Gujarati News

Gujarati News

News of Tuesday, 3rd December 2019

સુરતના નવાગામ ડિંડોલી વિસ્તારમાં દુકાનદારોને ધમકાવી હપ્તાની ઉઘરાણી કરનાર 2 ટપોરીઓની પોલીસે રંગે હાથે ધરપકડ કરી: 2ની શોધખોળ શરૂ

સુરત: શહેરના નવાગામ ડિંડોલી વિસ્તારમાં મર્ડરના ગુનામાં જેલમાંથી છુટેલા ટપોરી અને તેના ત્રણ સાગરીતોએ વિતેલા એક પખવાડીયામાં પોલીસવાલો કા હમ કો ડર નહીં કહી દુકાનદારોને ધમકાવી હપ્તા ઉઘરાવ્યા હતા અને હપ્તો નહીં આપનારની દુકાનોમાં તોડફોડ કરી આતંક મચાવતાં આખરે ગત રવિવારે એક મહિલા વેપારીએ ડિંડોલી પોલીસ મથકમાં ફરિયાદ નોંધાવતા પોલીસ દોડતી થઇ હતી. ડિંડોલી પોલીસે બે સાગરીતની ધરપકડ કરી છે પરંતુ મુખ્ય આરોપી દિનેશ હજુ ઝડપાયો નથી.

પોલીસ સુત્રો દ્વારા પ્રાપ્ત થતી વિગતો મુજબ મૂળ રાજસ્થાનના વતની અને સુરતમાં નવાગામ ડિંડોલી નંદનવન રોડ ગાયત્રીનગર સોસાયટી વિભાગ 2 પ્લોટ નં. 96માં રહેતા બલવીરસિંહ જસવંતસિંહ રાજપૂત ઘરના આગળના ભાગે સુપરદેવ કિરાણા સ્ટોર્સ ધરાવે છે. ડિંડોલી પોલીસે ગતરાતે ચાર ટપોરીઓ પૈકી બે સાગરીત સમાધાન ઉર્ફે સમા શાંતારામ વારૂડે (ઉ.વ.22) ( રહે. 244, ચેતનનગર સોસાયટી, નવાગામ રેલ્વે ફાટક પાસે, ડિંડોલી , સુરત) અને સંદીપ મધુકર ગવઈ (ઉ.વ.21) ( રહે. 347, ચેતનનગર સોસાયટી, નવાગામ રેલ્વે ફાટક પાસે, ડિંડોલી, સુરત)ની ગતરાતે ધરપકડ કરી હતી. જોકે, મુખ્ય આરોપી દિનેશ સીરસાઠ હજુ પોલીસ પકડથી દૂર છે.

(5:16 pm IST)
  • જીડીપીના આંકડા મામલે ભાજપના સાંસદ નિશાકાન્ત દુબેએ કહ્યું જીડીપી કોઈ બાઇબલ કે રામાયણ નથી : થોડા વર્ષોમાં જીડીપીની જરૂરિયાત નહિ રહે : નિશાકાન્ત ડૂબેએ જીડીપીની થિયરી પર સવાલ ઉઠાવ્યા : તેઓએ કહ્યું જીડીપીને બદલે સતત આર્થિક વિકાસનું મહત્વ છે access_time 1:17 am IST

  • મમતા બેનરજી વિધાનસભાને જણાવ્યું હતું કે પશ્ચિમ બંગાળમાં ડેબ્યુથી ૪૪ હજાર લોકોને અસર થઇ છે:તેમણે કહેલ કે વિપક્ષ આ પ્રશ્ન રાજકીય સ્વરુપ આપી રહ્યા છે અને જાણે સરકારે ડેંગ્યુના લાર્વા પેદા કર્યા હોય તેવો માહોલ સર્જી રહ્યું છે. access_time 12:51 am IST

  • આણંદમાં એન્ટી કરપ્શન બ્યુરો આવકવેરાના ઓફિસર અને ચાર્ટર્ડ એકા.ને ૧૦,૦૦૦ની લાંચ લેતા ઝડપી લીધા છે access_time 12:55 am IST