Gujarati News

Gujarati News

News of Tuesday, 3rd December 2019

ગુજરાતના એસટી-જીઇબી સહિત તમામ બોર્ડ-નિગમોના કર્મચારીઓને મહિને માંડ ૧પ૦૦ થી ૩ હજાર પેન્‍શનઃ પમીએ દેખાવો

૧૯૯પના વર્ષથી નેશનલ પેન્‍શન સ્‍કીમમાં આવરી લેવાયા છતા સરકાર લઘુતમ પેન્‍શન ૯ હજાર આપતી નથી : ગુજરાત એસટી સંઘના નેજા હેઠળ રાજયના ર હજાર નિવૃત કર્મચારીઓ દિલ્‍હી જશે ધરણા-રેલી સાથે રજુઆતો

રાજકોટ તા. ૩ : સન્‍માનજનક પેન્‍શન અને અન્‍ય માંગણીઓ સાથે રાજકોટ-ગુજરાત સહિત દેશભરના હજારો પેન્‍શનરો પમીએ દિલ્‍હી ખાતે ઉમટી પડશે અને દિલ્‍હી જંતરમંતર ખાતે મહારેલી-ધરણાનો કાર્યક્રમ યોજવામાં આવ્‍યાની જાહેરાત કરાઇ છે.

ગુજરાત સરકારના એસટી-જીઇબી સહિત તમામ બોર્ડ નિગમના નિવૃત કર્મચારીઓને દર મહિને માત્ર ૧પ૦૦ થી ૩ હજાર જેવુ પેન્‍શન મળે છે, અમુકને ત મળતુ જ નથી, આ અંગે અનેક-વખત રજુઆતો-આવેદનો અપાયા હતા સરકાર કેન્‍દ્રના ધોરણે પ૦ ટકા પેન્‍શન આપતી નથી, બોર્ડ નિગમના કર્મચારીઓને ૧૯૯પ ની સાલથી પેન્‍શન સ્‍કીમમાં આવરી લેવાયા છે, પેન્‍શનરો દરમહિને ૯ હજાર રૂપિયા ઉપરાંત મોંઘવારીએ મુજબ ચુકવણુ કરવા માંગણી કરી રહ્યા છ.ે

સરકાર રપ વર્ષે પણ કશુ કરતી ન હોય. નેશનલ ફેડરેશન ઓફ રીટાયર્ડસના નેજા હેઠળ પ મીએ દિલ્‍હીમાં જબરા દેખાવો, રેલી-ધરણા યોજો.

જેમાં ગુજરાત એસટી નિવૃત કર્મચારી સંઘના નેજા હેઠળ ર૦૦૦ થી વધુ નિવૃતો ભાગ લેવા તા.૪ના રોજ દિલ્‍હી પહોંચી જશે.

ગુજરાત એસટી નિવૃત સંઘના અધ્‍યક્ષ એસ.એમ.બારીયા અને ઉપાધ્‍યક્ષ કુરજીભાઇ હરખાણીની યાદીમાં જણાવ્‍યા મુજબ અમારી માંગણી એ છેકે તમામ પેન્‍શનરોને કેન્‍દ્રના ધોરણે પેન્‍શન આપવા અને  લઘુતમ પેન્‍શન દર ૯૦૦૦ રૂપિયા ઉપરાંત મોંઘાઇએ મુજબ ચુકવણું ચાલુ કરવામાં આવે, રાજય સભામાં મુકાયેલા કોશીયારી કમીટીના અહેવાલનો અમલ કરવામાં આવે, તા.૪ ઓકટોબર ર૦૧૬ ના સુપ્રીમ કોર્ટના આદેશ અન્‍વયે ઇપીએફઓના તા.ર૩ માર્ચ ૧૭માં આપેલા ઉચ્‍ચતમ પેન્‍શન ચુકવવાની સુચના તાકીદે લાગુ પાડવી, તેમજ ઇપીએફ દ્વારા બહાર પાડેલો પરિપત્ર રદ કરવો.

(12:37 pm IST)
  • વિજયભાઈ રૂપાણીના ભત્રીજા અને ભત્રીજા વહુને બગોદરા પાસે અકસ્માત : બંને હેમખેમ : ઝાયડ્સ હોસ્પિટલમાં એક દિવસ દેખરેખ હેઠળ રાખેલ છે : આજે બપોરે મુખ્યમંત્રી શ્રી વિજયભાઈ રૂપાણીના સગા ભત્રીજા શ્રી અમિનેષ રૂપાણી અને તેમના પત્નિ શ્રીમતી વિમી રૂપાણીને બગોદરા પાસે અકસ્માત નડ્યો હતો. સામેની સાઇડેથી ગમે તે કારણોસર કોઈ મોટર અમિનેષના મોટરની દિશામાં આવી ટકરાતા અમિનેષને અને તેના પત્નિ બંનેને તાત્કાલીક અમદાવાદ સાવચેતીરૂપે લઈ જવામાં આવેલ. ઝાયડ્સ હોસ્પિટલમાં સીટી સ્કેન અને બધી જ તપાસ કરતા સંપૂર્ણ નોર્મલ અને ભયમુકત હોવાનું જાણવા મળે છે, આમ છતા તેમને એક દિવસ ઓબ્ઝર્વેશનમાં રાખવામાં આવ્યા છે. અમિનેષ અને વિમીબેનની તબિયત સારી છે. બંને ભયમુકત છે. access_time 3:56 pm IST

  • ઇમરાન ખાનનો આ છેલ્લો મહિનો : ઈમરાનને સતાથી હટાવવા માટેની આઝાદી માર્ચે ઐતિહાસિક ગણાવી મૌલાનાએ કહ્યું કે તેની પાર્ટી દેશભરમાં પોતાનું પ્રદર્શન ચાલુ રાખશે : મૌલાનાએ એમ પણ કહ્યું કે પનામા પેપર આંતરરાષ્ટ્રીય દબાણનો મામલો હતો જેનો ઉપયોગ રાજનૈતિક નેતૃત્વના વિરોધમાં કરાયો access_time 1:11 am IST

  • અરબી સમુદ્રમાં વાવાઝોડું પવન આકાર લઇ રહ્યું છે,અરબી સમુદ્રમાં રેકર્ડબ્રેક આઠમું વાવઝોડુ સર્જાશે,જોકે ભારતીય સમુદ્રકાંઠે વાવાઝોડાથી કોઈ ભય નથી,અને વાવઝોડુ પવન,સોમાલિયા તરફ આગળ વધશે access_time 8:53 pm IST