Gujarati News

Gujarati News

News of Thursday, 4th January 2018

સાસરિયાના ત્રાસથી કંટાળી નડિયાદની પરિણીતાએ આપઘાતનો પ્રયાસ કર્યો

નડિયાદ:શહેરના પશ્ચિમમાં રહેતી પરિણીતાએ સાસરીયાઓના ત્રાસથી કંટાળી ફીનાઈલ પી આપઘાતનો પ્રયાસ કર્યો હતો. આ બનાવ અંગે સાસરીયા સામે ફરિયાદ નોંધાવવામાં આવી છે.

 


પોલીસ સૂત્રોમાંથી મળેલ વિગત મુજબ નડિયાદ પશ્ચિમમાં શીવકૃપા સોસાયટીમાં રહેતા બિપીનભાઈ લાલજીભાઈ રાવળના લગ્ન ૭ વર્ષ પહેલાં નિલમબેન સાથે થયા હતા. લગ્ન થયાને ઘણો જ સમય વિત્યો છતાં નિલમબેનને તેની સાસું પ્રવિણાબેન તથા તેનો દિયર અજયભાઈ રાવળ અવાર-નવાર નજીવી બાબતે ઝઘડો કરી શારીરિક માનસિક ત્રાસ ગુજારતા હતા. એટલું જ નહીં પરિણીતા પર વોચ રાખી અજયભાઈ રાવળે નિલમબેન ને કહેલ કે ખાનગીમાં છૂપી રીતે કેમ ખાય છે તેમ કહી મહેણાંટોણાં માર્યા હતા. જેથી નિલમબેનને લાગી આવતા ફીનાઈલની ગોળીઓ તથા ઉધઈ મારવાની દવા પી જઈ આપઘાતનો પ્રયાસ કર્યો હતો. આ બનાવ અંગે પરિણીતાએ સાસુ અને દિયર સામે ત્રાસ ગુજાર્યાની ફરિયાદ નોંધાવી છે. આ બનાવ અંગે નિલમબેન બીપિનભાઈ રાવળની ફરિયાદ આધારે નડિયાદ પશ્ચિમ પોલીસે પ્રવિણાબેન લાલજીભાઈ રાવળ તથા અજયભાઈ લાલજીભાઈ રાવળ સામે ગુનો નોંધી કાયદેસર કાર્યવાહી હાથ ધરી છે.

 

(3:56 pm IST)
  • વિદેશ પ્રધાન સુષ્મા સ્વરાજે જણાવ્યું હતું કે ભારત સંયુક્ત રાષ્ટ્ર (યુએન)માં હિન્દી ભાષાને અધિકૃત ભાષાનો દરજ્જો દેવડાવવા માટે જરૂરી ખર્ચ કરવા તૈયાર છે, પરંતુ તેમાં યુએનના નિયમો અવરોધરૂપ છે. વાસ્તવમાં, યુએનમાં સત્તાવાર દરજ્જો દેવડાવવા માટે 193 દેશોમાં 129 દેશોનું સમર્થન જરૂરી છે. access_time 10:12 am IST

  • દિલ્હીના રોહિણી વિસ્તારમાંથી 1 કરોડના ડ્રગ્સ સાથે 1 શખ્શની કરાઈ ધરપકડ. access_time 10:53 am IST

  • બિહારના સમસ્તીપુર શહેરના ગોલા રોડ પરની યુકો બેન્કમાંથી ૮ સશસ્ત્ર લૂંટારૂઓએ 52 લાખ રૂપિયાની લૂંટ ચલાવી નાસી છુટ્યા : પોલીસે ઘટના સ્થળે પહુચીને તપાસ શરુ કરી : તમામ લૂંટારૂઓ સવારે 10-15 વાગ્યે બાઈક પર બેંકમાં પહોચ્યા હતા. access_time 3:51 pm IST