Gujarati News

Gujarati News

News of Thursday, 3rd December 2020

રિંગાપાદર ગામની પ્રા. શાળામાં શિક્ષકની ખાલી જગ્યા ભરવા ગ્રામજનોએ આપ્યું શિક્ષણાધિકારીને આવેદન

(ભરત શાહ દ્વારા)રાજપીપળા : નમૅદા જિલ્લાના ડેડીયાપાડા તાલુકાના ઉંડાણ વિસ્તારમાં આવેલા રીગા પાદર ગામની ધોરણ ૧ થી ૫ સુધીની પ્રાથમિક શાળામાં છેલ્લા ચાર વર્ષથી એકજ શિક્ષક દ્વારા શિક્ષણ કાર્ય ચલાવામા આવી રહ્યું છે એક જ શિક્ષક હોવાથી બાળકોને યોગ્ય શિક્ષણ ન મળતું ન હોય એ બાબતે ગ્રામજનોએ આજે નર્મદા જિલ્લા પ્રા.શિક્ષણાધિકારીને આવેદનપત્ર આપ્યું હતું.
મુખ્યમંત્રી રાજ્યપાલ શિક્ષણ મંત્રી કલેક્ટરને સંબોધીને જિલ્લા પ્રાથમિક શિક્ષણાધિકારી નમૅદાને આવેદનપત્ર આપી જણાવ્યું હતું કે છેલ્લા ચાર વર્ષથી રિંગાપાદર ગામની પ્રા. શાળામાં એક શિક્ષકની જગ્યા ખાલી છે.માટે આ જગ્યા વહેલિતકે પુરી બાળકોના શિક્ષણ બાબતે યોગ્ય કાર્યવાહી કરી નિમણુંક કરવા માગણી કરાઈ છે.
 આ અંગે જિલ્લા પ્રાથમિક શિક્ષણાધિકારી જે.એમ પટેલનો ટેલીફોનિક સંપર્ક કરતાં તેઓએ જણાવ્યું કે રીગાપાદર ગામના લોકોની રજુઆતને ધ્યાને લઈ  ૪ ડીસેમ્બરે ડેડીયાપાડા ખાતે યોજાનાર વધ-ધટ કેમ્પમાં  શિક્ષકની ખાલી જગ્યા ભરીને શિક્ષકની નિમણુંક કરી શાળામાં ફાળવણી કરી દેવામાં આવશે.

(11:59 pm IST)
  • વિશ્વભરમાં બનાવટી કોરોના વેક્સીનના વેચાણનું ષડયંત્ર : ઈન્ટરપોલે વિશ્વભરના દેશોને ચેતવણી આપી છે કે ક્રિમીનલ નેટવર્ક ઈન્ટરનેટ દ્વારા અને બજારોમાં બનાવટી કોરોના વેક્સીનનું વેચાણ કરવા પ્રયાસો કરી રહી છે જેની સામે સૌ સાવધ રહે access_time 4:05 pm IST

  • બાંધકામ માટે ઓનલાઇન મંજૂરી સેવાનો પ્રારંભ કરાવતા વિજયભાઈ : મુખ્યમંત્રી વિજયભાઈ રૂપાણીએ ઓનલાઇન મંજૂરી સીસ્ટમ્સનો પ્રારંભ કરાવ્યો છે. રાજયમાં બાંધકામ માટે હવે ઓનલાઇન મંજૂરી મળશે. ઓનલાઇન ડેવલપમેન્ટ પરમીશન સીસ્ટમ ૨.૦ શરુ કરવામાં આવી છે. access_time 1:55 pm IST

  • દેશનું સર્વશ્રેષ્ઠ પોલીસ સ્ટેશન મણીપુરમાં આવ્યુ છે : દેશના સર્વશ્રેષ્ઠ ૧૦ પોલીસ સ્ટેશનોના કેન્દ્ર સરકારે નામો જાહેર કર્યા છે : મણીપુરનું ‘નોîગકોક સેકમાઈ’ સૌથી પ્રથમ નંબરે આવે છે જયારે તામિલનાડુનું એડબલ્યુપીએસ - સુરમંગલમ બીજા નંબરે અને અરૂણાચલપ્રદેશનું ખારસંગ પોલીસ સ્ટેશન ત્રીજા નંબરે આવે છે. access_time 4:05 pm IST