Gujarati News

Gujarati News

News of Thursday, 4th January 2018

નહેરુનગર પાસે હિટ એન્ડ રન : કારે રિક્ષાને ટક્કર મારતા રીક્ષા ચાલકને ગંભીર ઈજાઓ

અમદાવાદ શહેરના:નહેરુનગર ચાર રસ્તા પાસે આજે વહેલી પરોઢિયે હિટ એન્ડ રનની ઘટના બની હતી. અજાણ્યો કારચાલક રિક્ષાને ટક્કર મારી ફરાર થઇ ગયો હતો. અકસ્માતમાં રિક્ષાચાલકને ગંભીર ઈજાઓ થતા સારવાર માટે હોસ્પિટલ ખસેડવામાં આવ્યો છે. ઘટનાની જાણ કરતાં પોલીસ દોડી આવી હતી. પોલીસે આ અંગે અજાણ્યા કારચાલક વિરુદ્ધ કાર્યવાહી શરૂ કરી છે.

નહેરુનગર ચાર રસ્તા પાસેથી આજે વહેલી સવારે ચારેક વાગ્યાની આસપાસ અંબાલાલ કલાલ નામની વ્યક્તિ પોતાની રિક્ષા લઇ અને પસાર થઇ રહ્યા હતા. દરમ્યાનમાં પુરપાટ ઝડપે એક કાળા કલરની કાર આવી હતી અને અંબાલાલની રિક્ષાને જોરદાર ટક્કર મારી હતી. ટક્કર વાગતાં રિક્ષા પલટી ગઈ હતી. અંબાલાલને માથાના ભાગે ગંભીર ઈજાઓ પહોંચી હતી. અકસ્માત બાદ કારચાલક ત્યાંથી નાસી ગયો હતો.

અકસ્માત થતાં લોકોનાં ટોળાં ઘટનાસ્થળે ભેગાં થઇ ગયાં હતાં. ગંભીર રીતે ઈજાગ્રસ્ત અંબાલાલને સારવાર માટે હોસ્પિટલ ખસેડવામાં આવ્યા હતા. ઘટનાની જાણ પોલીસને કરાતાં પોલીસે તાત્કાલિક દોડી આવી હતી. પોલીસે હાલ અજાણ્યા કારચાલક વિરુદ્ધ કાયદેસરની કાર્યવાહી શરૂ કરી છે.

(3:56 pm IST)
  • દિલ્હીના રોહિણી વિસ્તારમાંથી 1 કરોડના ડ્રગ્સ સાથે 1 શખ્શની કરાઈ ધરપકડ. access_time 10:53 am IST

  • બ્રિટનમાં એલીનોર તોફાન : 160ની ઝડપે પવન ફૂંકાયો : 40 ફૂટ ઊંચા મોજાં ઉછળ્યાં access_time 8:44 am IST

  • મહારાષ્ટ્રમાં તોફાનોની અસર શાંત થતા ડાંગ એસટી તંત્ર દ્વારા એસટી બસની સુવિધા પુર્વવતઃ સાપુતારાથી નાસીક-શિરડી જતી બસોને લીલીઝંડી access_time 5:29 pm IST