Gujarati News

Gujarati News

News of Thursday, 4th March 2021

બજેટસત્રનો આજે ચોથો દિવસ છે

નકલી ખેડૂતોને લોકો ઓળખી ગયા છેઃ નીતિનભાઈ પટેલનો કોંગ્રેસને ટોણો

પાણીમાં પુરીઓ તળીને સત્તા પર પહોંચી ગયાઃ કોંગ્રેસ ઉપનેતા શૈલેષ પરમારનો વળતો જવાબ

ગાંધીનગર, તા.૪: વિધાનસભામાં આજે નાયબ મુખ્‍યમંત્રી નિતીન પટેલે કોંગ્રેસ પર એક પછી એક વાર કર્યા. નીતિન પટેલે કિસાન આંદોલન મુદ્દે કોંગ્રેસ પર વાર કરતાં કહ્યુ કે લોકો નકલી ખેડૂતોને ઓળખી ગયા છે.

તો કોંગ્રેસની કારમી હારની પણ નીતિનભાઈએ યાદ અપાવી કહ્યુ હતું કે પ્રજાએ તમને ચાર દિવસ પહેલાં જ પરચો આપ્‍યો છે. તેમણે કહ્યુ કે કોંગ્રેસને દુઃખે છે પેટ અને કૂટે છે માથું.

આ પછી કોંગ્રેસના નેતા શૈલેષ પરમારે પણ કોંગ્રેસ પર કટાક્ષ સહન ન થતાં વળતો પ્રહાર કરતાં કહ્યુ કે તમે પાણીમાં પૂરી તળી-તળીને તમે સત્તા પર પહોંચ્‍યા છો. તેમણે કહ્યુ કે ભાજપના રાજમાં સિંગતેલના ડબ્‍બાના આજે ૨૫૦૦ રૂપિયા પહોંચી ગયા છે.

(4:07 pm IST)
  • બંગાળની બેટીએ સ્વીકાર્યો પડકાર , હવે ભાજપનો વારો: તૃણમૂલ કોંગ્રેસના વરિષ્ઠ નેતા અને મમતા સરકારમાં પંચાયત રાજ પ્રધાન સુબ્રતો મુખરજીએ કહ્યું પશ્ચિમ બંગાળના મુખ્ય પ્રધાન, ટીએમસી નેતા મમતા બેનર્જીએ ભાજપના પડકારને સ્વીકારી 11 માર્ચે નંદીગ્રામથી ચૂંટણી લડશે હવે ભાજપનો વારો છે. બરાબર જ્યારે તે મેદાનમાં આવે : મંત્રીએ કહ્યં કે બંગાળમાં ખોટા ખબરો અને ખોટા તથ્યોની રાજનીતિ નહીં ચાલે access_time 12:22 am IST

  • કોંગ્રેસના ધારાસભ્ય કિરીટ પટેલના ભાઇ ડો. કે.સી. પટેલની ધરપકડ : બ્રહ્મસમાજની પત્રીકા વાયરલ થવાના મામલે કોંગ્રેસના ધારાસભ્ય કિરીટ પટેલના ભાઇ ડો. કે.સી. પટેલની ધરપકડ કરાયાનું બિનસત્તાવાર સુત્રોમાંથી જાણવા મળે છે access_time 1:22 pm IST

  • વડોદરાનાં પાદરામાં આવેલી SBI ની એક બ્રાન્ચમાં મેનેજર સહિત એક સાથે 13 કર્મચારી કોરોના સંક્રમિત મળી આવ્યા છે : આટલી મોટી સંખ્યામાં કર્મચારીઓ કોરોના સંક્રમિત મળી આવતા SBI બ્રાન્ચ બંધ કરાઈ access_time 4:58 pm IST