Gujarati News

Gujarati News

News of Friday, 4th October 2019

સુરતના રાંદેર-અડાજણ વિસ્તારમાં તસ્કરોએ તરખાટ મચાવ્યો :એક રાતમાં 10થી વધુ દુકાનોના તાળા તૂટ્યા

દુકાનોના તાળા તોડી હજારોની ચોરી કરી ફરાર: પેટ્રોલીંગ સામે સવાલ સર્જાયા

સુરત શહેરના રાંદેર-અડાજણ વિસ્તારમાં નવરાત્રિની ચોથી રાત્રે તસ્કરોએ એક જ રાતમાં લગભગ ૧૦થી વધુ દુકાનોના તાળા તોડી હજારોની ચોરી કરી ફરાર થયા હતા  સવાર પડતા જ દુકાનમાં ચોરી થઈ હોવાની ખબર પડતા જ વેપારીઓ દોડતા થઈ ગયા હતા. એક સાથે ૧૦ દુકાનોના તૂટેલા તાળાના બનાવને લઈ રાંદેર અને અડાજણ પોલીસ દ્વારા કરવામાં આવતા પેટ્રોલીંગ સામે પ્રશ્નો ઉભા થયા હતા.

    રાંદેર-અડાજણ પાલનપુર જકાતનાકા વિસ્તારમાં મેઈન રોડ પર ૧૫૦ મીટરના અંતરે આવેલી દુકાનોને તસ્કરોએ નિશાન બનાવી છે. જ્યારે અડાજણ પોલીસ સ્ટેશનના હદ વિસ્તારમાં હોટેલ પાસેની કેટલીક દુકાનોના તાળા તૂટ્યા બાદ પોલીસ દોડતી થઈ હતી.

   તસ્કરોએ સિમેન્ટના હોલસેલ અને રિટેલર વેપારીની દુકાન, કંકોત્રીની દુકાન, કરીયાણાની દુકાન, મોબાઈલ શો-રૂમ સહિત અનેક નાના મોટા વેપારીઓની દુકાનને નિશાન બનાવી માત્ર રોકડ રકમ પર જ હાથ સાફ કર્યો હોવાનું જાણવા મળ્યું છે.

(9:43 pm IST)
  • મોંઘવારીનો વધુ એક માર : ડુંગળી ,લસણ ,અને ટમેટા પછી હવે દાળ સહીત કઠોળના ભાવોમાં વધારો : ગ્રહિણીઓનું બજેટ વેરવિખેર access_time 12:54 pm IST

  • રાત્રે ૧૧.૪પ્ વાગ્‍યે : અમરેલીના ખોડીયાર ડેમના ૯ દરવાજા ર-ર ફૂટ ખોલવામાં આવ્‍યા : ધારી પંથકના ગામોમાં પણ ભારે વરસાદ પડ્યો રહ્યો છે : ગીર પંથકના છેવાડાના ગામોમાં સાંજ થી રાતસુધી અંધરાધાર વરસાદ વરસી રહ્યો છે access_time 11:58 pm IST

  • હિન્દુઓના તીર્થધામ કેદારનાથનો પુનરોધ્ધાર : દેશના 12 જ્યોતિર્લીંગ માંહેના એક કેદારનાથના પ્રવેશદ્વારને ચાંદીથી મઢી દેવાયા : અગાઉના લાકડાના દ્વારને જલંધરના શ્રધ્ધાળુ વેપારીએ ચાંદીથી મઢી દીધા : વડાપ્રધાન શ્રી નરેન્દ્ર મોદીએ ગયા વર્ષે મંદિરનો પુનરોદ્ધાર કરવા માટે અનુરોધ કર્યો હતો access_time 12:38 pm IST