Gujarati News

સુરત,તા.૩ : સોશિયલ મીડિયા પર ઘણાં ગાઢ સંબંધ બની જતા હોય છે કે વ્યક્તિએ એક બીજાને જોઈ ના હોય છતાં તેમના પર વિશ્વાસ મૂકવા લાગતા હોય છે. આવામાં કેટલીકવાર આંધળા વિશ્વાસના કારણે વ્યક્તિ ભારે મુશ્કેલી સહન કરવી પડતી હોય છે. આવું જ સુરતમાં બન્યું છે જ્યાં સોશિયલ મીડિયા પર ફ્રેન્ડ બન્યા બાદ છોકરીને વિડીયો કૉલ કરવાનું એક છોકરાને ભારે પડ્યું છે. ઉધનાના ૨૪ વર્ષના એકાઉન્ટન્ટ યુવક સાથે આ ઘટના બની હોવાનું સામે આવી રહ્યું છે. રિપોર્ટ્સ મુજબ એક છોકરી ફેસબૂક પર ફ્રેન્ડ બની હતી અને વાતો-વાતોમાં ઉધનાના એકાઉન્ટન્ટ એના પર એટલો વિશ્વાસ બેસી ગયો કે જાણે તેની સાથે કશું ખોટું નહીં થાય. પરંતુ એક વિડીયો કૉલે યુવકની મુશ્કેલી વધારી દીધી છે. અકાઉન્ટન્ટે પોતાની ભૂલ સમજાતા પોલીસ ફરિયાદ કરી હતી. આ ઘટના ૩ લોકો સામે પોલીસ ફરિયાદ નોંધાઈ છે. વિડીયો કૉલ કરીને નગ્ન થઈ ગયેલી યુવતીએ યુવકને પણ આમ થવા માટે કહ્યું હતું, યુવકે કશું સમજ્યા વગર જેમ કહ્યું તેમ કરવા માડ્યું પણ તેને ખબર નહોતી કે મીઠી-મીઠી વાતો પાછળ કાંડ થઈ રહ્યો છે. અકાઉન્ટન્ટ વિડીયો કૉલ દરમિયાન નગ્ન થયો હતો તેને વિડીયો ઉતારી લેવામાં આવ્યો હતો. જે પછી આ વિડીયો યુવકને મોકલીને ધમકી આપીને રુપિયાની માગણી શરુ કરી હતી. મળતી વિગતો પ્રમાણે ૧૭ જાન્યુઆરીએ ફેસબૂક પર અંજલી શર્મા નામની યુવતીએ યુવક સાથે મિત્રતા કર્યા બાદ બન્ને એક બીજાના ફોન નંબર મેળવી લીધા હતા. પછી ૧૮મી તારીખે બન્ને વિડીયો કૉલ પર નગ્ન થયા હતા અને આ દરમિયાન યુવકને ખબર નહોતી પણ તેનો અશ્લિલ વિડીયો ઉતારી લેવામાં આવ્યો હતો. આ વિડીયો સોશિયલ મીડિયા પર પોસ્ટ કરીને બદનામ કરવાની ધમકી મળતા યુવકે આ બધાથી બચવા માટે ૩૦,૦૦૦ કરતા વધુ રુપિયા આપ્યા હતા. જોકે, આખરે પોતે છેતરપિંડીનો ભોગ બન્યાનો અહેસાસ થતા અકાઉન્ટન્ટે અંજલી શર્મા સહિત ત્રણ સામે ગુનો નોંધાવ્યો છે. સોશિયલ મીડિયા પર કશું સમજ્યા વગર ઉતાવળ કરનારા અને ખોટું પગલું ભરનારા લોકો માટે આ લાલ બત્તી સમાન કેસ છે. આ પહેલા પણ આવા કેસો સામે આવ્યા છે છતાં ખોટી લાગણીમાં આવી ગયેલા લોકોને અંતમાં નુકસાન ભોગવવું પડે છે.