Gujarati News

Gujarati News

News of Tuesday, 3rd December 2019

અમદાવાદના અમરાઈવાડી વિસ્તારમાં અપંગ દંપતીની મજબુરીનો લાભ લઇ 9.50 લાખની છેતરપિંડી આચરનાર વિરુદ્ધ પોલીસે ફરિયાદ દાખલ કરી વધુ તપાસ હાથ ધરી

અમદાવાદ: શહેરના અમરાઈવાડીમાં રહેતા અપંગ દંપતિને બેન્કમાં આવવા જવાની તકલીફ હોવાથી તેમણે વસ્ત્રાલમાં રહેતા તેમના ઓળખીતા પર વિશ્વાસ મુકીને બેન્કનું કામકાજ સોંપ્યું હતું. જોકે આરોપીએ આ નિઃસહાય દંપતીને અંધારામાં રાખીને તેમની સાથે ૯.૫૦ લાખની છેતરપિંડી કરી હતી. દંપતીએ નાણાં પર માંગતા આરોપીએ જાનથી મારી નાંખવાની ધમકી આપી હતી. અમરાઈવાડી પોલીસે આ અંગે ગુનો નોંધીને તપાસ હાથ ધરી છે.

આ બનાવની વિગત મુજબ અમરાઈવાડીમાં કોમલબહેન કુશ્વાહ ૯૩૩) તેમના પતિ હીરાસિંગ કુશ્વાહ સાથે રહે છે. સત્યમનગર શાક માર્કેટમાં શાકની લારી ધરાવી ધંધો કરતા પતિ પત્ની અપંગ છે. છેલ્લા દસ વર્ષથી તેઓ વસ્ત્રાલમાં પુષ્કર સોસાયટીમાં રહેતા મહેન્દ્રસિંહ જી.જૈનને ઓળખતા હતા અને તેની સાથે ઘર જેવા સંબંધ હતા. દંપતીએ નામાં પર માંગતા તેણે ૪.૫૦ લાખ પરત કર્યા હતા. દંપતીએ બાકીના ૯.૫૦ લાખ પરત માંગતા મહેન્દ્રસિંહે પૈસાની માગણી કરશો તો મારા જેવો કોઈ ભુંડો નથી જાનથી મારી નાંખીશ, એવી ધમકી આપી હતી. આથી કોમલબહેને અમરાઈવાડી પોલીસ સ્ટેશનમાં મહેન્દ્રસિંહ વિરૃધ્ધ ફરિયાદ નોંધાવી હતી.

(5:14 pm IST)
  • સાંજે 6-30 આસપાસ કેશોદ ફરતા 10 કિલોમીટરમાં જોરદાર વરસાદ પડી ગયાનું શ્રી બિપિન રૂઘાણીએ જણાવ્યું છે તેમણે કહેલ કે રસ્તાઓ ઉપર પાણી ભરાઈ ગયા છે તેવો વરસાદ પડી ગયો છે access_time 7:01 pm IST

  • વિજયભાઈ રૂપાણીના ભત્રીજા અને ભત્રીજા વહુને બગોદરા પાસે અકસ્માત : બંને હેમખેમ : ઝાયડ્સ હોસ્પિટલમાં એક દિવસ દેખરેખ હેઠળ રાખેલ છે : આજે બપોરે મુખ્યમંત્રી શ્રી વિજયભાઈ રૂપાણીના સગા ભત્રીજા શ્રી અમિનેષ રૂપાણી અને તેમના પત્નિ શ્રીમતી વિમી રૂપાણીને બગોદરા પાસે અકસ્માત નડ્યો હતો. સામેની સાઇડેથી ગમે તે કારણોસર કોઈ મોટર અમિનેષના મોટરની દિશામાં આવી ટકરાતા અમિનેષને અને તેના પત્નિ બંનેને તાત્કાલીક અમદાવાદ સાવચેતીરૂપે લઈ જવામાં આવેલ. ઝાયડ્સ હોસ્પિટલમાં સીટી સ્કેન અને બધી જ તપાસ કરતા સંપૂર્ણ નોર્મલ અને ભયમુકત હોવાનું જાણવા મળે છે, આમ છતા તેમને એક દિવસ ઓબ્ઝર્વેશનમાં રાખવામાં આવ્યા છે. અમિનેષ અને વિમીબેનની તબિયત સારી છે. બંને ભયમુકત છે. access_time 3:56 pm IST

  • રાજકોટ નજીક શાપર-વેરાવળ પાસે ત્રિપલ અકસ્માત : યુટીલીટી,ખાનગી ટ્રાવેલ્સ,અને આઇસર વચ્ચે અથડામણ : ટ્રાવેલ્સમાં બેઠેલા તમામ હેમખેમ access_time 11:47 pm IST