Gujarati News

Gujarati News

News of Friday, 5th March 2021

આણંદ જિલ્લા પંચાયતની સિહોલ બેઠકનું પરિણામ જાહેર: કોંગ્રેસ ઉમેદવારની જીત

EVMમાં ટેક્નિકલ ખામી સર્જાતા ચૂંટણી પંચ દ્વારા અહીં પુન: મતદાન યોજાયું હતુ.

આણંદ જિલ્લા પંચાયતની સિહોલ બેઠકનું પરિણામ જાહેર કરવામાં આવ્યુ છે. સિહોલ 35 બેઠકના બોરિયા-1 બૂથમાં કોંગ્રેસના ઉમેદવારની 491 મતે જીત થઇ છે

 અત્રે ઉલ્લેખનીય છે કે, મંગળવારે મત ગણતરી સમયે અહીં EVMમાં ટેક્નિકલ ખામી સર્જાઈ હતી. જેના કારણે ચૂંટણી પંચ દ્વારા અહીં પુન: મતદાન યોજાયું હતુ. આ બૂથ પર 902 મતદાતાઓ છે, જેમણે 4 માર્ચે ફરીથી વોટિંગ કર્યું હતું. જેનું 5 માર્ચે પરિણામ જાહેર કરવામાં આવ્યું છે.

ગુરૂવારે યોજાયેલા મતદાનમાં વોટિંગ માટે લાંબી લાઈનો લાગી હતી. આ દરમિયાન ભાજપ અને કોંગ્રેસના કાર્યકર્તાઓ પણ મોટી સંખ્યામાં બોરિયા ગામમાં પહોંચી ગયા હતા. આ મતદાન માટે પોલીસ તરફથી પણ ખાસ બંદોબસ્ત ગોઠવવામાં આવ્યો હતો

આણંદ જિલ્લા પંચાયતની 35-સિહોલ બેઠક પર મતગણતરી સમયે ટેક્નીકલ ખામીના પગલે EVM ખુલ્યુ જ નહતું. જેના કારણે અહીં મત ગણતરી થઈ શકી નહતી. ચૂંટણી પંચ તરફથી તપાસ બાદ EVMમાં ટેક્નિકલ ખામીની જાણ થતા પુન: મતદાન કરાવવાનો આદેશ આપવામાં આવ્યો હતો. ચૂંટણી પંચના આદેશ મુજબ, ગુરુવારે યોજાયેલા પુન: મતદાનમાં સાંજ સુધીમાં 79 ટકા વોટિંગ થયુ હતું. જેનુ આજે પરિણામ જાહેર થતાં કોંગ્રેસના ઉમેદવારને વિજેતા જાહેર કરવામાં આવ્યા છે.

(12:56 pm IST)
  • હાર્દિકને ગુજરાત બહાર જવાની છુટ : કોંગ્રેસના કાર્યકારી પ્રમુખ હાર્દિક પટેલની અરજી ઉપર હાઈકોર્ટે તેને ગુજરાત રાજય બહાર જવાની મંજુરી આપી છેઃ રાજકીય કામકાજ અંગે રાજયની બહાર જવાની પરવાનગી આપવામાં આવી હતી access_time 4:40 pm IST

  • કોંગ્રેસના સ્ટાર પ્રચારકની ભૂમિકામાં આવી પ્રિયંકા : દાદી ઈન્દિરા ગાંધી લોકો સાથે હળીમળી જવામાં માહિર : અસમથી પાંચ રાજ્યોના વિધાનસભાની ચૂંટણી પ્રચારની શરૂઆત કરી : અન્ય રાજ્યોમાં તેમનો કાર્યક્રમ પણ ઘડાઈ છે : કોંગ્રેસના નબળા સમયે અને સતત પાર્ટીના ધોવાણ થતા સાથે કાર્યકરોની પણ નારાજગી વખતે પણ પ્રિયંકામાં જોમ જુસ્સો યથાવત :મુશ્કેલીના સમયે પાર્ટીની ઢાલ બની ઉંભરતી પ્રિયંકાની ખાસિયતમાં દેખાય છે ઇન્દિરા ગાંધીજીની ઝલક access_time 12:32 am IST

  • સુશાંત સંબંધી ડ્રગ્સ કેસમાં ચાર્જશીટ દાખલ સુશાંત સિંહ રાજપૂત સંબંધી ડ્રગ્સ કેસમાં આજે નેશનલ ક્રાઈમ બ્યુરો (એન.સી.બી.) સ્પેશિયલ એન.ડી.પી.એસ. કોર્ટમાં ચાર્જશીટ દાખલ કરી રહી છે. બોલિવૂડ અભિનેત્રી રીયા ચક્રવર્તી, તેનો ભાઈ અને બીજાઓ આ કેસમાં આરોપીઓ છે. access_time 1:17 pm IST