Gujarati News

Gujarati News

News of Thursday, 4th March 2021

કાલથી કલાત્મક ચીજવસ્તુઓનું ઉત્પાદન કરતા ગ્રામીણ મહિલા સ્વ-સહાય જુથોના ઉત્થાન માટે 'આત્મનિર્ભર મહિલા આત્મનિર્ભર ગામ' અંતર્ગત 'સરસ મેળા'નું આયોજન

અમદાવાદ ખાતે યોજાનાર 'સરસ મેળા'નું કાલે ગ્રામીણ વિકાસ મંત્રી આર.સી.ફળદુના હસ્તે ઉદઘાટન 'સરસ મેળા'માં સમગ્ર દેશના ૫૦ તથા ગુજરાત રાજ્યના ૧૦૦ જેટલા ગ્રામીણ મહિલાજૂથો દ્વારા ઉત્પાદીત કલાત્મક ચીજવસ્તુઓનું દર્શન-સહ-વેચાણ થાય તે પ્રકારની બજાર વ્યવસ્થા પુરી પડાશે : સમગ્ર દેશના રાજ્યોમાંથી વિવિધ પ્રવૃત્તિઓ સાથે સંકળાયેલા ગ્રામીણ મહિલા જુથો 'સરસ મેળા'નો હિસ્સો બનશેઃ બેસ્ટ સ્ટોલ ડેકોરેશન, બેસ્ટ ઇનોવેટીવ પ્રોડકટ અને બેસ્ટ સેલર બેસ્ટ કોવિડ-૧૯ના નિયમોનું ચુસ્તપણે પાલન કરતા અને કરાવતા સ્ટોલ, ડીજીટલ પેમેન્ટન પ્રાધાન્ય આપતા સ્ટોલને પણ પુરસ્કાર અપાશે

રાજકોટ, તા. ૪ :. ભારત સરકારના ગ્રામીણ વિકાસ મંત્રાલય અને ગુજરાત સરકારના ગ્રામ વિકાસ વિભાગના સંયુકત ઉપક્રમે સમગ્ર દેશના વિવિધ રાજ્યોમાંથી કલાત્મક ચીજવસ્તુઓનું ઉત્પાદન કરતા ગ્રામીણ મહિલા સ્વ-સહાય જુથોના ઉત્થાન માટે 'સરસ મેળો-૨૦૨૧'નું ભવ્ય આયોજન કરવામાં આવ્યું છે.

  ગ્રામીણ મહિલા સ્વ-સહાય જુથોને આત્મનિર્ભર બનાવવાના ઉદ્દેશ સાથે અમદાવાદના સાબરમતી રીવરફ્રન્ટ, વલ્લભસદન ખાતે યોજાનાર આ 'સરસ મેળા'નું ઉદઘાટન ગ્રામ વિકાસ મંત્રી શ્રી આર.સી.ફળદુના હસ્તે તા.૦૫મી માર્ચે સાંજે ૦૭.૦૦ કલાકે કરવામાં આવશે.

  દેશના વિવિધ રાજ્યો તથા ગુજરાત રાજ્યના ગ્રામીણ મહિલા સ્વ-સહાય જુથો (સખી મંડળો)ને આત્મનિર્ભર મહિલા આત્મનિર્ભર ગામના સૂત્રને સાર્થક કરવા બજાર વ્યવસ્થા પુરી પાડી તેમના દ્વારા ઉત્પાદીત કરાયેલી કલાત્મક વિવિધ ચીજવસ્તુઓના વેચાણ થકી આવા સ્વ-સહાય જુથોને પ્રોત્સાહિત કરવાના આશયથી આ સરસ મેળાનું આયોજન કરવામાં આવ્યુ છે તેમ, ગુજરાત લાઇવલીહુડ પ્રમોશન  કંપની લી. ના મેનેજીંગ ડિરેકટર શ્રી કે. સી. સંપતે જણાવ્યું છે.

  તા. ૦૫ થી ૧૪ માર્ચ સુધી યોજાનાર આ 'સરસ મેળો-૨૦૨૧' કાર્યક્રમમાં સાંસ્કૃતિક કાર્યક્રમોનું આયોજન પણ કરવામાં આવ્યું છે. તે ઉપરાંત દેશભરના વિવિધ રાજ્યોમાંથી હસ્તકલા,હેન્ડલૂમ,ફુડ પ્રોડકટ સાથે સંકળાયેલા ગ્રામીણ મહિલા જુથો આ સરસ મેળાનો હિસ્સો બનશે અને તેમના દ્વારા તૈયાર કરાયેલી કલાત્મક ચીજવસ્તુઓ મેળામાં વિશેષ આકર્ષણનું કેન્દ્ર બની રહેશે.

  આ પ્રાદેશિક 'સરસ મેળા'માં દેશના વિવિધ રાજ્યોના ૩૦ થી વધુ સ્ટોલ તેમજ ગુજરાતના તમામ જિલ્લાના ૧૨૦ જેટલા સ્ટોલ રજૂ થનાર છે. ગ્રામીણ મહિલાઓના આર્થિક સ્વાવલંબન માટેના આ મેળામાં હરિયાણા, આંધ્રપ્રદેશ, આસામ, પંજાબ, છત્તિસગઢ, તેલંગાણા, રાજસ્થાન, મેઘાલય, મહારાષ્ટ્ર ઉત્તરપ્રદેશ, અને કેરળ સહિતના રાજ્યો ભાગ લેશે. હરિયાણાની હેન્ડીક્રાફટ    ની ચીજવસ્તુઓ,  આસામ અને મેઘાલયની બામ્બુ આર્ટ, તેલગાણાંની પોચમપલ્લી, હેન્ડલૂમ, આંધ્રપ્રદેશની કલમકારી આર્ટ પેઇન્ટીંગ ઉત્તરપ્રદેશની હેન્ડલૂમ બેટશીટસ, કેરલાનું કિચન એગ્રીકલ્ચર પ્રોડકટ, મહારાષ્ટ્રના કોલોપુરી ચંપલ સહિતની ચીજવસ્તુઓના સ્ટોલનો પણ આ મેળામાં સમાવેશ કરાયો છે. તે ઉપરાંત આ મેળામાં બેસ્ટ સ્ટોલ ડેકોરેશન, બેસ્ટ ઇનોવેટીવ પ્રોડકટ અને બેસ્ટ સેલર, બેસ્ટ કોવિડ-૧૯ ના  નિયમોનું ચુસ્તપણે પાલન કરતા અને કરાવતા સ્ટોલ, ડીજીટલ પેમેન્ટને પ્રાધાન્ય આપતા સ્ટોલને પણ પુરસ્કાર આવશે.

 તા.૦૫/૦૩/૨૦૨૧થી  શરૂ થનાર સરસ મેળો ૨૦૨૧માં આંતરાષ્ટ્રીય મહિલા દિન નિમિતે તા.૦૮/૦૩/૨૦૨૧ના  રોજ ખાસ કાર્યક્રમ યોજવામાં આવનાર છે. જેમાં શ્રેષ્ઠ ગામ સંગઠન, શ્રેષ્ઠ સ્વસહાયજૂથ  શ્રેષ્ઠ બેંક સખી તદઉપરાંત વિશિષ્ટ પ્રતિભા સન્માન હેઠળ સ્વસહાયજૂથના મઘીબેન રબારી જાણીતી ગુજરાતી ફિલ્મ 'હેલ્લારો' કોસ્ટયૂમ ડિઝાઇનીંગ કરી શ્રેષ્ઠ સ્વસહાયજૂથ મહિલા તરીકે ગ્રામ વિકાસ વિભાગ તથા  ગુજરાત સરકારનું નામ  રોશન કર્યું છે. તેમ શ્રી કે.સી.સંપતે જણાવ્યું છે.

 આ પ્રસંગે ખાસ ગ્રામ વિકાસ કમિશનર - સચિવ શ્રી વિજય નહેરા તથા જીલ્લા વિકાસ અધિકારીશ્રી, અમદાવાદ તથા ગ્રામ વિકાસ વિભાગના ઉચ્ચ અધિકારીઓ સહિત ગ્રામ્ય સખી સંઘના પ્રમુખ તથા કેબીસી ફેઇમ પાબીબેન રબારી ઉપસ્થિત રહેશે.

(2:48 pm IST)
  • કોંગ્રેસના સ્ટાર પ્રચારકની ભૂમિકામાં આવી પ્રિયંકા : દાદી ઈન્દિરા ગાંધી લોકો સાથે હળીમળી જવામાં માહિર : અસમથી પાંચ રાજ્યોના વિધાનસભાની ચૂંટણી પ્રચારની શરૂઆત કરી : અન્ય રાજ્યોમાં તેમનો કાર્યક્રમ પણ ઘડાઈ છે : કોંગ્રેસના નબળા સમયે અને સતત પાર્ટીના ધોવાણ થતા સાથે કાર્યકરોની પણ નારાજગી વખતે પણ પ્રિયંકામાં જોમ જુસ્સો યથાવત :મુશ્કેલીના સમયે પાર્ટીની ઢાલ બની ઉંભરતી પ્રિયંકાની ખાસિયતમાં દેખાય છે ઇન્દિરા ગાંધીજીની ઝલક access_time 12:32 am IST

  • ટેક્સ બચાવવા વાળા પર સરકારની છે બાજનજર : પકડાઈ જશો તો 10 વર્ષની જેલ અને 300 ટકા દંડ :કાળાનાણાં સામે ઇન્કમટેક્સ વિભાગ કરશે કાર્યવાહી : બ્લેકમની કાયદા હેઠળ 400થી વધુ લોકો સામે કાર્યવાહી કરવા ઇન્કમટેક્સ ડિપાર્ટમેન્ટની તૈયારી access_time 12:24 am IST

  • કેનેડાને મળી મેડ ઇન ઇન્ડિયા કોરોના રસી:વિદેશ પ્રધાને ટ્વિટ કર્યું: ભારતે કોવિડ -19 સામેની લડતમાં સહયોગ આપતા ભારત દ્વારા નિર્મિત કોરોના રસી કેનેડા અને લેસોથોને મોકલી : વિદેશ પ્રધાન એસ જયશંકરે ટ્વિટ કર્યું હતું કે, 'ભારત-નિર્મિત રસી કેનેડામાં પહોંચી છે.' અન્ય એક ટ્વિટમાં વિદેશ પ્રધાને કહ્યું કે લેસોથોને પણ ભારત દ્વારા બનાવવામાં આવેલી રસી મળી access_time 12:21 am IST