દલાલ ઉપર ગતરાત્રે જમીનનો 20 ટકા ભાગ ધરાવતા બે ભાઈઓ પૈકી એકે ત્યાં ભજીયાની દુકાન ચલાવતા યુવાનને ઉશ્કેરી હુમલો કરાવતા જમીન દલાલને ગંભીર ઇજા થઈ હતી. કાપોદ્રા પોલીસે હત્યાનો પ્રયાસનો ગુનો નોંધી આરોપીઓને ઝડપી પાડવા તજવીજ હાથ ધરી છે.

પોલીસ સૂત્રો દ્વારા પ્રાપ્ત થતી વિગતો મુજબ મૂળ અમરેલીના વતની અને સુરતમાં મોટા વરાછા મહારાજા ફાર્મની બાજુમાં રિવેરા બંગ્લોઝમાં રહેતા 42 વર્ષીય જમીન દલાલ પિયુષભાઇ બાબુભાઇ શ્યાણીન પિતાએ અશ્વનીકુમાર રોડ સ્થિત સૌરાષ્ટ્ર સોસાયટી વિભાગ 1 માં પ્લોટ નં.9 ખરીદ્યો હતો. વર્ષ 2013 માં તેમના પિતાના અવસાન બાદ સોસાયટીના શેર સર્ટિફિકેટમાં વારસદાર તરીકે પિયુષભાઇ, મોટા ભાઈ ઉમેશભાઈનું નામ ચાલે છે. જોકે, પ્લોટનો 80 ટકા ભાગ બંને ભાઈ પાસે છે જયારે 20 ટકા ભાગ લલીત માંગીલાલ ભણશાલી અને તેના ભાઈ નરેશ પાસે છે. બંને ભાઈઓએ પોતાના ભાગમાં પતરાનો શેડ બનાવી રામદેવ રૂપાભાઇ ગુજ્જરને ભાડેથી આપતા તેણે ત્યાં કેબીન બનાવી મયૂર ભજીયાના નામે દુકાન શરૂ કરી છે. બંને ભાઈઓએ જગ્યામાં કંપાઉન્ડ વોલ બનાવતા અગાઉ બોલાચાલી થઈ હતી.

(6:14 pm IST)
  • સિડનીમાં શીખો પર હુમલો :કૃષિ કાયદાના વિવાદ કારણભૂત : ભારતના કૃષિ કાયદાને લઈને ઓસ્ટ્રેલિયામાં ભારતીય સમુદાય વચ્ચે મતભેદો વધ્યા :સિડનીના કેટલાક લોકોએ બેસબોલ અને ધોકાથી હુમલો કર્યો : સિડનીના હેરિસ પાર્કમાં અજાણ્યા લોકોના જૂથે બેઝબોલ બેટ, લાકડીઓ અને ધણ સાથે વાહન પર હુમલો કર્યો હતો access_time 12:57 am IST

  • વડાપ્રધાન નરેન્‍દ્રભાઇ મોદીને કેમ્‍બ્રિજ એનર્જી રિસર્ચ એસોસિએટ્‍સ વીક (સેરાવી)નો મહત્‍વપૂર્વ એવોર્ડ એનાયત કરાશે : પીએમ મોદીને આજે ગ્‍લોબલ એનર્જી અને એન્‍વાયર્નમેન્‍ટ લીડરશીપ એવોર્ડથી નવાજવામાં આવશેઃ ગ્‍લોબલ એનર્જી અને એન્‍વાયર્નમેન્‍ટ લીડરશીપ એવોર્ડ ૨૦૧૬માં શરૂ કરવામાં આવ્‍યો હતો : વૈશ્વિક ઉર્જા અને પર્યાવરણના ક્ષેત્રમાં પ્રતિબધ્‍ધ નેતૃત્‍વ માત્ર આ એવોર્ડ આપવામાં આવે છે. access_time 11:14 am IST

  • હાર્દિકને ગુજરાત બહાર જવાની છુટ : કોંગ્રેસના કાર્યકારી પ્રમુખ હાર્દિક પટેલની અરજી ઉપર હાઈકોર્ટે તેને ગુજરાત રાજય બહાર જવાની મંજુરી આપી છેઃ રાજકીય કામકાજ અંગે રાજયની બહાર જવાની પરવાનગી આપવામાં આવી હતી access_time 4:40 pm IST