Gujarati News

સુરત : કોરોના વાયરસને પગલે દેશમાં 21 દિવસનું લોકડાઉન ચાલી રહયું છે જો કે નાગરિકો જાણે આ લોકડાઉનની ગંભીરતા ન સમજતા હોય તે પ્રકારનું વર્તન કરી રહ્યા છે. સોશિયલ ડિસ્ટન્સની મજાક ઉડાવી રહ્યા છે. વરાછા રોડ પર આવેલી સરથાણા જકાતનાકા ખાતેની રાજહંસ સ્વપ્ન નામની બિલ્ડીંગની છત પર ભજીયા પાર્ટી ચાલી રહી હતી.ત્યારે અચાનક પોલીસ ડ્રોન પહોંચી જતા તમામ પાર્ટી રસિકોમાં ભાગદોડ મચી ગઇ હતી.

  હાલ સોશિયલ મીડિયા પર ખુબ જ વાયરલ થઇ રહેલા ફેસબુક અને વોટ્સએપમાં વાયરલ થઇ રહેલા વીડિયોમાં પોલીસનું ડ્રોન ફરી રહ્યું હતું તે દરમિયાન ધાબા પર કેટલાક લોકો ભજીયા બનાવવા માટેની તૈયારીઓ કરતા જોવા મળે છે. જો કે અચાનક ડ્રોન આવી જતા તેઓ ભાગવા લાગે છે. જ્યારે કેટલાક લોકો ધાબા પર બેસી રહે છે. જો કે પોલીસ દ્વારા હજી સુધી ભજીયા પાર્ટી પર કોઇ કાર્યવાહી કરવામાં આવી નથી. પરંતુ સોશિયલ મીડિયા પર વીડિયો વાયરલ થતા પોલીસ કાર્યવાહી કરવી પડી શકે છે.