Gujarati News

Gujarati News

News of Thursday, 3rd December 2020

૧૫ ડિસેમ્બરે નરેન્દ્રભાઈ કચ્છની મુલાકાતે આવશે : વિજયભાઈ

ગુજરાતના મુખ્યમંત્રી વિજયભાઈ રૂપાણીએ આજે પત્રકારોને જણાવ્યુ હતું કે વડાપ્રધાન નરેન્દ્રભાઇ મોદી ૧૫ ડિસેમ્બરે ગુજરાતની મુલાકાતે આવી રહ્યું છે : તેઓ કચ્છ ખાતે વિશ્વના સૌથી મોટા રીન્યુએબલ એનર્જી પાર્કનો કચ્છના રણ ખાતે શિલાન્યાસ કરશે : ઉપરાંત માંડવી ખાતે ડીસેલીનેશન પ્લાન્ટનું (દરિયાના ખારા પાણીમાંથી મીઠુ પાણી બનાવવું) પણ ખાતમુહૂર્ત કરશે : આ પહેલા ૧૨ નવે. મુખ્યમંત્રીશ્રીએ કચ્છની વિઝીટ વખતે કહ્યું હતું કે વડાપ્રધાન શ્રી નરેન્દ્રભાઈ મોદી કચ્છ ખાતેના વિશ્વના સૌથી મોટા ૩૦ હજાર મેગા વોટ અને સોલાર અને વિન્ડ રીન્યુએબલ એનર્જી પાર્કનો શિલાન્યાસ કરશે : આ સુચિત પાર્ક માટેની તમામ તૈયારીઓ પૂર્ણ થયાનું વિજયભાઈએ જણાવેલ : આ પહેલાના અહેવાલો મુજબ શ્રી નરેન્દ્રભાઈ ૧૪ અને ૧૫ બે દિવસ કચ્છની મુલાકાતે આવી રહ્યું છે અને કચ્છના ધોરડો ખાતે તેઓ રાત્રી રોકાણ કરે તેવી પૂરી સંભાવના છે.

(4:03 pm IST)
  • શેર બજારના પ્રારંભે ઉછાળો : શેરબજારના પ્રારંભે ૧૭૬ પોઈન્ટનો ઊછાળો આવ્યો અને ૪૪,૭૯૪ ઉપર આંક પહોંચ્યો : જયારે નિફ્ટી ૫૯ પોઈન્ટના વધારા સાથે ૧૩,૧૭૨ ના આકે પહોંચી. access_time 11:22 am IST

  • રાજકોટની સરકારી પદ્મકુંવરબા હોસ્પિટલને ફાયર સેફટીની નોટીસ આપવામાં આવી : ચેકીંગ કરાતા માલૂમ પડ્યું કે ફિઝીયોથેરાપી વિભાગમાં ફાયર સેફટીના સાધનો જ નહોતા. રાજકોટની ખાનગી કોવિડ હોસ્પિટલમાં વિનાશક આગ બાદ રાજકોટ મ્યુનિસિપલ કોર્પોરેશનના અધિકારીઓ એકસનમાં આવ્યા છે. અને ૧૫ હોસ્પિટલમાં નોટિસ નોટિસ ફટકારી છે. access_time 1:54 pm IST

  • અત્યારે મોડી રાત્રે બુરેવી વાવાઝોડું તોફાની પવન સાથે શ્રીલંકાના સાગર કાંઠા ઉપર ત્રાટકી ચૂક્યું છે અને હવે ભારતના તામિલનાડુના દરિયાકાંઠાથી પસાર થશે વિગતોની રાહ જોવાઈ ગઈ છે access_time 12:13 am IST