Gujarati News

અમદાવાદ તા. ૪ : કોંગ્રેસે ભરૂચ બેઠક પર શેરખાન પઠાણની ઉમેદવાર તરીકે જાહેરાત કરી છે. શેરખાન પઠાણ અહેમદ પટેલના નજીકના ગણાય છે. તેઓ ભરૂચ જિલ્લા યુથ કોંગ્રેસના પ્રમુખ છે અને આદિવાસી વિસ્તાર નેત્રંગના રહેવાસી હોઈ આદિવાસી સમાજ પર પણ સારું એવું પ્રભુત્વ ધરાવે છે.

તો બીજી તરફ, દાહોદ લોકસભા બેઠક માટે કોંગ્રેસના ઉમેદવાર ની સત્તાવાર જાહેરાત થઈ છે. કોંગ્રેસે ઉમેદવાર તરીકે ૨ વાર સાંસદ તરીકે ચૂંટાયેલા બાબુભાઇ કટારાના નામની જાહેરાત કરી છે. ભાજપમાંથી કોંગ્રેસમાં આવેલા બાબુભાઇ કટારાના નામ પર મહોલ લાગતા આજે તેઓ ખરોડ ગામે જાહેર સભાને સંબોધન કર્યા બાદ ઉમેદવારી નોંધાવી રહ્યા છે.