Gujarati News

Gujarati News

News of Thursday, 4th March 2021

વડોદરાના ગોરવા વિસ્તારમાં ઇન્ડસ્ટ્રીઅલ એસ્ટેટને નિશાન બનાવી તસ્કરોએ પાંચ કારખાનામાં હાથફેરો કર્યો:સીસીટીવીના આધારે તપાસ હાથ ધરવામાં આવી

વડોદરા; શહેરના ગોરવા વિસ્તારના ઇન્ડસ્ટ્રિઅલ એસ્ટેટમાં ગઇરાતે ત્રાટકેલા ચોરોએ પાંચ કારખાનામાં હાથફેરો કરતાં  પોલીસે સીસીટીવી ફૂટેજના આધારે તપાસ હાથ ધરી છે.

દેવ ઇન્ડસ્ટ્રિઅલ એસ્ટેટમાં સિટિઝન વેઇંગ સિસ્ટમ નામનું કારખાનું ધરાવતા અમિતભાઇ શાહે પોલીસને કહ્યું હતું કે,આજે સવારે ઓફિસ બોયે કારખાનું ખોલતાં શટર અને ઓફિસના તાળાં તૂટેલા જણાયા હતા અને સામાન વેરવિખેર હતો.

તપાસ કરતાં ચોરો ડ્રોઅરમાંથી રોકડા રૃા.૪૯ હજાર,મોબાઇલ,ટીવી અને કેમેરાનું ડીવાઆર ચોરી ગયા હોવાનું જણાઇ આવ્યું હતું.આ પૈકી ટીવી અને ડીવીઆર થોડે દૂર મળી આવ્યા હતા.

ચોરોએ નજીકની અમિત એન્જિનિયરિંગ, દવે એન્જિ.,હરિહર લાઇન પ્રોડક્ટ અને સેનેટિ લાઇફ સાયન્સ નામની દવા બનાવતી કંપનીમાં પણ ચોરીનો પ્રયાસ કર્યો હતો.પરંતુ ત્યાં તેઓ સફળ થયા નહતા.ગોરવા પોલીસે બનાવની તપાસ હાથ ધરી છે.

(5:08 pm IST)
  • સુપ્રસિદ્ધ યાત્રાધામ પાવાગઢ ખાતેનું રોપ-વે બંધ access_time 11:20 am IST

  • મહારાષ્ટ્રમાં કોરોનાનો કહેર વધતા દેશમાં કોરોનાના કેસ ઝડપથી વધ્યા ::નવા કેસ કરતા રિકવર થનારની ઘટતી સંખ્યા : એક્ટિવ કેસમાં પણ વધારો :રાત્રે 12 વાગ્યા સુધીમાં કોરોનાના નવા 17,425 કેસ નોંધાયા :કુલ કેસની સંખ્યા 1,11,56,748 થઇ :એક્ટિવ કેસ 1,70,443 થયા વધુ 14,071 દર્દીઓ સ્વસ્થ થતા કુલ 1,08,24,233 થયા :વધુ 87 લોકોના મોત સાથે કુલ મૃત્યુઆંક 1,57,471થયા: સૌથી વધુ મહારાષ્ટ્રમાં નવા 9855 નવા કેસ નોંધાયા access_time 1:06 am IST

  • જર્મનીએ કોરોના વાયરસ સામે કાર્યવાહી કરવા માટે દેશમાં વધુ ત્રણ અઠવાડિયા એટલે કે 28 માર્ચ સુધી લોકડાઉન વધારવાનો નિર્ણય લીધો છે. જો કે, આ સમયગાળા દરમિયાન કેટલાક નિયંત્રણો હળવા કરવામાં આવશે. access_time 4:57 pm IST