Gujarati News

Gujarati News

News of Thursday, 4th March 2021

ખેડબ્રહ્મા તાલુકાના પાટડીયા પાથોરા નજીક ખેતરમાં પાણીની ટાંકીમાં 10 ફૂટનો અજગર જોવા મળતા આજુબાજુના લોકોમાં દોડધામ મચી જવા પામી

ખેડબ્રહ્મા:તાલુકાના પાટડીયા પાથોરા ગામે એક ખેડૂતના ખેતરમાં પાણીની ટાંકીમાં ૧૦ ફૂટ લાંબો અજગર નીકળતા ખેડૂત તેમજ આજુબાજુના લોકોમાં ફફડાટ વ્યાપી ગયો હતો અને અજગર અંગે જંગલખાતાના અધિકારીને જાણ કરતા તેઓ સ્થળ ઉપર દોડી આવ્યા હતા અને અજગરને પકડી જંગલમાં છોડયો હતો.

ખેડબ્રહ્મા તાલુકાના પાટડીયા પાથોરા ગામે રહેતા દિલીપભાઈ કોદરભાઈ દાવડાના ખેતરમાં અચાનક તેમના ખેતરમાં ક્યાંકથી ૧૦ ફૂટ લાંબો અજગર આવી ગયો હતો અને ૨૦ ફૂટ ઉંડી કૂંડીમાં ફસાઈ ગયો હતો. આ અજગરને જોઈને ખેતરમાં લોકોએ બુમાબુમ કરી મૂકી હતી. આ અજગર અંગે જંગલખાતાના આરડીએફ રેન્જના જે. પી. ચાવડાના માર્ગદર્શન હેઠળ સ્ટાફ સ્થળ ઉપર પહોંચ્યો હતો અને ભારે જહેમત બાદ ૧૦ ફૂટ લાંબા અજગરને પકડયો હતો અને તેને દૂર જંગલમાં છોડી મૂકવામાં આવ્યો હતો.

(5:09 pm IST)
  • રાજકોટ મેયરની ચૂંટણીની તારીખમાં એકાએક ફેરફાર : હવે ૧૧ને બદલે ૧૨મી માર્ચે યોજાશે ખાસ બોર્ડ : તારીખ નક્કી કરવામાં ઉતાવળ થઈ : મેયરની સાથે જ ડેપ્‍યુટી મેયર અને સ્‍ટેન્‍ડીંગના ૧૨ સભ્‍યોની વરણી પણ થશે : ખાસ બોર્ડ બોલાવવા માટે ૭ દિવસનો સમય જોઈએ જેની ગણતરીમાં તંત્રવાહકે થાપ ખાઈ ગયા હતા : મોડેથી આ બાબત ધ્‍યાનમાં આવતા તારીખ ફેરવાયાનું જાણવા મળ્‍યુ છે access_time 6:11 pm IST

  • જે સીડી પર ચડીને જિંદગીના સૌથી ઉંચા મુકામ પર પહોંચ્યા છીએ શું તેને પાડી દેવી યોગ્ય છેઃ કોંગ્રેસના વરિષ્ઠ નેતા સલમાન ખુર્શીદે જી-૨૩ના નેતાઓને લખ્યો ખીલ્લો પત્ર : પૂછયું કે શું તેઓ પક્ષ બદલવાનો વિચાર કરે છે ? : ખુર્શીદે ઉકત નેતાઓને કહ્યું કે આપણે વર્તમાનમાં યોગ્ય સ્થાન શોધવાની બદલે તેના પર ચિંતન કરવું જોઈએ કે ઇતિહાસ એમને કેવી રીતે યાદ રાખશે access_time 1:21 pm IST

  • સ્વીડનમાં આઠ લોકોને છૂરી હુલાવી દેવાઇ: હુમલો કરનાર ઝડપાઈ ગયો: ત્રાસવાદી હુમલો થયાનું મનાય છે access_time 1:14 am IST