Gujarati News

Gujarati News

News of Thursday, 4th March 2021

ગુજરાતમાં દરરોજ 46 બાળમૃત્યુ : છેલ્લા બે વર્ષમાં 32.885 શિશુના મોત : બનાસકાંઠામાં સૌથી વધુ

રાજ્યમાં વર્ષ 2019માં 17,453 અને વર્ષ 2020માં 15432 બાળ મૃત્યુ થયા

અમદાવાદ : અન્ય રાજ્યોમાં બાળકોના મોત મામલે સવાલ ઉઠાવતી ગુજરાત સરકાર ખુદ સવાલોના ઘેરામાં આવી ગઇ છે. ગુજરાત વિધાનસભામાં બજેટ સત્ર દરમિયાન કોંગ્રેસના ધારાસભ્ય દ્વારા રાજ્યમાં બાળમૃત્યુ અંગે સવાલ પૂછવામાં આવ્યો હતો, જેમાં સરકારે રજૂ કરેલા આંકડામાં ચોકાવનારો ખુલાસો થયો છે. રાજ્યમાં 2 વર્ષમાં 32 હજાર, 885 બાળકોના મોત થયા છે, એટલે કે દરરોજ 46 લોકોના બાળમૃત્યુ થયા છે.

  બનાસકાંઠામાં બે વર્ષ 2019-20માં સૌથી વધુ બાળકોએ પોતાનો જીવ ગુમાવ્યો છે. 2019માં બનાસકાંઠામાં 1370 બાળકોના મોત થયા હતા જ્યારે 2020માં 1290 બાળકોના મોત થયા છે. 2019માં દાહોદ જિલ્લામાં પણ 1105 બાળકોના મોત થયા હતા. જોકે, 2020માં આ રેશિયો ઘટ્યો હતો અને 440 બાળકોના મોત થયા હતા. કચ્છમાં પણ સૌથી વધુ બે વર્ષમાં 1803 બાળકોએ પોતાનો જીવ ગુમાવ્યો છે

  સુરતમાં બે વર્ષમાં સૌથી વધુ 99 બાળકોના મોત થયા છે. ભરૂચમાં 44, અમરેલીમાં 23, બોટાદમાં 16, પોરબંદરમાં 12 બાળકોના મોત થયા છે. ગુજરાતમાં બે વર્ષમાં રાજ્ય બહારના 231 બાળકોના મોત થયા છે.

  રાજ્યમાં વર્ષ 2019માં 17,453 અને વર્ષ 2020માં 15432 બાળ મૃત્યુની ઘટનાઓ બની છે. એટલે કે વર્ષ 2018માં સરેરાશ 48 અને 2020માં સરેરાશ 42 જેટલા કુમળા બાળકોના મોત થયા છે. રાજ્ય સરકાર દાવા કરે છે કે બહારના રાજ્યોના બાળકો મોટી સંખ્યામાં સારવાર લેવા આવતા હોવાથી આ મૃત્યુના દર વધુ છે પરંતુ બે વર્ષમાં માત્ર બહારના રાજ્યોના બાળકોના માત્ર 231 મૃત્યુ નોંધાયેલા છે.

(7:53 pm IST)
  • સ્વીડનમાં આઠ લોકોને છૂરી હુલાવી દેવાઇ: હુમલો કરનાર ઝડપાઈ ગયો: ત્રાસવાદી હુમલો થયાનું મનાય છે access_time 1:14 am IST

  • કોંગ્રેસના સ્ટાર પ્રચારકની ભૂમિકામાં આવી પ્રિયંકા : દાદી ઈન્દિરા ગાંધી લોકો સાથે હળીમળી જવામાં માહિર : અસમથી પાંચ રાજ્યોના વિધાનસભાની ચૂંટણી પ્રચારની શરૂઆત કરી : અન્ય રાજ્યોમાં તેમનો કાર્યક્રમ પણ ઘડાઈ છે : કોંગ્રેસના નબળા સમયે અને સતત પાર્ટીના ધોવાણ થતા સાથે કાર્યકરોની પણ નારાજગી વખતે પણ પ્રિયંકામાં જોમ જુસ્સો યથાવત :મુશ્કેલીના સમયે પાર્ટીની ઢાલ બની ઉંભરતી પ્રિયંકાની ખાસિયતમાં દેખાય છે ઇન્દિરા ગાંધીજીની ઝલક access_time 12:32 am IST

  • કોરોના પ્રોટોકોલ તોડીને વૈષવોદેવીની યાત્રાએ ગયા પોઝીટીવ દર્દી : ફરિયાદ દાખલ :હોમ આઇસોલેશનમાં રખાયેલા કોરોના દર્દીઓ વૈષ્ણો દેવીની યાત્રાએ પહોંચ્યા :આરોગ્ય વિભાગે ત્રણ લોકો સામે ગુનો નોંધ્યો: સદર કોટવાલી ક્ષેત્રનો શ્રીપાલ બિહાર કોલોનીસ્કૂલની છોકરીનો રિપોર્ટ પોઝિટિવ આવ્યો:તેના માતા-પિતાની પણ તપાસ કરતા તેઓને પણ ચેપ લાગ્યો હતો: આરોગ્ય વિભાગે પરિવારને એકાંત રહેવાની સલાહ આપી હતી. પરંતુ યુવતીના માતા-પિતા વૈષ્ણો દેવીની યાત્રાએ નીકળ્યા હતા access_time 1:03 am IST