Gujarati News

Gujarati News

News of Friday, 5th March 2021

સુરતના વાવ ગામે ગોલ્ડન નેસ્ટ પ્રોજેક્ટમાં કરોડોનું ભોપાળુ કરનાર સામે પોલીસ ફરિયાદ

અનેક લોકોને છેતરી રૂ. 23 કરોડની રકમ ચાઉં કરનાર સામે સુરત રેન્જ એડી ડીજી ડો રાજકુમાર પાંડિયનની સૂચના અને માર્ગદર્શન મુજબ કામરેજ પોલીસે ગુનો દાખલ કર્યો

(કાર્તિક બાવીશી દ્વારા ) વલસાડ : સુરતના કામરેજ પોલીસ મથકના હદ વિસ્તારમાં આવતા વાવ ગામે ગોલ્ડન નેસ્ટ પ્રોજેક્ટ અંતર્ગત રાજુ રવજી દેસાઇએ અનેક લોકો પાસેથી કરોડો રૂપિયા પડાવી પાડ્યા હતા. વર્ષ 2013 થી વર્ષ 2019 સુધી તેણે આ ગોરખ ધંધો કર્યો હતો. જેની વિરૂદ્ધ કામરેજ પોલીસ મથકે ફરિયાદ નોંધાઇ છે.
સવાવ ગામે બનનારા ગોલ્ડન નેસ્ટ પ્રોજેક્ટની જમીનનો માલિકી હક ધરાવતો ન હોવા છતાં રાજુ રવજી દેસાઇ તેના મેનેજર રાજેશ અમરસિંહ ટાટમિયા અને વિપુલ દેસાઇએ પ્લોટમાં પ્રોજેક્ટ બનાવવાના પેમ્ફલેટો છાપી અનેક પ્લોટ હોલ્ડરો પાસેથી રૂ. 23 કરોડની ઉઘરાણી કરી લીધી હતી. ત્યારબાદ તેણે આ પ્રોજેક્ટ અધુરો છોડી દીધો હતો. તેની ઠગ ટોળકીએ પ્લોટ હોલ્ડરો હિતેશભાઇ બાબુભાઇ ભાદાણી રહે સુરતને તેમજ તેની સાથે અનેકોને પ્લોટનો કબજો આપ્યો નથી, તેમજ તેમનું બાંધકામ પણ પૂર્ણ કર્યું નથી. તેમને કોઇ પણ પ્રકારનો દસ્તાવેજ પણ કરી આપ્યો નથી. આ પ્રોજેક્ટમાં પૈસા રોકનારા તેની વિરૂદ્ધ પોલીસ ફરિયાદની વાત કરતા તો તે બધાને મારવાની વાત કરતો હતો. જેના પગલે લોકોએ તેની વિરૂદ્ધ અત્યાર સુધી ફરિયાદ કરી ન હતી. જોકે, હવે તેની વિરૂદ્ધ પોલીસ ફરિયાદ થતાં પોલીસે તેના થકી છેતરાયેલાની તપાસ હાથ ધરી છે. તેમજ તેની કડક હાથે પુછતાછ હાથ ધરી છે.

(7:54 pm IST)
  • નીતિનભાઈ પટેલ અને તેમના પત્નીઍ કોરોના વેક્સિનનો પ્રથમ ડોઝ લીધો : અમદાવાદ શહેરની સોલા સિવિલ હોસ્પિટલમાં રાજયના ઉપમુખ્યમંત્રી નીતિનભાઈ પટેલ અને તેમના ધર્મપત્નિઍ આજે કોરોનાની વેક્સીન મૂકાવી હતી : લોકોને પણ આ વેક્સીન મૂકાવવા અપીલ તેમણે કરી હતી access_time 11:29 am IST

  • ભારતીય ઉદ્યોગપતિ રમેશ રામકૃષ્ણન દ્વારા પ્રમોટ કરાયેલ દુબઈ સ્થિત ટ્રાંસવર્લ્ડ ગ્રૂપે રાજ્ય માલિકીની સાગરમાલા ડેવલપમેન્ટ કંપની લિ. સાથે ગુજરાતમાં કાર્ગો કન્ટેનર મેન્યુફેક્ચરિંગ સુવિધા રૂ. 200 કરોડના રોકાણ સાથે બનાવવા માટે કરાર કર્યો છે : આ યોજના આત્મનિર્ભાર ભારત પહેલના ભાગરૂપે, ચીન દ્વારા વર્ચસ્વ ધરાવતા કાર્ગો કન્ટેનર બિઝનેસમાં ભારતના પ્રવેશને ચિહ્નિત કરે છે. access_time 10:32 pm IST

  • EVM કમલમમાં નથી બનતાઃ વિધાનસભામાં વિપક્ષના હોબાળા બાદ નાયબ મુખ્‍યમંત્રી નીતિનભાઇ પટેલનું નિવેદન access_time 11:14 am IST