Gujarati News

વડોદરા:શહેરના ફતેપુરા વિસ્તારમાં આવેલ ખારી તલાવડી પાસે રહેતા સુનિલ ભાઈ ઉપાધ્યાય નજીકમાં આવેલ વીમા દવાખાનાની બાજુમાં નાસ્તાની લારી ચલાવી વેપાર કરે છે. 19મી નવેમ્બરના રોજ તેઓ પરિવાર સાથે ઉત્તર પ્રદેશ લગ્ન પ્રસંગમાં હાજરી આપવા ગયા હતા. 28મી નવેમ્બરના રોજ પાડોશમાં રહેતા તેમના ભત્રીજાને જાણ થઈ હતી કે કાકા સુનિલ ભાઈના ઘરે ચોરી થઈ છે. 

તપાસ કરતા જાણવા મળ્યું હતું કે મકાનના લાકડાના મુખ્ય દરવાજાને  ફ્રેમ સાથે તોડી ઘરમાં પ્રવેશેલો અજાણ્યો તસ્કર ઘરનો સામાન વેરવિખેર કરી લોખંડની પેટીનું તાળું તોડી તેમાં રહેલા સોનાની ચેન,  કાનના ઝુમ્મર , ચાંદીની ઝાંઝરી , કંદોરો, છોકરાના હાથના કડા ,વીટી, મણકાવાળી કંઠી સહીત 52,500 ની મતા ચોરી રફુચક્કર થઇ ગયો હતો. બનાવ સંદર્ભે વારસિયા પોલીસે અજાણ્યા તસ્કરને ઝડપી પાડવાના ચક્રો ગતિમાન કર્યા હતા.