Gujarati News

Gujarati News

News of Friday, 3rd July 2020

અમદાવાદમાં નવા 26 માઈક્રો કન્ટેઈન્મેન્ટ ઝોન જાહેર : બે વિસ્તારને મુક્તિ અપાઈ

કોરોનાના કેસમાં વધારો થતા એ વિસેંટરોને માઈક્રો કન્ટેઈન્મેન્ટ ઝોનમાં ઉમેરવામાં આવ્યા

 

અમદાવાદ : છેલ્લા કેટલાક સમયથી અમદાવાદ શહેરમાં કોરોના વાયરસના કેસમાં ઘટાડો જોવાયો છે  અમદાવાદમાં કોરોનાના કેસ ઘટ્યા પણ માઈક્રો કન્ટેઈન્મેન્ટ ઝોનમાં વધારો કરવામાં આવ્યો છે. કુલ 58 કન્ટેઈન્મેન્ટ જૂના રહેશે અને તો તેની સાથે 26 નવા સ્થળને માઈક્રો કન્ટેઈન્મેન્ટ ઝોનમાં ઉમેરવામાં આવ્યા છે. અગાઉ કુલ માઈક્રો કન્ટેઈન્મેન્ટ ઝોનની સંખ્યા 60 હતી. કન્ટેઈન્મેન્ટ ઝોન અંગે તંત્રએ નિર્ણય લીધો છે અને તેમાંથી માત્ર 2 ઝોનને દૂર કરવામાં આવ્યા છે.

અમદાવાદમાં જે 26 વિસ્તારમાં કોરોનાના કેસમાં વધારો જોવા મળ્યો છે તેને માઈક્રો કન્ટેઈન્મેન્ટ ઝોનમાં ઉમેરવામાં આવ્યા છે તંત્ર દ્વારા એક બેઠક યોજવામાં આવી હતી અને ત્યારબાદ નિર્ણય લેવામાં આવ્યો છે. જે 2 વિસ્તારને માઈક્રો કન્ટેઈન્મેન્ટ ઝોનમાંથી મુક્તિ આપવામાં આવી છે તેમાં સાઉથ ઝોનના વટવા વોર્ડમાં આવેલી સ્વામિનારાયણ સોસાયટી, સ્મૃતિ મંદિરનો સમાવેશ થાય છે. જ્યારે નોર્થ વેસ્ટ ઝોનના બોડકદેવ વોર્ડના ગેલેક્સી ટાવરને પણ માઈક્રો કન્ટેઈન્મેન્ટ ઝોનમાંથી મુક્તિ આપવામાં આવી છે.

જે પણ નવા કન્ટેઈન્મેન્ટ ઝોન જાહેર કરવામાં આવે છે ત્યાં કોર્પોરેશન દ્વારા સઘન મેડિકલ તપાસ હાથ ધરવામાં આવતી હોય છે. સિવાય ઝોનમાં ડોર ટુ ડોર જઈને સર્વે કરવામાં આવે છે. જો કોઈપણ વ્યક્તિમાં કોરોના વાઈરસના લક્ષણો દેખાય તો તેમના સેમ્પલ પણ લેવાઈ છે. અમદાવાદમાં કોરોનાના કુલ પોઝિટિવ કેસ 21,543 થઈ ગયા છે. જ્યારે કોરોનાના લીધે 1466 લોકોના મોત નીપજ્યાં છે. છેલ્લાં 24 કલાકમાં 204 નવા પોઝિટિવ કેસ સામે આવ્યા છે.

(12:35 am IST)
  • રાષ્ટ્રપતિના ભત્રીજાની હત્યા: અફઘાનિસ્તાનના રાષ્ટ્રપતિ અશરફ ગનીના ભત્રીજાની કાબુલમાં ગોળીબાર કરી હત્યા. access_time 11:28 pm IST

  • દેશમાં કોરોનાનો હાહાકાર યથાવત :એક જ દિવસના અત્યાર સુધીના સૌથી વધુ 22,816 નવા કેસ : વધુ 610 લોકોના મોત : મહારાષ્ટ્રં , કર્ણાટક અને તેલંગાણામાં કોરોનાના રેકોર્ડબ્રેક નવા કેસ :રાત્રે 12 વાગ્યા સુધીમાં દેશમાં કોરોનાના કુલ 6, 72,702 કેસ થયા : 2,44,711 એક્ટિવ કેસ :કુલ 4,08,646 દર્દીઓ રિકવર થયા :વધુ 610 લોકોના મોત સાથે કુલ મૃત્યુઆંક 19,279 થયો :મહારાષ્ટ્રમાં સૌથી વધુ નવા 7074 કેસ સાથે કુલ કેસની સંખ્યા 2,00,064 થઇ: તામિલનાડુમાં નવા 4280 કેસ સાથે કુલ કેસનો આંક 1,07,001 થયો :દિલ્હીમાં વધુ 2505 કેસ : કર્ણાટકમાં 1839 નવા કેસ : તેલંગાણામાં નવા 1850 કેસ નોંધાયા access_time 12:59 am IST

  • રૂપલબેન રાજદેવને કોરોના પોઝીટીવ આવત ભારે ચિંતા કાનુડા મિત્ર મંડળના રૂપલબેન રાકેશભાઈ રાજદેવની ઉદારતા, સામાજીક કાર્યો અને ગુપ્ત દાન તથા મહિલાઓ પ્રત્યેની અપાર લાગણીથી તેઓ ખૂબ જ માન ધરાવે છેઃ સેંકડો લોકોના દુઃખ દર્દ લૂંછનાર રઘુવંશી સમાજના મોટાગજાના મહિલા અગ્રણીને કોરોના પોઝીટીવ આવતા સેંકડો ભાઈ- બહેનોમાં ઘેરી ચિંતાની લાગણી access_time 6:30 pm IST