Gujarati News

Gujarati News

News of Tuesday, 4th May 2021

સીઆર પાટીલ દ્વારા કોવિડ એમ્બ્યુલન્સનું લોકાર્પણ

એમ્બ્યુલન્સના લોકાર્પણ સમારંભમાં પાટીદાર આગેવાન અને એડવોકેટ ચેતન પટેલ(રાબડા), લક્ષ્મણભાઇ પટેલ, હિતેશભાઇ પટેલ(વાઘછીપા), તેજસ પટેલ(કેવાડા), નિમેષ પટેલ વગેરે ઉપસ્થિત :એમ્બ્યુલન્સ તાત્કાલિક ધોરણે મળે એ માટે વલસાડ આરટીઓ અધિકારી રાવલિયા અને જિલ્લા ઉદ્યોગ કેન્દ્રના અધિકારી જાડેજાએ, ચાઇલ્ડ લાઇનના ભગીરથસિંહ ચૂડાસમા અને પારડી પીએસઆઇ બી. એન. ગોહિલે પણ મદદ કરી.

(કાર્તિક બાવીશી દ્વારા )વલસાડમાં કોરોનાના કહેર વચ્ચે વલસાડના પાટીદાર સમાજ દ્વારા એક એમ્બ્યુલન્સ નગરપાલિકાને આપી સેવાનું ઉમદા કાર્ય કર્યું છે. વલસાડ તાલુકાના જેમસન ચેરીટેબલ ટ્રસ્ટ દ્વારા આ એમ્બ્યુલન્સ નગરપાલિકાને આપવામાં આવી છે. જેનું લોકાર્પણ ભાજપ પ્રદેશ પ્રમુખ સી. આર. પાટીલ દ્વારા એન્જિનિયરીંગ કોલેજની હોસ્ટેલ ખાતે કરવામાં આવી છે.
વલસાડના જેમસન ટ્રસ્ટના પ્રમુખ રમેશભાઇ વસનજીભાઇ પટેલે એકલા હાથે દાન આપી એમ્બ્યુલન્સ ખરીદી ટ્રસ્ટના નામે આ એમ્બ્યુલન્સ નગરપાલિકાને આપી છે. આ એમ્બ્યુલન્સ ન્યાત જાત, ધર્મના ભેદભાવ વિના કામ કરવા માટે આપવામાં આવી છે. તેમની આ ઉમદા કામગીરીની સમગ્ર વલસાડમાં વાહવાહી થઇ રહી છે.
આ સંદર્ભે અકિલા સાથેની વાતચિતમાં વલસાડ જિલ્લા ભાજપના પૂર્વ પ્રભારી દિલીપભાઇ દેસાઇએ જણાવ્યું કે, પાટીદાર સમાજનું વલસાડ શહેરને અપાયેલું યોગદાન અમુલ્ય છે. કોરોના કાળમાં એક સમાજ પોતાના માટે જ નહી, પરંતુ તમામ લોકોની સેવા માટે આવું ઉમદા કાર્ય કરે એ ખરેખર પ્રશંસાને પાત્ર છે.
આ એમ્બ્યુલન્સના લોકાર્પણ સમારંભમાં પાટીદાર આગેવાન અને એડવોકેટ ચેતન પટેલ(રાબડા), લક્ષ્મણભાઇ પટેલ, હિતેશભાઇ પટેલ(વાઘછીપા), તેજસ પટેલ(કેવાડા), નિમેષ પટેલ વગેરે ઉપસ્થિત રહ્યા હતા. આ એમ્બ્યુલન્સ તાત્કાલિક ધોરણે મળે એ માટે વલસાડ આરટીઓ અધિકારી રાવલિયા અને જિલ્લા ઉદ્યોગ કેન્દ્ર ના અધિકારી જાડેજાએ, ચાઇલ્ડ લાઇનના ભગીરથસિંહ ચૂડાસમા અને પારડી પીએસઆઇ બી. એન. ગોહિલે પણ ખૂબ મદદ કરી હતી.

(11:44 pm IST)
  • સાંજે ૬ વાગ્યે : રાજકોટમાં ૪૧.૨ ડિગ્રી : તાપ અને બફારા વચ્ચે ૧૪ કિ.મી.ની ઝડપે પવનો ફૂંકાઈ રહ્ના છે. હવામાન વિભાગ કહે છે હજુ ઍકાદ - બે દિવસ ૪૧ ડિગ્રી આસપાસ તાપમાન રહેશે : બાદ ૧ થી ૨ ડિગ્રી વધવા સંભવ access_time 5:48 pm IST

  • મુંબઈમાં ડ્રાઈવ - થ્રુ વેકસીનેશન શરૃઃ સીનીયર સીટીઝનો માટે સુવિધા : દેશભરમાં સંભવતઃ પ્રથમ પ્રયોગ : ઉદ્ધવ સરકારે સીનીયર સીટીઝનો માટે ખાસ સુવિધા શરૂ કરી છે. સીનીયર સીટીઝને પોતાના વાહનમાં જ દાદર (પેસ્ટ) ખાતે ખાસ સુવિધા ઉભી કરી છે ત્યાં જવાનું મોટરની નીચે પણ નહિં ઉતરવાનું બીએમસી દ્વારા વાહનમાં જ કોરોના વેકસીન આપવામાં આવે છે. રોજના ૫૦૦૦ વેકસીનેશનની સુવિધા છે. દેશભરમાં ડ્રાઈવ - ઈન વેકસીનેશન સેવા સંભવતઃ પ્રથમ વખત મહારાષ્ટ્રમાં શરૂ થઈ છે. access_time 12:49 pm IST

  • આંધ્રપ્રદેશ સરકારે જાહેર કર્યું છે કે રાજ્યમાં કોરોના સંક્રમણ વધતા, રાજ્યમાં 5 મેં થી 14 દિવસ માટે આંશિક કર્ફ્યુ લાગુ કરવામાં આવશે : બધી દુકાનો સવારે 6 થી બપોરે 12 વાગ્યા સુધી જ ખુલી શકશે અને ફક્ત આવશ્યક સેવાઓને જ મંજૂરી આપવામાં આવશે access_time 8:38 pm IST