Gujarati News

Gujarati News

News of Tuesday, 3rd December 2019

વિશ્વ વિકલાંગ દિવસે વિરમગામમાં વિકલાંગોએ વિવિધ માંગણીઓને લઇને મામલતદારને આવેદનપત્ર પાઠવ્યુ

( વંદના નીલકંઠ વાસુકિયા દ્વારા ) વિરમગામ: ૩ ડિસેમ્બર વિશ્વ વિકલાંગ દિવસે વિરાટ સાર્વજનિક વિકલાંગ ટ્રસ્ટ,વિરમગામ અને વિકલાંગ ભાઈઓ બહેનો દ્વારા તાલુકા સેવા સદન ખાતે મામલતદારને  આવેદનપત્ર પાઠવવામાંઆવ્યું હતુ.

              વિરાટ સાર્વજનિક વિકલાંગ ટ્રસ્ટ વિરમગામ દ્વારા આયોજિત વિશ્વ વિકલાંગ દિવસ નિમિત્તે વિરમગામ તાલુકા સેવા સદન ખાતે ભેગા થઈ મામલતદારને આવેદનપત્ર પાઠવ્યું હતું. જેમાં 40% દિવ્યાંગતા ધરાવનારને પણ પેન્શન મળે, દિવ્યાંગ પેન્શન માં પાંચ હજારનો વધારો કરવામાં આવે, બીપીએલ વ્યાખ્યામાંથી દિવ્યાંગોને મુક્તિ આપવામાં આપવામાં આવે, દિવ્યાંગોને અંત્યોદય યોજના થકી મળવાપાત્ર લાભ મળે, દિવ્યાંગો માટે આવાસ યોજના તાલુકા મથકેથી પ્રાપ્ત થાય, સરકારી તથા પ્રાઇવેટ કંપનીઓમાં દિવ્યાંગોને નોકરીનો લાભ મળે સહિતની વિવિધ માંગણીઓ કરવામાં આવી હતી.

(7:13 pm IST)
  • મમતા બેનરજી વિધાનસભાને જણાવ્યું હતું કે પશ્ચિમ બંગાળમાં ડેબ્યુથી ૪૪ હજાર લોકોને અસર થઇ છે:તેમણે કહેલ કે વિપક્ષ આ પ્રશ્ન રાજકીય સ્વરુપ આપી રહ્યા છે અને જાણે સરકારે ડેંગ્યુના લાર્વા પેદા કર્યા હોય તેવો માહોલ સર્જી રહ્યું છે. access_time 12:51 am IST

  • મહારાષ્ટ્રમાં ભાજપના પંકજા મુંડે,વિનોદ તાવડે સાથે 39 ધારાસભ્યો સંભવિત બળવાખોર તરીકે શંકાના દાયરામાં : ભેદી રાજકીય હિલચાલ શરૂ access_time 10:51 pm IST

  • વિજયભાઈ રૂપાણીના ભત્રીજા અને ભત્રીજા વહુને બગોદરા પાસે અકસ્માત : બંને હેમખેમ : ઝાયડ્સ હોસ્પિટલમાં એક દિવસ દેખરેખ હેઠળ રાખેલ છે : આજે બપોરે મુખ્યમંત્રી શ્રી વિજયભાઈ રૂપાણીના સગા ભત્રીજા શ્રી અમિનેષ રૂપાણી અને તેમના પત્નિ શ્રીમતી વિમી રૂપાણીને બગોદરા પાસે અકસ્માત નડ્યો હતો. સામેની સાઇડેથી ગમે તે કારણોસર કોઈ મોટર અમિનેષના મોટરની દિશામાં આવી ટકરાતા અમિનેષને અને તેના પત્નિ બંનેને તાત્કાલીક અમદાવાદ સાવચેતીરૂપે લઈ જવામાં આવેલ. ઝાયડ્સ હોસ્પિટલમાં સીટી સ્કેન અને બધી જ તપાસ કરતા સંપૂર્ણ નોર્મલ અને ભયમુકત હોવાનું જાણવા મળે છે, આમ છતા તેમને એક દિવસ ઓબ્ઝર્વેશનમાં રાખવામાં આવ્યા છે. અમિનેષ અને વિમીબેનની તબિયત સારી છે. બંને ભયમુકત છે. access_time 3:56 pm IST