Gujarati News

Gujarati News

News of Tuesday, 4th May 2021

કોરોના કાળના એક વર્ષ બાદ મેયર સહિત 159 કોર્પોરેટરોના 8.11 કરોડના બજેટમાંથી 50 નંગ વેન્ટિલેટર ખરીદવા નિર્ણય

કોરોના વાયરસનું સંક્રમણ ફેલાતું અટકાવવા માટે અન્ય આનુષંગિક કાર્યવાહી ઝડપથી કરવાનો નિર્ણય કરાયો

અમદાવાદ :અમદાવાદ મ્યુનિસિપલ કોર્પોરેશને. આખરે એક વર્ષ બાદ મેયર સહિત 159 કોર્પોરેટરોના રૂ.8.11 કરોડના બજેટમાંથી 50 નંગ વેન્ટિલેટર ખરીદવાનો નિર્ણય કર્યો છે,એક કોર્પોરેટરના બજેટમાંથી 5 લાખ એમ કુલ ભાજપના 159 કોર્પોરેટરના રૂ. 7.95 લાખ અને મેયર બજેટમાંથી 16 લાખની ગ્રાન્ટ વેન્ટિલેટર ખરીદી પાછળ ખર્ચાશે.

અમદાવાદ મ્યુનિસિપલ કોર્પોરેશને સત્તાવાર જાહેરાત કરી છે કે, અમદાવાદ શહેરમાં નોવેલ કોરોના વાયરસનું સંક્રમણ ફેલાતું અટકાવવા માટે અમદાવાદ મ્યુનિ. કોર્પોરેશન દ્વારા બહુ આયામી પગલાં લેવામાં આવી રહ્યાં છે.

કોવિડ-19 મહામારી આ પરિસ્થિતિ ધ્યાને લઇને સને 2021-22ના ભાજપના 159 કોર્પોરેટરના બજેટમાંથી 5 લાખ તેમજ મેયરના સ્પેશિયલ બજેટમાંથી 16 લાખ મળી કુલ રૂ.8.11 કરોડના ખર્ચે 50 નંગ વેન્ટિલેટર ખરીદી માટે ફાળવવામાં આવ્યા છે. આ સંદર્ભમાં અન્ય આનુષંગિક કાર્યવાહી ઝડપથી કરવાનો નિર્ણય કરાયો છે.

(11:15 pm IST)
  • સાંજે ૬ વાગ્યે : રાજકોટમાં ૪૧.૨ ડિગ્રી : તાપ અને બફારા વચ્ચે ૧૪ કિ.મી.ની ઝડપે પવનો ફૂંકાઈ રહ્ના છે. હવામાન વિભાગ કહે છે હજુ ઍકાદ - બે દિવસ ૪૧ ડિગ્રી આસપાસ તાપમાન રહેશે : બાદ ૧ થી ૨ ડિગ્રી વધવા સંભવ access_time 5:48 pm IST

  • હિંસા કેમ થાય છે ? મમતાની સરકાર પાસે મોદી સરકારે રિપોર્ટ મગાવ્યો :ચૂંટણી પછીની શરૂ થયેલ હિંસા અંગે પશ્ચિમ બંગાળ સરકાર પાસે રિપોર્ટ મંગાવતી કેન્દ્ર સરકારઃચૂંટણી પરિણામો બાદ પશ્ચિમ બંગાળમા ઠેર ઠેર થઈ રહેલા તોફાનો મુદ્દે કેન્દ્રીય ગૃહ મંત્રાલયએ રાજ્ય સરકાર પાસે રિપોર્ટ મંગાવ્યો છે. access_time 3:18 pm IST

  • પુડુચેરીમાં ડખ્ખા શરૂ :૬ સભ્યો જ હોવા છતાં ભાજપ મુ.મંત્રી પદ માગે છે : પ્રથમ દિવસે જ પુડુચેરીમાં ભાજપ અને સ્થાનિક પક્ષો વચ્ચે ડખ્ખો શરૃઃ પુડુચેરીમાં સ્થાનિક પક્ષો સાથે જોડાણ કરી ભાજપ સત્તા પર આવી રહ્યો છે ત્યારે સત્તાની વહેંચણી બાબતે પ્રથમ ગ્રાસે મક્ષિકા જેવું થયું છે. ભાજપે માત્ર ૬ ધારાસભ્યો સાથે મુખ્યમંત્રીપદ માગતા ભાજપના મોરચામાં મતભેદો સર્જાયા છે. (ન્યુઝ ફર્સ્ટ) access_time 3:19 pm IST