Gujarati News

Gujarati News

News of Thursday, 4th January 2018

ગાંધીનગરમાં લુખ્ખા તત્વોનો આતંક: સ્કૂટર પર ગઠિયા નોકરિયાતને ધમકાવી લૂંટ ચલાવી ફરાર થઇ જતા ફરિયાદ

ગાંધીનગર:રાજ્યના પાટનગરમાં વસવાટ કરતાં રહિશો પણ અસુરક્ષિત બન્યા હોય તેમ છેલ્લા ઘણા સમયથી અસામાજિક તત્વોનો આતંક વધી જવા પામ્યો છે. ત્યારે પથિકાશ્રમ સર્કલથી સેક્ટર-૬/૭ બસ સ્ટેન્ડ વચ્ચેના માર્ગ ઉપર પસાર થતાં નોકરીયાતને સ્કુટર ઉપર આવેલાં બે શખ્સોએ ગાળાગાળી કરીને રોકડ રૂપિયા લૂંટીને ફરાર થઇ ગયાં હતાં.

 


ગાંધીનગરને રાજ્યનું સૌથી સુરક્ષિત શહેર માનવામાં આવી રહ્યું છે ત્યારે છેલ્લા ઘણા સમયથી શહેરમાં પણ અસામાજીક તત્વો બેફામ બન્યા હોય તેમ માર્ગો ઉપર પસાર થતી મહિલાઓ તેમજ યુવતિઓની છેડતી કરી રહ્યાં છે તો રાત્રીના સમયે પસાર થતાં નગરજનોને પણ ધમકાવીને રોકડ રૂપિયાની લુંટ ચલાવી રહ્યાં છે. ત્યારે તાજેતરમાં જ પથિકાશ્રમથી ઘ-૨ તરફ જવાના માર્ગ ઉપર પસાર થતાં સેક્ટર-૭ના રહિશ કે જેવો સેક્ટર-૨૫ જીઆઇડીસીની કંપનીમાંથી ફરજ પુર્ણ કરીને ઘરે જઇ રહ્યાં હતાં. ત્યારે સ્કુટર ઉપર આવેલા બે શખ્સોએ આ રહિશને આંતર્યા હતા અને ગાળાગાળી કરીને તેમનો મોબાઇલ ઝુંટવ્યો હતો પરંતુ તેમાં સફળ ન થતાં તેમને પાકીટમાં રહેલાં રોકડ રકમ લઇને સેક્ટર-૬ તરફ ફરાર થઇ ગયા હતા. જે અંગે આ રહિશે રાત્રીના સમયે ફરિયાદ નોંધાવા પોલીસ સ્ટેશન પણ પહોંચ્યા હતા પરંતુ ત્યાં પણ યોગ્ય પ્રત્યુત્તર નહીં મળતાં સવારે તેમને અજાણ્યા શખ્સો વિરૂદ્ધ ફરિયાદ નોંધાવી છે. આમ પાટનગરમાં પણ દિનપ્રતિદિન ગુંડાગીરીનો ત્રાસ વધતો જતો હોય તેમ નગરજનો પણ અસુરક્ષિત થઇ રહ્યાં છે.

(3:56 pm IST)
  • બિહારના સમસ્તીપુર શહેરના ગોલા રોડ પરની યુકો બેન્કમાંથી ૮ સશસ્ત્ર લૂંટારૂઓએ 52 લાખ રૂપિયાની લૂંટ ચલાવી નાસી છુટ્યા : પોલીસે ઘટના સ્થળે પહુચીને તપાસ શરુ કરી : તમામ લૂંટારૂઓ સવારે 10-15 વાગ્યે બાઈક પર બેંકમાં પહોચ્યા હતા. access_time 3:51 pm IST

  • લખતર-અમદાવાદ હાઇવે પર વિઠલાપરા ગામ પાસે સુરેન્દ્રનગર તરફથી આવી રહેલ ટ્રક નં. આરજે રર જીએ ૦૭૭૧ની સાઇડ કાપીને આગળ જવા નિકળવાનો પ્રયાસ કરી રહેલ બાઇક ચાલક લીંબડી તાલુકાના જાળીયાણ ગામના વાલજીભાઇ અરજણભાઇ કોળી સામેથી વાહન આવતા બાઇક ઉપરથી પડી જવાથી ટ્રકના વ્હીલ નીચે આવી જતા મોત નિપજયું છે access_time 5:28 pm IST

  • જાપાનના બોનિન ટાપુ પાસે આવ્યો ૫.૪ની તીવ્રતાનો ભૂકંપ access_time 10:42 am IST