Gujarati News

Gujarati News

News of Thursday, 4th March 2021

કેમ્પસ ઇન્ટરવ્યુ દ્વારા 11 જણાંની સીધી ભરતીનો નિર્ણય !: જેટકોના ચેરમેનને તપાસ કરીને કારણો સાથેનો આદેશ કરવા હાઇકોર્ટનો હુકમ

ઉર્જાપ્રધાને આ નિમણૂંક રદ કરવા અંગેના કરેલા આદેશને પણ અવગણવામાં આવ્યો હોવાની રજૂઆત

 

અમદાવાદ :ગુજરાત એનર્જી ટ્રાન્સમિશન કોર્પોરેશન લી. ( GETCO ) દ્વારા કેમ્પસ ઇન્ટરવ્યુ 11 જેટલાં લોકોની સીધી ભરતી કરવાના નિર્ણય સામે હાઇકોર્ટમાં જાહેર હીતની રીટ અરજી કરવામાં આવી હતી. આ રીટ અરજીમાં હાઇકોર્ટના ન્યાયમૂર્તિ આર.એમ. છાયા તથા ન્યાયમૂર્તિ આર.પી. ધોલરિયાની ખંડપીઠે જેટકોના ચેરમેનને ડિસેમ્બર સુધીમાં આ મુદ્દા પર કાયદા મુજબ તપાસ કરે અને કારણો સાથેનો આદેશ કરવા હુક્મ કર્યો છે. જેટકોએ ભરતી માટેની કાયદાકીય પક્રિયાને અવગણી હોવાથી નિમણૂંકોને રદ કરવા માટે જાહેર હીતની રીટ અરજી કરવામાં આવી હતી.

અરજદાર બીજલી મજદૂર પંચાયત તરફથી એડવોકેટ ભાવિક આર. સમાનીએ ધારદાર રજૂઆત કરી હતી કે, જેટકોએ સરકારી કંપની છે. જેમાં કાયદા મુજબ ભરતી પહેલાં જાહેરાત આપવી પડે અને પછી ભરતી માટેની તમામ પ્રક્રિયાનું પાલન કર્યા બાદ જ નિમણૂંક કરવી પડે. પરંતુ જેટકોએ કાયદાથી વિપરીત જઇને વર્ષ 2010માં પંડિત દિનદયાલ યુનિવર્સીટીમાં ( PDPU ) જઇને કેમ્પસ ઇન્ટરવ્યુ કર્યા હતા.  મેનેજમેન્ટ ટ્રેઇની તરીકે 11 જણાંને નિમણૂંક આપી હતી. આ સીધી ભરતી પ્રક્રિયામાં અનામતના ધારાધોરણોનું પાલન કરાયું ન હતું અને ઉર્જા પ્રધાને આ નિમણૂંક રદ કરવા આદેશ કર્યો હતો. તેને પણ અવગણવામાં આવ્યો છે. આમાં કૈંભાંડની સંભાવના છે.

આ ઉપરાંત થોડા વર્ષ બાદ કેટલાંકને આસીસ્ટન્ટ મેનેજર તરીકે કાયમી કરવામાં આવ્યા છે. જેટકોમાં આવી કોઇ પોસ્ટ જ નથી. આ અંગે મેનેજમેન્ટને લીગલ નોટીસ પણ આપવામાં આવી હતી. છતાં પણ મેનેજમેન્ટ તરફથી કોઇ જ યોગ્ય કાર્યવાહી કરવામાં આવી નથી. જેથી આ નિમણૂંકોને રદ કરવા ઉપરાંત મંજુરી વગર ભરતી કરનારા અને પછી તેને નિયમિત કરનારા અધિકારીઓ સામે પગલાં લેવામાં આવે. તેમ જ જેટકોને ભરતી માટે પહેલાં મંજુરી મેળવે ત્યારબાદ જાહેરાત બહાર પાડે અને કાયદા મુજબ નિમણૂંકની પ્રક્રિયા હાથ ધરવામાં આવે તેવી દાદ માંગી હતી.

અરજદાર બીજલી મજદૂર પંચાયતની રજૂઆતને ધ્યાનમાં લઇને હાઇકોર્ટના ન્યાયમૂર્તિ આર.એમ. છાયા તથા ન્યાયમૂર્તિ આર.પી. ધોલરિયાની ખંડપીઠે ઉપર્યુક્ત હુકમ કર્યો છે.

 

(12:41 am IST)
  • જર્મનીએ કોરોના વાયરસ સામે કાર્યવાહી કરવા માટે દેશમાં વધુ ત્રણ અઠવાડિયા એટલે કે 28 માર્ચ સુધી લોકડાઉન વધારવાનો નિર્ણય લીધો છે. જો કે, આ સમયગાળા દરમિયાન કેટલાક નિયંત્રણો હળવા કરવામાં આવશે. access_time 4:57 pm IST

  • સ્વીડનમાં આઠ લોકોને છૂરી હુલાવી દેવાઇ: હુમલો કરનાર ઝડપાઈ ગયો: ત્રાસવાદી હુમલો થયાનું મનાય છે access_time 1:14 am IST

  • પાકિસ્તાનની સીંધ વિધાનસભામાં બઘડાટીઃમહિલા સભ્યો જીવ બચાવીને ભાગી : ઇમરાન ખાનની તેહરીકે ઇન્સાફ પાર્ટીના નેતાઓ વચ્ચે અંદરોઅંદર યાદવાસ્થળી access_time 1:23 pm IST