Gujarati News

Gujarati News

News of Tuesday, 3rd December 2019

સુરતમાં ટેન્કર મારફતે ડ્રેનેજમાં ઝેરી કેમિકલ ઠાલવાનું કારસ્તાન : સ્થાનિકોએ રેકેટ ઝડપ્યું

જીપીસીબીને કરાતા અધિકારીઓ ઘટના સ્થળે દોડી આવ્યા

સુરત : સુરતના સચિન વિસ્તારમાં આવેલી ઉમિદ નગર પાસે વહેલી સવારે ઝેરી કેમિકલ ડ્રેનેજ મારફતે ઠલવાઇ રહ્યું હતું. ત્યારે સ્થાનિકોએ આ રેકેટને ઝડપી પાડયું હતું. આ બનાવમાં ટેન્કર ચાલક ભાગી છૂટ્યો હતો. ઝેરી કેમિકલનું રેકેટ ચલાવવામાં આવતું હોવાની  જાણ જીપીસીબીને કરાતા અધિકારીઓ ઘટના સ્થળે દોડી આવ્યા હતા.

   તપાસમાં આ કેમિકલ માનવીનો જીવ લઇ શકે એટલું ઝેરી હોવાનું બહાર આવ્યુ છે  હાલ તો આ કેમિકલ વાપી અને અંકલેશ્વરથી સુરત ઠલવાતું હોવાની આશંકા સેવાઇ રહી છે. હાલ પોલીસે ટેન્કર કબ્જે લઈ નંબરના આધારે ડ્રાઇવરની શોધખોળ હાથ ધરી છે. જો આ ઘટનામાં યોગ્ય અને કડક તપાસ કરવામાં આવે તો મોટા માથાઓના નામ બહાર આવે તેવી શક્યતા છે.

(8:18 pm IST)
  • મહારાષ્ટ્રમાં ભાજપના પંકજા મુંડે,વિનોદ તાવડે સાથે 39 ધારાસભ્યો સંભવિત બળવાખોર તરીકે શંકાના દાયરામાં : ભેદી રાજકીય હિલચાલ શરૂ access_time 10:51 pm IST

  • હૈદરાબાદ ગેંગ રેપ : બળાત્કારીઓને જ્યાં સુધી ફાંસીની સજા નહીં થાય ત્યાં સુધી આમરણાંત ઉપવાસ કરીશ : દિલ્હી મહિલા આયોગ અધ્યક્ષ સ્વાતિ માલીવાલનો વડાપ્રધાનને પત્ર access_time 12:29 pm IST

  • વિજયભાઈ રૂપાણીના ભત્રીજા અને ભત્રીજા વહુને બગોદરા પાસે અકસ્માત : બંને હેમખેમ : ઝાયડ્સ હોસ્પિટલમાં એક દિવસ દેખરેખ હેઠળ રાખેલ છે : આજે બપોરે મુખ્યમંત્રી શ્રી વિજયભાઈ રૂપાણીના સગા ભત્રીજા શ્રી અમિનેષ રૂપાણી અને તેમના પત્નિ શ્રીમતી વિમી રૂપાણીને બગોદરા પાસે અકસ્માત નડ્યો હતો. સામેની સાઇડેથી ગમે તે કારણોસર કોઈ મોટર અમિનેષના મોટરની દિશામાં આવી ટકરાતા અમિનેષને અને તેના પત્નિ બંનેને તાત્કાલીક અમદાવાદ સાવચેતીરૂપે લઈ જવામાં આવેલ. ઝાયડ્સ હોસ્પિટલમાં સીટી સ્કેન અને બધી જ તપાસ કરતા સંપૂર્ણ નોર્મલ અને ભયમુકત હોવાનું જાણવા મળે છે, આમ છતા તેમને એક દિવસ ઓબ્ઝર્વેશનમાં રાખવામાં આવ્યા છે. અમિનેષ અને વિમીબેનની તબિયત સારી છે. બંને ભયમુકત છે. access_time 3:56 pm IST