Gujarati News

Gujarati News

News of Friday, 4th December 2020

છેલ્લા 24 કલાકમાં ગુજરાતમાં 69,735 લોકોના કોરોના ટેસ્‍ટ કરાયાઃ ગુજરાત ટેસ્‍ટના મામલામાં 7મા ક્રમે

અમદાવાદ: ગુજરાતમાં જીવલેણ કોરોના વાઈરસનુ સંક્રમણ ફેલાતું અટકવાનું નામ નથી લઈ રહ્યું. રાજ્યમાં દિન-પ્રતિદિન કોરોના સંક્રમિતોની સંખ્યામાં ચિંતાજનક વધારો થઈ રહ્યો છે. ગુજરાતમાં કોરોનાને કાબુમાં કરવા માટે ટેસ્ટિંગની સંખ્યા પણ વધારવામાં આવી રહી છે. છેલ્લા 24 કલાકમાં રાજ્યમાં 69,735 લોકોના કોરોના ટેસ્ટ કરવામાં આવ્યાં છે.

ગુજરાતમાં અત્યાર સુધી 80,33,388 લોકોના કોરોના ટેસ્ટ કરવામાં આવી ચૂક્યાં છે. ગુજરાતથી સૌથી વધુ કોરોના ટેસ્ટ ઉત્તર પ્રદેશ, બિહાર, તમિલનાડુ, મહારાષ્ટ્ર, કર્ણાટક અને આંધ્ર પ્રદેશમાં થઈ ચૂક્યાં છે.

ઉત્તર પ્રદેશમાં અત્યાર સુધી 2 કરોડથી વધુ કોરોના ટેસ્ટ થયા છે. જ્યારે બિહારમાં દોઢ કરોડથી વધુ, તમિલનાડુમાં 1.20 કરોડથી વધુ, મહારાષ્ટ્ર અને કર્ણાટકમાં 1.10 કરોડથી વધુ કોરોના ટેસ્ટ થઈ ચૂક્યાં છે. જ્યારે આંધ્ર પ્રદેશમાં એક કરોડથી વધુ ટેસ્ટ કરવામાં આવ્યા છે.

રાજ્યમાં જીવલેણ કોરોના અત્યાર સુધી 4 હજારથી વધુ લોકોને ભરખી ચૂક્યો છે. આ દ્રષ્ટિએ ગુજરાત કોરોનાથી સર્વાધિક મોત મામલે સમગ્ર દેશમાં 7માં ક્રમે છે. જ્યારે કોરોના સંક્રમિતોની સંખ્યા મામલે ગુજરાત સમગ્ર દેશમાં 15માં સ્થાને છે.

(5:42 pm IST)
  • આગામી બજેટમાં સરકારી તિજોરી છલકાવવા માટે નવો રસ્તો શોધી કાઢ્યો? હવે ટેક્ષ ઉપર નવી 'સેસ' લાદવામાં આવે તેવી સંભાવના: ૧ ફેબ્રુઆરીએ આવી રહેલા આગામી કેન્દ્રીય બજેટમાં મોદી સરકાર સંભવતઃ ડાયરેકટ અને ઇનડાયરેકટ ટેકસ ઉપર, નવી સેસ લાદવા જઈ રહ્યાનું આધારભુત વર્તુળોમાંથી જાણવા મળે છે.. (ન્યૂઝફર્સ્ટ) access_time 11:15 am IST

  • કોરોના ગાંડોતૂર બનતા અમેરિકાના લોસ એન્જલીસમાં લોકડાઉનની જાહેરાત : લોકડાઉનનની જાહેરાતથી ગુજરાતનો હીરા ઉદ્યોગ ચિંતામાં : ક્રિસમસની ઘરાકી ઉપર પડી શકે છે મોટી અસર : સુરતમાં તૈયાર થયેલા હીરા અને જવેલરીની અમેરિકામાં સારી માંગ હોય છે : ક્રિસમિસના મોટા ભાગના ઓર્ડર સુરતથી રવાના થયા છે access_time 10:47 am IST

  • સાહિત્યકાર ઝવેરચંદ મેઘાણીના પુત્ર જયંત મેઘાણીનું દુઃખદ નિધન : જાણીતા સાહિત્યકાર ઝવેરચંદ મેઘાણીના પુત્ર જયંત મેઘાણીનું આજે ભાવનગર મુકામે દુઃખદ નિધન થયુ છે : તેઓ ૮૩ વર્ષના હતા : કોમ્પ્યુટર ઉપર કામ કરી રહ્યા હતા ત્યારે અંતિમ શ્વાસ લીધા access_time 3:20 pm IST