Gujarati News

વડોદરાના અલકાપુરીમાં હિટ એન્ટ રનની ઘટના બની હતી પુરપાટ ઝડપે આવેલા BMWના ચાલકે એક પછી એક ત્રણ ટુ-વ્હીલર અને કારને અડફેટે લીધા હતા. જેમાં ભાઈ-બહેન સહિત ત્રણને ગંભીર ઇજા થઇ હતી ઇજાગ્રસ્તોને સારવાર માટે 108માં સયાજી હોસ્પિટલમાં ખસેડવામાં આવ્યાં હતાં.

   ઈજાગ્રસ્તોમાં આશિષ અને જયશ્રી કવૈયા બંનેની હાલત ગંભીર છે. આ અકસ્માત એટલો ગંભીર હતો કે મોપેડ આખી કારમાં અંદર ઘુસી ગઇ હતી અને ટુ-વ્હીલર પર સવાર યુવતીને હવામાં ઉછાળી હતી.
ઘટના સમયે એવી ચર્ચા હતી કે બીએમડબ્લ્યુનો માલિક અકસ્માત કરીને ભાગી ગયો હતો, પરંતુ પાછળથી જાણવા મળ્યું હતું કે, ગેરેજમાં રિપેરિંગ માટે આ કાર આવી હતી અને મિકેનિક કાર લઈને ચક્કર મારવા નિકળ્યો ત્યારે અકસ્માત સર્જાયો હતો. (વિડીયો - સ્પીડ રિપોર્ટ)