Gujarati News

Gujarati News

News of Thursday, 4th March 2021

અમદાવાદ જીલ્લા પંચાયતનું પ્રમુખપદ ન ગુમાવવું પડે તે માટે ભાજપનો એકશન પ્લાનઃ સુરક્ષીત બેઠકના ચુંટાયેલા સભ્યને રાજીનામું અપાવીને આદિવાસી ઉમેદવારને ચુંટણી લડાવશે

અમદાવાદ તા:૪:અમદાવાદ જિલ્લા પંચાયતની કુલ 34 બેઠકોમાંથી ભારતીય જનતા પાર્ટીએ કુલ 30 બેઠકો પર જીત મેળવી છે. જ્યારે કૉંગ્રેસ માત્ર 4 બેઠકો પર જીત મેળવી છે. છતાં અમદાવાદ જિલ્લા પંચાયત (jilla panchayat) માં ભાજપમાં પ્રમુખપદ ગુમાવી શકે તેવુ દેખાઈ રહ્યું છે. જોકે, પ્રમુખ પદ માટે ભાજપ એડીચોટીનુ જોર લગાવે તેવી શક્યતા દેખાઈ રહી છે. આ માટે ભાજપ પોતાના નવા માસ્ટર પ્લાન પર પણ કામ કરી શકે છે. 

અમદાવાદ જિલ્લા પંચાયતમાં કોંગ્રેસ (congress) ના પ્રમુખ ન બને તે માટે હવે ભાજપે નવી રણનીતિ બનાવી છે. અનામત રોટેશન પ્રમાણે અમદાવાદ (Ahmedabad) જિલ્લા પંચાયત પ્રમુખ પદ પર આદિવાસી અનામત છે. ત્યારે કોંગ્રેસ મહિલા ઉમેદવાર પારૂબહેન પઢાર શાહપુર ચૂંટણીમાં જીત્યા છે. જોકે, 34 માંથી 30 બેઠકો જીતવા છતાં પણ ભાજપને પ્રમુખ પદ નહિ મળે. ભાજપ પોતાની સુરક્ષિત બેઠક પર જિલ્લા પંચાયતના ચૂંટાયેલા એક સદસ્યને રાજીનામું અપાવશે. ખાલી કરેલ બેઠક પર ભાજપ આદિવાસી ઉમેદવારને ચૂંટણી લડાવશે. આદિવાસી ઉમેદવારને જીતાડી અમદાવાદ જિલ્લા પંચાયત પ્રમુખ બનાવવામાં આવશે. 

એસટી બેઠક પર કોંગ્રેસના ઉમેદવાર પારુલબેન એકમાત્ર ચૂંટણી જીત્યા છે. ત્યારે ભાજપને અમદાવાદ જિલ્લા પંચાયત (local election) માં જંગી બહુમતી મળી હોવા છતાં કોંગ્રેસના ઉમેદવારને પ્રમુખ બનાવવો પડે તેવી સ્થિતિ ઉભી થઈ છે. ગણિત એવું બતાવે છે કે, કૉંગ્રેસને અમદાવાદ જિલ્લા પંચાયતમાં માત્ર ચાર બેઠક મળી છે. જોકે, અનામત બેઠક પર કૉંગ્રેસના મહિલા ઉમેદવાર ચૂંટણી જીતી જતા એવી સ્થિતિ ઊભી થશે કે પ્રમુખ પદ પર પણ કૉંગ્રેસ હશે અને વિપક્ષ પર પણ કૉંગ્રેસ હશે. ભાજપ પાસે બહુમત હોવા છતાં કૉંગ્રેસી ઉમેદવાર પારૂબેન પઢાર અઢી વર્ષ માટે જિલ્લા પંચાયત પ્રમુખ રહેશે.  

જોકે, ભાજપ પ્રમુખપદ પોતાના હાથમાંથી ગુમાવવા માંગતુ નથી. તેથી ભાજપે આ માટે માસ્ટર પ્લાન બનાવ્યો છે. જે મુજબ, ભાજપ પોતાની સુરક્ષિત સીટ પર જિલ્લા પંચાયતના ચૂંટાયેલા એક સદસ્યને રાજીનામુ અપાવશે. જેના બાદ આ બેઠક ખાલી પડશે. પછી ખાલી પડેલી બેઠક પર ભાજપ આદિવાસી ઉમેદવારને ચૂંટણી (gujarat election) લડાવશે. આમ, ભાજપ જિલ્લા પંચાયત પર પોતાનો પ્રમુખ ઉભો કરી શકે છે. 

ઉલ્લેખનીય છે કે, ગુજરાતની જિલ્લા પંચાયતની ચૂંટણીઓમાં ભાજપનો જયજયકાર થઈ ગયો છે. ભાજપે તમામ જિલ્લા પંચાયતો કબજે કરી છે. અમદાવાદ જિલ્લા પંચાયતની કુલ 34 બેઠકોમાંથી ભારતીય જનતા પાર્ટીએ કુલ 30 બેઠકો પર જીત મેળવી છે. જ્યારે કૉંગ્રેસ માત્ર 4 બેઠકો પર જીત મેળવી છે. ગુજરાતની 31 જિલ્લા પંચાયત, 231 તાલુકા પંચાયત તથા 81 નગરપાલિકાની સામાન્ય ચૂંટણી રવિવારે યોજાઇ હતી. તમામ 31 જિલ્લામાં ભાજપની જીત થઈ છે. 31માંથી ફક્ત 4 જિલ્લા પંચાયતમાં કૉંગ્રેસ ડબલ ફિગર પર પહોંચી શકી છે.

(6:23 pm IST)
  • મ્યાંમારમાં ભારે હિંસા : 19 પોલીસકર્મી ભાગીને ભારત પહોંચ્યા : માંગ્યું શરણ : આ તમામ મ્યાનમારની સરહદે આવેલા પૂર્વ-પૂર્વ રાજ્ય મિઝોરમના બે જિલ્લા ચંપાઈ અને શેરચિપ થઈને ભારતમાં પ્રવેશ્યા:બધા લોકો નીચલા ક્રમાંકિત પોલીસ અધિકારીઓ : તેઓ ભારતની સરહદ પર આવ્યા ત્યારે તેમની પાસે કોઈ હથિયાર નહોતા access_time 1:13 am IST

  • ભાજપની કેન્દ્રીય ચૂંટણી સમિતિની બેઠક : કેરળ,પુડુચેરી અને તામિલનાડુની સીટ માટે ચર્ચા થશે :પાર્ટી તબક્કાવાર ઉમેદવારોના નામની કરશે જાહેરાત : પશ્ચિમ બંગાળના ઉમેદવારોની યાદી સોમવાર બાદ જાહેર થવા સંભવ :બંગાળ વિધાનસભાના 60 ઉમેદવારોના નામ ફાઇનલ થઇ ચુક્યાનું મનાય છે access_time 12:31 am IST

  • કોંગ્રેસના ધારાસભ્ય કિરીટ પટેલના ભાઇ ડો. કે.સી. પટેલની ધરપકડ : બ્રહ્મસમાજની પત્રીકા વાયરલ થવાના મામલે કોંગ્રેસના ધારાસભ્ય કિરીટ પટેલના ભાઇ ડો. કે.સી. પટેલની ધરપકડ કરાયાનું બિનસત્તાવાર સુત્રોમાંથી જાણવા મળે છે access_time 1:22 pm IST