News of Tuesday, 3rd December 2019
અમદાવાદ,તા.૩:રાજયના મુખ્યમંત્રી વિજયભાઈ રૂપાણીની અનોખી પિતૃ વત્સલ સંવેદના જોવા મળી હતી આણંદના પંડોળી ગામના આઠ વર્ષના હિતેન સોલંકીને અકસ્માતે માથામાં ગંભીર ઇજા પહોંચી હતી.)કૃષ્ણા હોસ્પિટલ કરમસદ માં સારવાર હેઠળ. આ ગરીબ બાળકની સારવારનો મોટો ખર્ચ તેનો દરિદ્ર પરિવાર ઉઠાવી શકે તેમ ન હતો.
માસૂમ જીંદગીનો સવાલ હતો.એવે વખતે સારવારના ખર્ચ માટે મદદની સોશીયલ મીડિયામાં અપીલ કરવામાં આવી અને રવિવારે સવારે મુખ્ય મંત્રીનો ફોન આવ્યો ખર્ચની ચિંતા ન કરશો હિતેનની સારામાં સારી સારવાર કરો
ગરીબ પરિવાર જનોની આંખો અશ્રુ ભીની થઇ ગઈ અને .હોસ્પિટલમાં પણ સારવારનો ઉત્સાહ હતો .
પેટલાદ તાલુકાના પંડોળી ગામના દિનેશ ભાઈ સોલંકીના પુત્ર હિતેનને હવે આજ હોસ્પિટલમાં સારામાં સારી આગળ ની સારવાર મળશે અને તેને નવજીવન મળશે એવો આશાવાદ સૌ વ્યક્ત કરી રહ્યા છે.
પંડોળી ગામે પણ પોતાના ગામના દીકરાની સારવાર માટે રાજય ના મુખ્ય મંત્રી દ્વારા લેવામાં આવેલી કાળજીની વાત સાંભળીને ગ્રામ જનો પણ લાગણી સભર બન્યા હતા.
મુખ્ય મંત્રીએ આજે રવિવારે સવારે અચાનકજ કૃષ્ણા હોસ્પિટલમાં ટેલિફોન કરીને હોસ્પિટલ ના સંચાલક સંદિપ દેસાઈ સાથે ગરીબ પરિવારના દીકરા હિતેન સોલંકી સારવાર અંગેની વિગતો મેળવી હતી. વિજયભાઈ રૂપાણીએ કૃષ્ણા હોસ્પિટલ કરમસદના સી. ઇ. ઓ.ને દીકરા હિતેનને જરૂરી તમામ સારવાર આપવા અને સારામાં સારી સારવાર આપવા કહ્યું હતું. અને જલ્દી સ્વસ્થ થાય તે માટે ના તમામ પ્રયાસો કરવા પણ અનુરોધ સાથે સમગ્ર સારવાર નો ખર્ચ રાજય સરકાર તરફથી કરાશે તેમ પણ ઉમેર્યું હતું.
મુખ્ય મંત્રી વિજય ભાઈ રૂપાણી લાગણી અને ગરીબ દીકરાની સારવાર પૈસા વગર અટકે નહીં તે માટે તુરંત ફોન કરી ગરીબ પરિવારને મોટી હૂફ મળી હતી અને હોસ્પિટલમાં તબીબો અને સેવા કર્મીઓમાં પણ સારવારનો ઉત્સાહ વધ્યો હતો.જયારે દીકરા ના પિતા અને માતાને હોસ્પિટલમાં ખબર પડી કે પોતાના દીકરાની સારવાર માટે અને સારવાર તમામ ખર્ચ સરકાર તરફથી થશે અને આ માટે રાજયના મુખ્ય મંત્રી વિજય ભાઈ રૂપાણી દ્વારા હોસ્પિટલ સંચાલકોને ફોન પણ કરાયો ત્યારે પરિવાર જનો બે હાથ જોડી અશ્રુ ભીની આંખે ભાવ પ્રગટ કર્યો હતો.તેઓ પાસે શબ્દ ન હતા.
મુખ્ય મંત્રીના હોસ્પિટલ ઉપરના ફોન બાદ કલેકટર દિલીપ રાણાએ પણ હોસ્પિટલ સાથે વાત કરી હતી અને જિલ્લા આરોગ્ય અધિકારી ડો એમ. ટી.છારી ને હોસ્પિટલ ખાતે મોકલીને હિતેન સોલંકીની સારવાર અને વ્યવસ્થા સંદર્ભે જરૂરી કાળજી લેવા કરેલી તાકીદ મુજબ ડો. છારી હોસ્પિટલ ખાતે હાજર રહ્યા હતા.